والله ووالله ثم والله ووالله=ما أعنيك أنا مشغول مالي ومالك
إدرى القسم بالله لا تستقلّه=لايجرمك شنآن سوء إحتمالك
وإن كان ماصدّقتني فيك علّه=علل وحللني على ما بدا لك
ترى وهبت النبض والقلب كلّه=للّي أسرني ليت ريّحت بالك
كلّه وفاء له والوفاء فيْ جبلّه=إن أقبلت ولا توارت رحالك
إرجع لرشدك وإرتقي مستغلّه=لاتتبع أوهامك وتنبذ مآلك
هذاك مامثله من الغيد للّه=مير إستريح وهدّني من خيالك
نجم وعبث إنك تحاول تصلّه=حبيت أنوّه لو طرى ماطرى لك
أبحتفظ في ياسمينه وفُلّه=خايف عليه إمن الحسد طاب فالك
وأعد خصله واحده مستجلّه=في ناظري تسوى عظايم خصالك
يفوح من ليله إذا قام فَلّه=عطر يغمرني بالسعاده لذا لك!
قلْ للمعنّى لا يوهّقك قلّه=يموت في سيده وماله ومالك