عيب السكوت وعيب سرد المعاذير
دون القبيله من سطرنا وقفنا=ميقاف حرٍ ماتهمه عصافير الجام ملعون الصلايب هدفنا=عيب السكوت وعيب سرد المعاذير من بنك جزلات المعاني صرفنا=نوادرٍ ماحافها نافخ الكير ابن اللئيم اللي بهرجه قذفنا= سفيه ماعنده كرامه وتقدير اليوم صوبه للمدافع حرفنا= شهب الرقاب ملولبات الحناجير إل راس مذموم العقيده قصفنا= بقذايفٍ خلت عظامه شعاثير أصحاب حق وعزنا من شرفنا= ناخذ حقوق ونعطي الحق ونجير لساع مقطوع الرجاء ماعرفنا= غشه غراب البين راع التزاوير يفكر انه بالحصى لاحذفنا= كسب الرهان وصار ضمن المشاهير وأقبل وذاق الموجعه من طرفنا= ضربه لها بالراس والقلب تأثير في شمس مجروح المشاعر كسفنا= وقام ايتخبط بين ورد ومصادير من بعد ماحنا لريشه نتفنا=يرف بالجنحان مايقدر ايطير |
الله الله الله
الله اكبررررررررررررررر يمنااااااااااااااك لاعدمناك ومليووووووووون مليووووووووووون صح السانك واعتلا شانك كفوووووو يابو تركي لاعدمناك قلت واجزلت لي عوووده ان شاءالله تحيتي وتقديري |
اقتباس:
كفو كفو كفو وصح لسانك واعتلا شانك |
اقتباس:
محمد عبدالله البدراني مشكور على المرور وماعليك زود وحياك الله يالقرم تحياتي وتقديري |
اقتباس:
الاخ الغالي الصديق الوفي مريع العييل مشكور على المرور الله يبيض وجهك بالدارين |
كفو كفو
كفو وتردفها كفو يا بو تركي بيض الله وجهك علي مواقفك دون القبيله وهذا شي ما يستغرب من سعد المحمدي الكلمات يابو تركي ما توفيك حقكك يعلم الله والله يعطيك العافيه علي هالجزله من شاعر الجزاله واعذرنا علي القصور يالذيب |
اقتباس:
طلال الحنيحني مشكور على المرور والحقيقه تشكر على تواصلك من الولايات المتحده في أبنا عمومتك عبر الموقع الرسمي للقبيله الله يردك للوطن سالم وغانم |
كفؤ كفؤ كفؤ يابوتركي
صح لسانك وعلا شأنك وبيض الله وجهك قصيدة جزلة |
كفوووووو وكفووووووو يا شاعر المواقف
والله يابو تركي مهما انقول الكلام يقصر امامك وامام ما تقدم والشجاعه للشجيع يالقرم والنعم والله يابو تركي والله يكثر من امثالك تحيتي وتقديري . |
لشاعر القدير سعد المحمدي
صح لسانك وصح فكرك يابو تركي شاعر الموقف وشاعر دون القبيله اثبت جدارته كفو كفو وبيض الله وجهك ودام راسك وانت وامثالك مكسب للقبيله لي عوده انشاء الله اتمنا من الموقع تكريم هذا الشاعر بالرغم اني اجزم انه لاينتضر جزاء لما قدم |
الساعة الآن 09:39 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir