|
ديوان الشاعر / إبراهيم الردادي ( بيان الصمت )
إخوتي الكرام السلام عليكم ورحمة الله وبركاته هذه قصيدة كتبتها لمعالجة أحداث معينة ولكنها طالت ففضلت تجزئتها إلى ثلاثة قصائد لتبلغ الهدف الذي قيلت من أجلة وعلى حسب ملامستها للموضوع الأساسي متدرجة كل قصيدة على قدر عنوانها االأولى ( الناصحة ) والثانية ( الواضحة ) والثالثة (.......) تركت تسميتها للمتلقي والآن إليكم الناصحة
بسم الإلـه الـذي أبـدع خلايقهـا=وعن ذنوبـي طلبتـك ربِّ غفـران صلي إلهـي علـى أحمـد مبلغهـا=حصن دروب الهدى عن كل شيطـان لكن نفـوس الخلايـق دوم تجذبهـا=شهواتهـا للخطـا والعقـل وسنـان ما تستحي من مخازي الشر تجلبهـا=ولنشوة الفـوز فيهـم كـل سلـوان تقـاوم الحـق وتبرهـن لباطلـهـا=والحق ظاهر ومـا يحتـاج برهـان العقل منجـا لهـا والعنـد متلفهـا=ما تعرف الحـق إلا بعـد الأحـزان طبع الكبارة تغطي عقـل صاحبهـا=ما يستمـع قولـك إلا بكـل نكـران ومن بنى الحكم عـن قالـة لناقلهـا=أسس قصوره على الما تحت كثبـان صدور حكماًعلى غايـب لحاضرهـا=حكماً لمفتي وقع فـي يـد سجـان قدر الرجال يتبايـن مـن مواقفهـا=والعز بالعقل مالـه مصـدراً ثانـي كم ناس قدرتهـا وأعليـت منزلهـا=تلبس لنا في المواقف ثـوب خـذلان غصن الشجر ميِّتٍ حينـه يفارقهـا=لو صادف الما وظله ظلهـا الحانـي ما كبرةً بينت فـي وجـه صاحبهـا=إلا بمقدارها فـي النفـس نقصـان تحمل أموراً ومـا تخفـى لحاسبهـا=من يحقر الناس ما يوضع في حسبان النفس أعدى عدو لك مـن قرايبهـا=سم القريـب لفـؤادك دون شريـان قفِّل دروب العواطف وانظـر أقربهـا=هو البلا واشطبه فـي طـي كتمـان راجع سجلك على كل مـن يقاربهـا=واحرص على كسبهم في غير نسيان كل العسر في انكسار النفس تجبرها=باقي العمر ينقضي صـداً وهجـران ضاعت علوم ورجالاً كنـت خابرهـا=في زحمة المـال والدنيـا لخسـران كلاً يبـي يجمـع الأمـوال يكنزهـا=مثل السلوقي لصيـده بـات جيعـان يا مردي النفس خذ عنـي سبايبهـا=بزينة العقـل ربـي عـز الإنسـان من حط نفسه ورا الأبواب وأغلقهـا=فالذيب ما ياكـل إلا شـارد الضـان حل المشاكل يجيلـك مـن ثوابتهـا=وأسبابها كم بها المرحـوم وصانـي احذر حلول النسـا وأخبـار جابتهـا=عليك بمشاور أهل الـراي والشـان اترك هوى النفس في الدنيا وخالفها=يجري لك الرزق جري الما بالأغصان هذي أمور البشـر دعهـا لخالقهـا=لا تتلف النفس لجل اصـلاح ماكـان كلاً ميسر علـى خطـوات واردهـا=ولـك الدعـا يفتـح أقفـالاً وبيـبان كلاً محاسب على النعمـة وموردهـا=واصدارها عند محصي الخلق ديَّـان هذا كلامي لمـن يحسـب عواقبهـا=قوله وفعله بـدرب الحـق نيشـان ومن تكابـر وشكـك فـي دلا يلهـا=شهر بنفسه يقـول القـاف يعنانـي يا ربِّ توبة وتغفـر ذنـب كاتبهـا=منك العطا يا رحيمـاً دون حسبـان زادت ذنوبي وأنـا رحمـاك طالبهـا=آميـن يـا واحـداً بالخيـر منَّـان وعفوك أقرب لهـا يـارب يشملهـا=يوم يتخلى جميع أهلـي والأخـوان والحمـد لله علـى نعمـاه مسبغهـا=فضله شمل صاحب الإحسان والجاني |
