أكتب على كل بحر ولا عليّه ملام = وحتى العجم وإن بغيت ارطن لها أرطن لها
واللي يقول السلام يجيه رد السلام = حقوق الإسلام والرجال ما يزلها
واللي يجي باحترام نبادله باحترام = والعالم اللي تبا التطبيل طبلها
والخنجر اللي بوسط قرابها بالحزام = مطرفه وإن بغيت أسلها اسلها
للعقرب اللي ذنبها فيه مثل السهام = يا سرعها للغشيم اللي تسربل لها
ومطيتك كان ما جودتها بالخطام = تسري بليل ظلام ولا حد يفطن لها
والعود الأخضر إذا حاولت معك استقام = واعواد يبست بعوجتها على حلها
وشجره تجيك شعواء في ظلها ماتنام = والشجره الوارفه ترتاح في ظلها
والضرب في ميت بلا روح قالوا حرام= واهل القلوب البغيضه لا تمسكن لها
حنا نصد الخصيم اللي بخشمه عرام = وإن كان زادت معه حنا نفرمل لها
أخذ الكلام السمين وخل عنك الهلام = يامكثر علوم خلق الله ويا قلها

المشاركة الأصلية كتبت بواسطة غازي الزغيبي (المشاركة 1407579) الشاعر والكاتب الكبيرعبدالمطلوب البدراني ا لسلام عليكم ورحمة الله وبركاته ابوناصر اسم ارتقا بمفرداته بنضوج وسجل بسجل الشعرا المرموقين بساحة الشعر وله العديد من المقاﻻت بمجال الصحف اﻻكترونيه وغيرها وله العديد من تجربت الشعار0 وهذي التجربه تجعلني اقف امامها وقول صح السانك حتى ولو هنص مختلف عن مايسبقه منهج شاعرنا على كلن لبوناصر الحريه في مايشاء وهوفوق التدقيق حتى ولو هناك امور ودمت0

المشاركة الأصلية كتبت بواسطة الحب الباقي (المشاركة 1407583) صح الله لسانك يا القرم والله يـعـطـيـك الـعـافيـــــــــــة بيض الله وجهك