ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مــلتــقــى دواوين شــعــراء الــقــوافــي (http://www.m-harb.net/vb/forumdisplay.php?f=82)
-   -   ديـوان الشاعـر فـليح هـابس (http://www.m-harb.net/vb/showthread.php?t=26762)

حمود الجابري 08-03-08 04:12 PM

ديـوان الشاعـر فـليح هـابس
 
البدو وقتاً فات ترقا المراقيب= وانا احسب المرقاب فن وشكاله
اثر البدو لا قين طب المعاطيب= ما هو طبيباً قالي فيك حاله
وعديت ما عدابه الصقر والذيب= في ما تعلا عن عوالي جباله
وقفت به وبديت ما كنه الغيب = خسران لاسهم لو دراله رقاله
ابديت شياً ما بداللا قا ريب = وطوحت صوتي با البيوت الثقاله
ما هو غزل لا تفرحن يا رعابيب= اصل الغزل ولا ولا مجاله
دام العدود مغلقات المشاريب= كلن علي حاله ويقصد بحاله
تعبت من مدحات بعض لاصاحيب= فلا طيب شوف زينه قباله
ابي رفيقاً لا قسن الا صاعيب = اليا ثقل حملي با لامتان شاله
جمل جبل وايضا حصان ا لا طاليب= يثبت القاله ويتصدى القاله
ابيه سهل ا صعيب و اطيب من الطيب= لا يبخل بجاهه ولا يحب ماله
واليا شهر يا صل نجوم مراقيب= ويشوف وضع الأرض مثل البياله

حمود الجابري 08-03-08 04:14 PM

سمي ايلين اهدالي اشوي واروق = وتسمعي في شرداً من خيالي
تدرين لامن جاذب ا لصوت طاروق = صم الجبال تصير مثل السهالي
شاعر ولا قد مرته قافيه عوق = تجاوز العقبات وصل العلالي
لاكن لا شفتيني افيق و اتوق = تراي ما فكر بجمع الريالي
أفكر ان العز له ذروتاً فوق = وانا عليها معتلي با تكالي
طبع بدوي يطرد وراء البرق والنوق = وان قالو اخضع قال يا هملالي
ذي عزتي ما ساوموها هل السوق = تبقا معي لو طولن الليالي
وموقع ردي الذات لو كان مرموق = ما شربه حلواً قراحاً زلالي
ليه تميل عذوق و اميل ا عذوق = وا فرد جناحي للضعيف اضلا لي
وليه حقوق وعندي حقوق وحقوق = للي اليا حضرو تغاب الثعالي
يا قافيه سوقي لراس الهدف سوق = سوقات عبروداً ببندق مثالي
جدانه الي غيبو شمس بشروق = وخواله الي يحتمون التوالي
ما فيك عا ريه ولا فيك مسروق = قافاً يتعب قاصرين المدالي

حمود الجابري 08-03-08 04:17 PM

لاهب ذعذاع النسيم الشمالي=هبت على القلب المعنّى طواريه
ومرن علي مراودات الرجالي=روابعن غيبي على الناس تبديه
احط من بين الضلوع النحالي=وتبين الايام شي(ن) مخفيّه
وقمت اطرد الذكرى بوقت(ن)طرالي=نفسي تتوق ان حل للبال طاريه
ليا طرالي قلت ليت الليالي=تعود له واعيش مره وحاليه
يمرني لو ما يجيله مجالي=دايم على بالي وعيني تراعيه
ذكراه تنعشني وتملك خيالي=اسج له سجات غالي لغاليه
والله لو سولف علي الموالي=ما رد لو كثرت علي المشاريه
ماهو كبر لكن شي(ن) ابالي=يصدني في عالم(ن) غير موحيه
الايام فيها كنت داله وسالي=والورق ماتشكل عليه غوانيه
تحت السحاب اشرب قراح(ن) زلالي=قبل الذحاح يقدم الكاس ساقيه
ياوقتي ارحم ماش شي(ن) بقالي=كم غالي(ن) جدّدت لوعات مغليه
لنام جفن اللي من الهم خالي=سامر نجوم الليل والهم يكويه
اطرد ورا سنين(ن) قفاها الزوالي=مرواحها والله ماني بناسيه
مرواح طير(ن) عند راعيه غالي=عصرية(ن) والريح صلف(ن) وقافيه
وجدي عليها لو توجدت طالي=ودمعي عليها ميت الغصن يحييه
ان قلت وقتي يابشر ماصفالي=عفوية(ن) ماني على الناس شاكيه
وقت(ن) يقص مروبعات الحبالي=قد قالها بندر بقاف(ن) موفيه
وصلت مدري وين ياهملالي=لكن قاف(ن) يحزن اللي يغنيه
من مبتداه الى نهاية مقالي=شخص(ن) ذكر ماضي زمانه ويرثيه