السلام عليكم ورحمة الله وبركاته وإليكم الواضحة
باسمك إلهي بديـع الكـون خالقهـا=صلي على احمد رفيع الجد والشـان وفِّق لها في طريق الحق واحفظهـا=من كـل ذي نزعـةٍ للشـر خـوان بالعقل والصبـر والأخـلاق هذبهـا=كل من فقدها سلك في درب شيطـان من يتبع النفس يهلك في طلا يبهـا=يطلب حقوقاً وهو في الحق غرقـان ومن تعلق بأمـره فـي صغايرهـا=في الحق يظهر قصير الباع والشـان خلِّ العنيد الـذي نفسـه مضيِّعهـا=يتبـع هواهـا ومالـه قـط ميـزان لا تشتقي لبايـعٍ نفسـه لعارضهـا=واحفظ جهودك لذي فضلٍ وعرفـان شحن النسا والسحر كل من يتابعهـا=غايب عن العقل خارج رتبة انسـان يهذي بقالات مـا يعـرف عواقبهـا=سراير الخبث تنشي عقـول صبيـان لكن طناشك لها في الحـال يحرقهـا=يظهر لها وش حقيقة طبعها الدانـي عمر النسا ما تقود رجـال غيرتهـا=إلا إذا ارخى بـراس الـذل رغبـان لاتستخف كيدهـا واسـرار نقمتهـا=تغوي حليماً قهر تسعيـن شيطـان واكبر مصيبة كبيـر القـوم يَتْبَعهـا=وفي غيها يرتجي طاعـات واعـوان يخلف مسار الحقايق عن مواردهـا=يطفي بها غل يزفـر مثـل بركـان للنفس مضمونهـا تحـده ملافظهـا=بأضغانها يستحيـل الطيـب لادران يجحد على الناس أصل حقوق راعتها=يقول نخوا لنـا وصاحبكـم الجانـي والحق سامي وحكمه فـوق حجتهـا=في رجعته يستفيد الفصـل برهـان من لا سمع من رجال الطيب طيبهـا=بكل تأكيـد يسمـع هـرج نسـوان ينسى مواجيـب للرحمـن شرعهـا=وما في حاله عن المـدات كسـلان يبعد عن عهـود وعلومـاً تعلمهـا=وينسلخ مـن أثرهـا سلـخ ثعبـان ما يقتدر للغريـب العيـن يرفعهـا=أما الولايـا لهـم بالقـرب طغيـان يبـدي الرجولـة بعـاداتٍ يخالفهـا=على كسير الجنـاح بقلـب نشـوان والنفس دون الرجولة في عوايقهـا=ويطير للمنذلة مـن غيـر جنحـان دون القرايب يبـي عـزّاً يشرفهـا=يلجا لاجانيب فـي كبـرٍ وعصيـان سهل الدروب يتعارض مع رغايبهـا=ويحدها العسـر فـي ذلٍّ وحقـران من لا عرف له كبيراً حال موجبهـا=تصغر فعاله مع الأقصيـن والدانـي حب الظهور لحياض الموت يوردهـا=والدرب في الدين ما يحتـاج تبيـان ربع المناظر تغطي عـن مخابرهـا=والعين تظهر خفايا النفـس بالـوان تعطي القضايا وتبدا مـن كبايرهـا=وفي الحقيقة ترابـاً فـوق صفـوان بين المواقـف لهـا قـولاً يغايرهـا=تكذيب وانكار لو من شوف الاعيـان ورا الخفايا تجـس اخبـار مطلبهـا=وتضفي على هاجس الشيطان بنيان من تافه أفعالهـا تظهـر ضغاينهـا=ما تجلب الجيفة إلا أشكـال غربـان ما تقبـل الحـق وتعانـد حقايقهـا=ما يحجب الشمس نزع وقول شهواني ما ترتجي الخير ياتي مـن فعايلهـا=والحرص بادي على النظرات عنوان نار الحسد زادها من قلـب مشعلهـا=دخانها يفضح اللي بحرهـا معانـي سريعـة الـرد والشيطـان