ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)

- - مستور وصياف (http://www.m-harb.net/vb/showthread.php?t=2463)

مستور وصياف

صياف السحيمي:

اشوف مستور العصيمي جاب حبله وجمله
وليا قضى تمر الحساء جاني يبي تمر القصيم
ان مد وحده من يديه املا يدي واحطله
وان كان مد يدينه الثنتين اقول الله كريم

مستور العصيمي:

ان كان عندك تمر جيتك بالبعير وحمله
لكن لا تخلط لي التمر الجديد مع القديم
أظن صياف السحيمي ناسيا وش قلت له
وان كان ناسي قول يا صياف.. بالله العظيم

صياف السحيمي:

التمر يا مستور ما عندك سنون تاكله
اكل الضروس السوس والنيبان ما فيها سليم
ياللي تبي ترضي هذاك.. وذاك تبغى تزعله
اهون عليك اللفلفة ولا الطريق المستقيم

مستور العصيمي:

لا بدنا نلقي لنا غيرك عميل نعامله
وانا ضروسي من حديد.. وتكسر العظم الصميم
وان كان ما تدرون ويش الراي خلوه لهله
قد قيل بالامثال ما نزال شدد له مقيم

صياف السحيمي:

ينفك باب الخير للطرقي وحظه يقفله
درب الصحيح يجيده العاقل ويخطيه الغشيم
اليا نقصت الكيل والمكيال قلنا كمله
حنا ترى ما عندنا فاصحابنا خشم.. وخشيم

مستور العصيمي:

بان الصحيح وكل رجال عرفنا منزله
احد حياته في شقاء واحد حياته في نعيم
اللي يبي كحل العيون يلد يمي واكحله
والا على قول المثل ماب الغريم.. الا الغريم

بيض الله وجهك على الملعبه الرائعه

والله يعطيك العافيه على المجهود الكبير

اتمنالك التوفق

اخيك ابوروان

الاخ راعي البل

ماقصرت يالغالي

بيض الله وجهك

تحياتي
الصـ الجارح ـقر

يعطيك الف عافيه اخي راعي البل

مشكور وماقصرت على النقل الجميل

تحياتي وتقديري
عاشق بريده

شكرا لك اخي

على المشاركه الرائعه

دمتم بخير

بيض الله وجهك على الملعبه الرائعه

والله يعطيك العافيه على المجهود الكبير

يعطيك العافيه اخي راعي البل

وبارك الله فيك على المجهود الكبير

اخوك
سلطان

الاخ راعي البل

الله يعطيك العافيه

بيض الله وجهك محاوره رائعه بين علمين من اعلام المحاوره

الله يعطيهم الصحه والعافيه

وبيض الله وجيههم

تقبل تحياتي

اقتباس:

المشاركة الأصلية كتبت بواسطة ابوروان النويمي

بيض الله وجهك على الملعبه الرائعه

والله يعطيك العافيه على المجهود الكبير

اتمنالك التوفق

اخيك ابوروان