الايا الله إنـــي طالــبٍ وجـهــك المــعــبـــود =تغفر الذنوب اللي على العبد تحــــصى لـه
إلى وقـّـفـت مكرات يـومه وحّـــــــت العـــود=ومـن تحت مـيّال اللــحـد حـطّت رحالـــه
تــــــــــــصير العـــمار الغاليـة مــــرتــعٍ للــــدود=وقـبـله نـكـيـر ومنكـر يــدقّــــــــــق سـوالـــــه
وصحـبة ونيسٍ من حــــصاد العـمل موكــود=وبابٍ على مشــــــــــرع حسابه يــهيــــــا لــــه
ونشر الصحائــــــــف للجـزاء والعــباد حـشـود=بـــــيومٍ عبوسٍ يرهب القلب بأهـــــــوالــــه
يا العبد أفـطـن لدنياك يـــوم ألـبـقـا محـــدود =تـــــرى خـيـر مال العبد في صالح أعـمالــه
حــيـاةٍ نـهـايـتهـا العــدم كـسبـهـا مـزهــــــــــود =و لـودُرّهـا و ألماســــــــها يــــأزن جـــــبــالــه
تـذكّـر مقـــــــامٍ رحـلـتـه حـبـلـهـا مــــــــمـدود=ينـساه الـشـقي وطـيـّب الحـــــظ يسعى لـــه
شروع الفـــــــــرائض ما جـهـلـهـا شباب وعـود =فـرضهـا ولي العرش في محكم أقـــــــوالـــه
صلاة وزكــــــــاة وصوم والمنطـق الـمحـمـود=وإجابة نـدى داعي الهدى والمـنادى لــه
وعـفـة وبّر وبـذل جــــودٍ مــن الـمـوجـــــــود=وحـفـــــظ اللـسـان ومـنـطـقـِة مـن تبــذالـــه
وحق الخـوي و الــــــجار و الـنـذر والــــعهـود =شرعـهـا ألإلــه بهـدي رسلـه ومـرســـــــــــالـه
صِــــــــــلاة اللــوازم واجــبا ما علـيـه قــيـــــود=وحـمــــل ألأمــانة خـافـها الكــون وأمـثـاله
ترى الربح والخـسران ما هـو دبش ونـــــقود =صــمـيـم الخسارة تـركــــة الدين وإهـمالــه
لا عـزيـت حي فـواسه بـفــــــقـده الـمــفــقـود=وخـّل العـزاء للراحـل أن تاهـــــت رحالــه
لا ضمّت أعمال العـبد غـــــــــيـبة وكـبر وزود=نـهـار الــلـــــــــقاء والـعرض مـا فـألِك بفألــه
يضيـق الـمجال بغـــربلة سـنبل المحـــصـود =مـــثــــل ما زرع في رحـلـة العــمـر يكــتالـه
يقـول اليـتـيـم ألشاقي الساقي المجــحـــــود =بعـد شـّيــــــــبه وجـه الــزمـن مـن تـشكّالـــه
تـرى الرجـل ما يــــبغي على مستواه شـهـود=تـصانـيفه تـزكّـــــــيــــه وشهـــوده أفــــعـالـــه
خـــــــوافـيـه تـكـشفها دروس الـلـيالي الـسـود =وتـــــــشرح حـقـائـق غـايـته وأصدق أقـواله
ألا كــــــــــم زرعـنا الروض فـل وسـبـل وورود=و ألآمال كـلٍ يـزرع الــــــروض من جــالــه
على شان لا من راح تحــــت الثـرى ملحـود =تـقـّدر سبوره بعـده بطــــــــيّـب أسبالـــــــــه
وطال المدى ما شـــــفت للسنبلــــة مـــــردود =يقــــــــــع عاصفة تجـرف حــصيلي وتـشتالـه
وأنا ارقب مخيل الوسم ينشئ على المعهود =مزونه تــــــــــعم رياضٍ العذب تــــــــضـما له
عـوّدت أتشطّر عن عجــــــــاج الـزمن وأحـود=وش يـرجي الـمؤمّـل بعـد ما يـفـقـد آمــاله
فلا صـــــار مالـك من رفيقـــــك يـكـون لـهــود=على غـــــــــيـر ذنـبٍ تكـسبه جــنـّب وصالـه
أمّـا ثاب ومـــــيّــــــــز وأفـتـكـر وارتـقى ســنـود =وكّـب الطــريـق العـــــي وألـفاك من حـالـه
و إلاّ ّيا عسى دربه سرور و غـــــــــــــنى وسعود =أشوى لك بعـاده عـنـك وبعادك أشوى لـه
الآجـال مـكـتـوبة على يـومـــــــهـا المــوعــود =وكـلٍ على اللــــــــــه رزقــه ويصرف ريالــــه
ولـكـن عـلـيـك تــراقــبه من طـــــوال الــنـود =لا ترضى عـليه المــــيــــل الأيـام مــيـــّالــــة
لأريـــــت الأعـادي لـوّحـت لـه بـفـتـل زنـود =تجاهـل خـطاه بــجـانبــك وأوف مكـيـالــه
وخـيـر النــــصــائح سوقها وابـذل الـمـجـهـود=إلى ما اسـتـوى لـك سـوقـهـا وأنت دلالـــه
وترى البعد عن بعـــــض المقابل علاج كُبود=إلى شان جَــو الـقرب حُـد وابعد أصفى لـه
مـسيـرك عـلـى نـارٍ تـلـــــــــــــظّى لـهـــا وقــــود=ولا الصاحب اللي دوم عن صحبـتك دالـه
يـرمي بالخـطى صوبـك لـــــــــو تـزِلها وتجـود=يعـِد الخـطاء مـبدأك والـفـــــــضـل مـنـوالـه
تـوافـه خطــاك جبال الأرض وسماء الوجـود =وقِـــمّــــــــة جـمـيـلـك تـافـه بــعيـنه ومـالـــه
علــى دائــرة ذاتــه سحـاب الـربــــــيـع يـقـود =صفـــــــوة جـوهـرا مكـنون والعـالم حِـثالــه