يلهبهـا=قطاعة الرزق هدم بيـوت واوطـان لا تحـزن إلا لـذي قيمـة مقدرهـا=في منهج العز ما يُشـرى بالأثمـان لله سنة علـى اهـل الأرض قدَّرهـا=الظلم وارد قصاصـه قبـل الاكفـان هذي بلايـا ومـن ياخـذ بواحدهـا=عليـه مابـه حسافـة بيـن خـلان لوجابك الحظ صدفـة درب راغبهـا=أبعد ولو بالخسارة وانـت ربحـان ما بال من حازهـا جملـة بكاملهـا=كيف يتجرَّا يواجه غـرب وأعيـان لكن لنا في الدعا يهـون مصايبهـا=وارجو الهداية لهم من رب رحمـن منَّا النصيحة بها لو كـان يرفضهـا=ثوابها عند مـن يجـزي بالاحسـان وخلاصة القول ياللي بحـق تطلبهـا=من قلب صافي بحب الخير عمـران خذها سحابة فكـر لاحـت بوارقهـا=ما تنفـع إلا جديـر بمـد الايمـان أما نفوس الخبث تشكـي مضرتهـا=ما يتفق مع ريـاح الـورد جعـلان من حب دنياك والخـوض بمفاتنهـا=كل المشاكل تجي من هـم واحـزان ومن يتق الله تسهل لـه مخارجهـا=إذا النوايا صفت بأفعـال وإحسـان وأعمالنا طالبـك يـا رب تختمهـا=بالصالحات وترجـح كـف ميزانـي واطيب صلاةً على المختار شافعهـا=أرجو بها البعد عن لفحـات نيـران |
السلام عليكم ورحمة الله وبركاته وهذه الثالثة
باسمك إلهي لقول الحق ثبتها=وصلي على من بعث رحمة وبرهان في سعيها استر عليها وحين هجعتها=بأسباب شرعك إلهي ثبت أشطاني سلم عبادك من الرقط وخبيثتها=في وضعها نايمة والسم يقظان ومن على نهجها من البيض فاقتها=تخفي البلا تحت ثوب الطيب ولسان عظيم كيد النسا خاضع لرغبتها=ما يندرج تحتها تبرير عقلاني بين البشر ما تناظر غير كلمتها=ما كنها إلا أصدرت مرسوم سلطاني ما تقبل أحداً يراجع في مقالتها=ترى التعدي جريمة كل الأدياني السيطرة والتحكم صار عادتها=وكل التلذذ يجي باتعاس جيران تحفر وتدفن ورا الأبواب بغيتها=وراعي الرعية بحسن الظن في شان وتبدي البراءة لوقت تحين فرصتها=وتمتطي من مجال الطيب وجدان من ناعم القول تدهن ثوب حالتها=ومن سمها تلتوي في حال ثعبان في عالم السر لك تنسج مصيبتها=ما تظهر إلا في صورة نار بركان يصعب على العاقل استكشاف وجهتها=كائن خفي ظاهرٍ في صورة إنسان تخرب بيوت البشر من شان كبرتها=فرع التخصص لها تفريق عرسان وقت المصايب تبان نجوم فرحتها=أما السعد ما يوافق وجه غضبان نار القلق تستعر في سير خطوتها=لو خايلت سر محفوفاً بكتمان تبدأ تأول على أخبار لمتها=وتنشر صحيفة توضح كل الأضغان والعرف مايسمح بنصحاً في سمعتها=وضع الرجال يتطلب خط ميزان ما يسمعوا لك في كلمة حق لمستها=تضيع الحقيقة في قول فلان وفلان ثم يصعب اثباتها في جو أسرتها=وكلاً بدوره على توزيع الألحان ورجالها مالهم في غير شورتها=جوابهم للرجال برد صبيان وتلمهم لو مقالة نقد مستها=ما عندهم كلمةً في رد نسوان تمنع عليهم مواجه غير طينتها=يخلا لها الجو ثم تحيك الألوان تخطب من الدور تبحث عن ضحيتها=تشرط وما كنها الا زوجها الثاني ماتعتبر من نذر وأقدار صابتها=لابد من قاصمة