قابل=
سلام للحاضرين يعم=من فرحة القلب وسروره
مثل القمر لاستدار وتم=وعلى البسيطه بدا نوره
مسعود=
ترحيب ماينحصي بالكم=يامن لنا جاد بحضوره
اللي بقيله يزيل الهم=ويجلى عن الخاطركدوره
قابل=
عسى البقاكلكم وانعم=ربعن على الطيب مخبوره
والان معكم نبا نرسم= حتى لنا تكمل الصوره
مسعود=
الكل بأهل الوفايعلم=والطيب مانجهل صقوره
واللي كماكم غزيرالجم=فالقيل ننهل من بحوره
قابل=
لي قلب صابر ولاعلم=رغم الذي جاه من جوره
واخاف من كثرمايكتم=ماينفعه طب دكتوره
مسعود=
الصبرواجب على المسلم=وكتمان الاسرار له دوره
في طبهالوسعى واهتم=قبل الاسى يثبت جذوره
قابل=
حفظت سري كما الابكم=مايطلع الحرف من زوره
حتى احترق قلبي المعدم=من كثرمايكتم شعوره
مسعود=
اللي فراسه فكر يفهم=يعرف خراجه ومقدوره
ومن لايحسب قبل يقدم= مايسددالربح مخسوره

ماهر ابو خالد=
ياقابل اقبل خويـك نـاح = صابه ألـم فالضلـوع ون
مثلك في طب الهوى جراح = عينت نفسك محد لك مـن
لي صيد قبل السنه ذبـاح = روضت نابه رضا ونسـن
واليوم عقب الفجر مالاح = في فكه الناب قـام يـزن
قابل البشري=
يامرحبابك عددمالاح=براقهاوالرعود تحن
ياماهرالقيل ياسباح=ياراعي التكتكه والفن
اللي لصيدالظبانطاح=يتعب فطردالمهاياهن
لاهومعنى ولامرتاح =وايام عمره يقين وظن

قابل البشري=
سلام نبغى لنا شاعـر = ناخد ونعطي معه قافين
والسلم بالنقد والحاضر = مافيه مهله ولابعديـن
ماهر ابو خالد=
جالك ابو خالـد الماهـر = لبيك ياصاحـب الجيليـن
جيلك ظهر واصبح الظاهر= يامرحبا والمعاني تليـن
قابل البشري=
الله يـبـقـيــك يــامــاهــر = ياللي كلامك ثمين وزين
قــدام لاصــدر الـصــادر = اللي يبا الشرح والتبيين
ماهر ابو خالد=
هات الذي عندكم واامر = تلقى الدليله من الصافين
فالظرف ولا لنـا عابـر = البينـه مالهـا تلويـن
قابل البشري=
ياما احسن المشي بالساير = سيدا ومافيه بيـن وبيـن
والعارف الفاهم الخابـر = يعرف طريق السلامه وين
ماهر ابو خالد=
قافك زهى بالمثل شاطر = مختار تجلس على الجنبين
ابهر لنا القيــــــل ياباهر =مهله وعــــــدت لها يومين
قابل البشري=
ياصاحبي خيرنا ياسر=وبدال حرفك يجيك اثنين
لاجبت تعريف ياالنا شر =عن اسمكم يحذف القوسين
ماهر ابو خالد=
ربان قابل بحــــــــر كاسر = محنا على ذا مختلفين
وماني من البرق والماطر=غرقان لو مثلكم ناجين
قابل البشري=
العفو مابيننـا خاسـر = مع مثلكم كاسب الثنتين
وحدة على شوفة الناظر = ووحدة تبقت عليكم دين
ماهر ابو خالد=
طولتها كنـــــها قاطر = مابين تكسس الى قزوين
ياتصوم ولا تجي فاطر=مالك فــدين النصارى دين
قابل البشري=
اوفيتهـا ماحصـل قاصـر = بس انت قلي ملقـي فيـن
اسلم مـع الخلـق ياكافـر = وامشي مع ا لمسلمين يمين
ماهر ابو خالد=
منتا نبي للوحي قادر = ولنتا شفيعي فيوم الدين
استغفر الله من واعر= ماقال عند الدعاء امين

قابل البشري =
لو عندنا نص مـا عنـدك = كان اصبح الحال ما يحتاج
ريس والاقسام فـي يـدك = تلقى لكل الجـروح عـلاج
ماهر ابو خالد =
لو كان مـدي مثـل مـدك = اخرج وانفذ واجيب انتـاج
هذه تفاصيل مـن مجـدك = اهديتني العرش فوق التاج
قابل البشري =
يا مبدع الحـرف فـي ردك = خرجتهـا مالهـا مخـراج
وانا معك ضد مـن ضـدك = برفع معك لارفعـت العـاج
ماهر ابو خالد =
هيا معي واحتسـب عـدك = واعرف شموخ الجمل لاهاج
مادام حضرت لـي حشـدك = بيناتنـا عيّـن الحـجّـاج

ماهر ابو خالد=
ســلام يستوجـبـك رده = مخصوص جالك من الماهر
يحمل اسـى قلبنـا عـده = للعين جاهـا عـدو قاهـر
وانا مع ذاك فـي رصـده = واحيان ارضخ مع الساهر
والشاكي اللي علـى قـده = له شيخ بالعـرف متباهـر
قابل البشري=
ترحـيـب مدالوفـامـده = ارفع به الصوت واجاهـر
كم قلب شقيان مـن لـده = ارسل سهمها من الناظـر
وكم طرف محروم من وده= مايرقـد الليـل ياماهـر
وهذاك اما اقـف ضـده = ولااتـرك المـال للتاجـر

خل الأدب بينا والذوق= ودرب الخطا لاتجي يمه
ان كنت حاسب مكانك فوق=أنا مكاني على القمة

العاقل اللي يعرف العلم= اليا نظر نظرته تكفيه
واللي مايعرف عددها كم= ماهمني ماعليه فيه