يا من يوصلي سلام لـ (مطلق)=(للحربي) اللي ما يرد العاني
ورسالة(ن) للقرم باقة جوري=ومعطره بالمسك والريحاني
وازكى تحية نرسله للطيب=ابن الفهود النادر (الغيداني)
ومعه بياض الوجه حاشا عيُونُه=لمعرب الجدين والخيلاني
جاني (محمد) واخبرن بعلومُه=لاقرب قريب بخوتُه نسَّاني
وراعي صلاة ويمشي بحق الله=ولا قط شفتُه مرةٍ زعلاني
وجمل محامل ما يضيمُه حملُه=اليا رغت بحمولها الحشواني
يمشي هديب الشام قدم الحمله=وزود على حملُه عليه الثاني
ولَطْفٍ كلامُه يا هرج بالمجلس=عود يفوح بصكت الديواني
خذا مقام زايدٍ عن عمرُه=صقر تساما لسامي المعاني
حر ٍ خذا الطولات من مجاذبُه=مستارثه من سالف الشيباني
خزَّامت العِيَّال من سبيبه=ومزبن دخيلٍ جالهم بلشاني
ويقول لي : يا خوةٍ خاويتُه=لو ماهو (حربي) قلت حدا خواني
وانا بعيدٍ من قبايل (شمر)=الفين نعم بـ (حربي ٍ) خاواني
من روس قوم ٍ باللقا حريبه=ربع ٍ بحومات الوغى شِجْعاني
ترعابهم بالخوف جل ذوادهم=من فعلهم تهابها العدواني
وكم هجمتٍ غدوبها لعداهم=بايمان ربع ٍ يلحقون الواني
ونذكر من الافعال قصة (حجرف)=ستر الخويه مشبع الجيعاني
كم طرش قوم ٍ تله من المفلا=عقيد قوم ٍ يصفق القطعاني
وشريدة الفرسان منهم (محسن)=فوق الكحيله كنه الشيهاني
زير ٍ تهرب الخيل من قو صيحتُه=اسد هيشن ٍ يذهل الاذهاني
كم فارس ٍ بالسيف زنَّح راسُه=ليثٍ بحومات الوغى ضرماني
ومنهم سباعٍ ما حصينا عدَّه =من كثرها تقصر عنه قيفاني
والضيف حقُه صار عند (نويشي)=هذا كلام (الضيغمي) وكداني
جلد بثارُه سبعةٍ من ربعُه=وقطع يمين الخال بالمقطاني
عن لا تجيه من العدا معيبه=والا كلام ٍ من خطات هداني
لله درُه يوم بيَّض وجهُه=رام الصعود ولا مشى الطماني
ومن حق (حرب) بموقفه تفخربُه=شرع حقوق الضيف للعرباني
هذي فعايل (حرب) يا جاهل به=كم فارس ٍ شاحوه بالميداني
قلته وانا (فدَّاغي ٍ) من (غلبا)=كبار الصحون و باللقا فرساني
صيحاتهم تذهل عقول عداهم=يا حنَّت الخلفات للحيراني
وربعي طوال الزرق بظهور الرمك=تروي الغلب بمزارق العيداني
اليا قلب عج الرمك بالهيجاء=تشبع طيور الحوم والسرحاني
والضبعة العرجاء تعيش عياله=تلقا العشاء ثنادي الصبياني
ودخيلنا يمشي الضحا بحمانا=وعز الرفيق ومزبن ٍ للجاني
ويا راح مِنَّا الجار ما ينسانا=يبكي علينا بكوة (الفدعاني)
جار ٍ لنا عشرة ضحايا وزودهن=خمسه وكنه ولد عم ٍ داني
وادخل على الله ما ازحم القبايل=المرجله بالحضر والبدواني
هذا وانا (ماجد) سلايل (قيني)=مستارث الطولات من جداني
انا صبي الجود يا نس الردي=ذيخ المجالس مذي الجيراني
وانا عزيز الجار واخو جارتي=يا خايل الجاره ردي الشاني
واذود عن ربعي خصيم طامع=كم قالتٍ نطحتها بزماني
واليا انكرن خطو الردي ما همن=ذيخ الولايم بارد الذرعاني
بشهود ناس ٍ ما تبيع الذمه=من (شمر) وجيراني (الويلاني)
وصلاة ربي عد ما هل المطر=واعداد نبت زاف بالريضاني
واعداد نبت جبالها وسهوله=على الرسول المصطفى العدناني
شفيعنا بالحشر يوم الوقفه=شفاعته يرجح بها الميزاني
يا الله طلبتك تجعلن حديهم=ماهو بعملنا برحمة المناني