من فوق الأمتان من يشعل النار يصلاها في رجعتها=تبدا من الساس وما ترحم له أغصان يذكر لها مرجع يوجه سفينتها=أعطى الإشارة لشاطئ السوء قبطان وعلومها تفوح من مضمون قولتها=أما العريس الحقيقي زين الأرداني لكن عين الرضا تطمس خطيَّتها=والعجب درب الزلل في كل الأزمان والظاهر إن العروسة ضمن جعبتها=وتصدر قراراً لزوم يطاع عمياني ويجي القضا في ارتباطه عكس إرادتها=ومن يومها الحال ركبت كف شيطان وتحرف القول من معيار نيتها=من مقتضاها يصير الورد عدواني تعطي الأوامر على نسوان فرقتها=جو النسا يحتمل ستراً لورقان دوامة حبالها تعمي بصيرتها=تلبس على الحق منها ثوب بطلان مقصودها تسيِّره في درب سنتها=ممنوع لايواجه أهل الرأي والشان تاخذ في مدحه لجل تبرير وقفتها=وبنتي صغيرة ولا أرضى لها ثاني ودعاية إعلامها تدعم لغايتها=حتى يغادر مقام العقل حيران كل من يطيع النسا في درب شهوتها=باع الرجولة وصار بحكم نسيان إذا عطاك الكلام بوقت غيبتها=يصحا لنفسه بعد ما كان سبهان يفز من جلسته يوعد برجعتها=يقول أجيلك إذا ما كنت تبغاني لابد من إذنها قبل التفاتتها=عن رايها ما يرى للحق رجحان يجيك مقلوب رايه بعد شورتها=والعقل من دونه أقفالاً وبيبان يرمي بالأخلاق لاستحسان نظرتها=يقطع حبال الوصل مع أقرب انسان يخلف عهوده مع أهله حسب إشارتها=ويغفل ضغوطاً لهم في كل ميدان إذا تناسى بعهد الله خلوتها=كل التعامل معه باطل وخسران تصبح وحيدة في وسط أشباح حدتها=على التخلي وتحمل هم وأحزان والبيت ملعب تنس رمز لحكايتها=يحوي رسالة لمن له قلب وأعيان والربع كورات بلياردو في لعبتها=كلاً عرف وجهةالتنفيذ بإتقان ويذهب الفكر كيف تكون رجعتها=وعيونهم مطرقة خلفه وسندان ويقصدون المحاكم في قضيتها=يمضي من العمر فيها قدر الإمكان قد جهزت في ثناياهاعروستها=لكن فرحة على الأنقاض خسران دنياك تقلب مع الساعة ولحظتها=منها وفيها قضاها دون نقصان بعد الفوات يترسم سير خطتها=ما ينتفع حينها من عض ندمان يدخل في نار الغبن تصلاه حظوتها=ويعيش باقي العمر في حبس نفساني مع قولها لاحظوا آثار وقعتها=لا بد للحق من صاحب وعدواني والتذكرة تنفع المؤمن إعادتها=وراعي الهوى يمتلي حقداً ونكران يارب خير الأمم مكن شريعتها=وعجل لها عزها في كل الأوطان واقضي على أنظمة شهوات عادتها=واحفظ بلدنا أمن من كل عدوان وختامها طالبك يارب توبتها=عفوك كبير ومعه يارب رضوان وصلوا على المصطفى مجلي محجتها=ومن نهج سنته معصوم بإيمان |
السلام عليكم ورحمة الله وبركاته
الحق ظاهر بَيِّن بوجه راعيه= يبرز وما يحتاج شرحاً وتأويل صافي السريرة صاحب الحق يبديه= وراعِ الخطا يحتاج ستر وتعاليل مبدأ الرجل ياخذ على الحق يعطيه= وشَرَّ النِّسا في السِّرِّ ظنَّاً وتهويل من فارق المبدا كثيرة شكاويه = ويناقض أحكامه بكثر الأقاويل وش قيمة الرجَّال بالعقل لاغيه= قِدَّام من بالعقل فاقت رجاجيل الصدق منجاها قريبة حراويه= والكذب مهوى ماينال المواصيل حمل الضغاين ناتج أصغر بلاويه= في عين راعيها تشوف الأباطيل يا من نويت الشر تلقى جوازيه= حكم القضا يوصلك من دون تعطيل انظر لتالي الأمر وارجع لباديه= وافحص نواياها ومن غير تأويل سفينة المبدا توصِّل لتاليه= بطبع النوايا تبان كل التفاصيل أحكم على مبداك وش كان حاديه= سيب الضغاين دون لَفٍّ وتطويل إحرص على ساسه وجوِّد مبانيه= عين الحسد تمحاه لو بالتماثيل وإيَّاك عن وقت الغضب تبتدي فيه= تعوَّذ وسَمِّي بذكرٍٍ وِتنزيل |
إخوتي الكرام السلام عليكم ورحمة الله وبركاته لقد وضعت مقدمة لقصيــدة ســـابقة ولكن فكرة هذه المقدمة أعجبتني ورأيت أنها من الأفضل أن تكون مستقلة فكانت النتيجة هذه الأبيات ولعلكم توافقوني الرأي إذ تقول
مبادئ المرء منظاره = بعلم الكون يتجدد بمن حوله ومن جاره = لزين وشين يتردد تَحَوَّل نظرة أفكاره = وصافي اللون يتبدد تغيب عيون نواره = وظل اليأس يتمدد ويرضى العيش بأقداره = على ماضيه يتوجَّد ويحسب باقي مشواره = وداعي الحق يتهدد جنا سمعه وأنظاره = ديون ولازم تسدد أصول العلم من داره = عليها الكل يتحدد |
وتقبلوا تحيات أخيكم إبراهيم الردادي |
إليكم هذه الأبيات وآمل أن تحوز على رضاكم
في غيبتك آخذ مع القلب وقفات=واستانس الوحدة مع السر لا يبوح يوصلك شوقي ما ترده مسافات=وصورتك في عيني لها القلب مشروح مثل المطر ذكرك على القلب زخات=فيه البرد يشفي عليلاً ومجروح والصوت مرسولاً معبر عن الذات=والعين تبدي شاشة القلب بوضوح يروي غليل النفس منك ابتسامات=تحوي عبير الروض يوم انه يفوح وجهك أمل يحيي فؤادي بنظرات=مضى زماناً له من البعد مذبوح تنعش حياته في الجسد منك همسات=مفعولها سحراً وبالعرف مسموح إلحق حبيبك صعب تعويض ما فات=يرجي بوصلك ردة القلب والروح مادام للفرحة أمل باتصالات=تحيًّن الفرصة لها قبل ماتروح قطر العمر يمضي ولا له محطات=واللي مضى ما تجلبه كثرة النوح |
السلام عليكم ورحمة الله وبركاته إخوتي الكرام دار الحديث في أحد المجالس عما يزيد في قوة الرجل فأدلى كلٌّ بدلوه وذكروا العديد من أنواع الأطعمة حسب ما يعتقد كلٌّ منهم حتى قال أحد الأطراف بأن الأهم من هذا كله قصر الطرف على الحلال فراقت لي الفكرة وأوحت لي بهذه الأبيات فلعلها تحوز على رضاكم
يا طالباً ثوب الشباب بأكلةٍ=لا ترتجي خلط الطحينة بالعسل بل قصرَ طرفِك للمُحَلَّل والتزم=وانه الفؤاد عن التعلُّل والزلل ذي فطرة المنَّان أتقن صنعه=فبسرها تمضي الخلائق في العمل إن الشبابَ جماله في روحه=نحو المقاصدِ بالعزيمة والأمل إياك تعجز أو تَكِلَّ للحظةٍ =بل خذ على الأسباب حتى في الجلل ما شاب من جعل التوكل منهجاً=بالصبر والتكرار واطَّرح الملل إن المشيب لفي النفوس جذوره=يردي الشبيبة بالتهاون والكسل تالله عقلك زينةٌ لك يالفتى=زد نوره بالعلم يلبسك الحلل فدعِ النوازع والمفاتن واحتكم=للعقل فيما تعتزمه بما حصل والحمد للمولى على تشريفه=لمن ارتضى الإسلام من بين الملل |
السلام عليكم ورحمة الله وبركاته
لا بان صَمته والدواير تظلِّه=ترسم دروباً له صعيبات وطوال وسط الضِّيا حاير ظلامه يدلِّه=والشَّك أصبح نور للدُّون والعال روس الدُّواهي فـ الزوايا مطلَّة=والكون حوله للظَّلامات ميَّال غاب الوفا إلا بحرامٍ يحِلَّه=والسُّوق قامت زادها أرزاق وآجال والهم داهم للفؤاد استحله=والغبن يغلي لو ظهر ينسف جبال والياس يصرخ داخل القلب غَلّه= بنى على درب الأمل سَدّ وأقفال ذوى الأمل نور الفرج ما وصلْ له= والصَّبر زاده بالمواثيق وأغلال ويوم الضّماير في الملا مضمحِلّة= للخِلّ نظرة تستشف مقتضى الحال راعِ الوفا مثله من الناس قِلَّة= شوفه يريح القلب من همّ وأثقال حاوي لطيّ القيل من مستهَلّه=مهما صعب أمره على الصعب يحتال عن نبتةًٍ من أصلها مستظِلّة=والطِّيْب من طبعه به الحقِّ يختال يارب منك الغوث عاجل تهِلِّه=والحمد نعمة منك بالخير هَمَّال |
إخوتي في الله السلام عليكم ورحمة الله وبركاته إليكم مع التحية
لا تُدخل الهم قلباً بات يعمره=حب الإله وذكرٌ منه يدنينا وارسم لنفسك قبل الموت غايتها=كن في السوابق لا خلف المصلينا وصُن لسـانك بالأذكار مجتهداً=قبل الفـوات فلن تأتيك تلقينا واربأ بنفسك أن تهوي إلى عَرَضٍٍِ=ولا تُهنها وتغضب للموالينا وحاذر العُجب فهو دليل منقصةٍ=ومن يُرَجِّي بثوب العيب تزيينا فذاك داء القوى في الذات يتلفها=يغري بك الناس من ثَم الشياطينا أدر لدنياك ظهراً تأت مقبلةً=فالسعي خلف مفاتنها يعنِّينا لا تحمل الهم فالأرزاق قد قُسمت=وفضل من قسم الأرزاق يغنينا فلو جمعت كنوز الأرض قاطبةً=ما كفّتِ النفسُ تطلب لهفةً طينا والحُسْد داءٌ لفعل الخير مقصلةٌ=ويحجب القطر من منع المزكينا فكيف نرجو من الرحمن رحمته=وللقطيعة نرضى قـول واشينا قد كرَّم الله أنفسنا لنرفعها=لا بالـرذائل نأتيها فتخـزينا صفو النفوس قَبولٌ للذي عملت=وبالفساد تنافي العقل والدينا والله سنَّ لنا ديناً نُعزُّ به=وما بنا طرح ما تجنيه أيدينا لا يرفع الله أمـراً قد قضـاه لـنـا=حتى نغـير مـا بالنفس راضينا لا تعجبنَّ لأمرٍ قد يحُلُّ بنا=نفوسنا استوجبت ما سوف يأتينا فالظلم في الناس لا غفران يشمله=قد جاء للشرك في القرآن تبيينا للاستقامة نبراسٌ تسير به=تُهدى الأمور تباعاً من تأسِّينا عن الرياء فهذب كل نافلةٍ=خذ بالتوسط لا نهج المغالينا واقصد بفعلك وجه الله منتظراً=منه الثواب ولا ترجُ المرائينا فظاهر الناس تُقيا غَلَّفت نهماً=ترجو مع العلم فتوى للمرابينا أيا مصلي الضحى لا تدعي ورعاً=فأكلك السحت قد حدَّ الموازينا كم من مصلي رياءً بات مندرجاً=في وعد ربك ويلٌ للمصلينا وأسأل الله رب العرش يرحمنا=فادعوا وصلوا على المختار هادينا |
الساعة الآن 04:50 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