حمود الجابري 08-03-08 04:22 PM

أعضاء ملتقى حرب الكرام أطرح بين أيديكم قصيدة عسى أن تحوز على رضاكم
...
...
آه يادارٍ تركتك والغلا بأعماقي = ماتركتك لين جرحي بان له مارية
والله إنك في سجلاتي وكل أوراقي = بس لي نفس عزوف ولاتدان الكية
لو رحلتِ يضل حزني وسط قلبي باقي = ذكرياتي فيك ماهي بالسهل منسية
عَيدي وإن كان لك عيدٍ بيوم فراقي = واحزني كان المفارق بحقك سية
لأجل عينٍ أمر أجامل من نبيل أخلاقي = بس بعد اليوم ماليه لحيك جية
أتعالا واتكبر ياعظيم أشواقي = واتركك وسط الحشاء في غاية السرية
وان نشدني فضولٍ قال ويش الباقي = قلت شمعة غرام بالدجى مطفية
انظري شخصٍ مثل غصن جفاه الساقي = تدفعه يمك عواطف والجروح معية
همت في عشق حشمته واعتليت الراقي = لو همومي في حشاي مسوية وردية
درةٍ لكن حظي صار دون أوفاقي = حال من بيني وبين الدرة البحرية
من وفاي لغلاها قلت ياخلاقي = لا توريها المكاره والظروف السية

حمود الجابري 08-03-08 04:24 PM

أن شفتلي طيب اظروفه رديه=قامت أتشب بداخلي كنها ظي
اخاف لايشكي اظروفه عليه=يبديلي الحاجه وانا مامعي شي
عامين والأحوال بالحيل سيه=واللهم يلعب لعب طفلٍ على مي
توارد أفكاري صباح وعشيه=وتاخذني لحالي عن الناس والحي
ادرج اخطايه اشويه اشويه=محتار والأفكار تقبل وتقفي
قيل القناعه كنز مافيه زيه=قلت المثل هاذا مايسقي من المي
سووه تجارٍ لهم قابليه=ولاطبقوه الا بشر وضعهم سي

حمود الجابري 08-03-08 04:27 PM

يا هيه من عاش الزمان وبلاويـه= يشاف اثـر سهـر اليالـي بعينـه
وقتـه يبيـن للمغفـل خوافـيـه = ا للي يضيـع بيـن جيمـه وسينـه
القلب فيه مـن الدهـر مـا يكفيـه =ونتم تزيـدون الجـروح المكينـه
لا تقلبـون بداخلـي شـي مخفيـه =خلـوة يبقـاء لـو تزايـد سنينـه
لو قلت قلبي بيـح الوقـت خافيـه =الناس ما تقـدر سـواء الله يعينـه
خلوة يسري ثلـث و الهـم يكويـه =والثلث لاخر فيـه يجـذب ونينـه
من عادتي همي على الناس ما شكيه =لو القلوب مـن المواجـع حزينـه
اهوم قمات الجبـل وعتلـي فيـه =وبا المعتلـي كـلاً يبيـح كنينـه
أنا مـن الـي يقطعـون التهاتيـه =يوم الرعو هرجه سوالـف خدينـه
واليوم ذيباً كـل شـاوي معاديـه =يسر لهـم ربـي سهومـاً تهينـه
يقنب براس الطايلـه مـن لياليـه =وانا بعـد قلبـي يجـاذب ونينـه
وجدي وجد عودً زمانه صطا فيـه =على الزمان الشين يـا الله تعينـه
يهـوم والواقـع يضيـع هقاويـه =يذكر من الماضي صطاوة يمينـه
يناظر الحاضر وينظـر الماضيـه =ويشوف فرقاً بيـن وقتـه وبينـه
حاله مثل غصناً وقف عنه ساقيـه =هشم وشمس الصيف راحت بلينـه
ادري بوقتـاً بـا يناتـاً مواريـه =لاكن نبا نرضـي بشينـه وزينـه
ومن لا رضي سود اليالي توريـه =صكاتها مـرات وتشـوف عينـه
ويا هيه من عاش الزمان وبلاويـه =يشاف أثر سهـر الليالـي بعينـه

حمود الجابري 08-03-08 04:31 PM

ضاقت على الصدر الوسيع الى من اول مايضيق=لاكن ربي يبعد الضيقة وكل اسبابها
لان الرفيق الى حسبتة في ضروفي لي رفيق= مكالماتة طولت عني وزاد غيابها
كنت احسبنة صاحباً حتى بزفيري والشهيق= يحس بنفاسي اذا ضاقت علي ارحابها
لاكن عرفنا جلسة الدلة وكاسات البريق=تجيب صحبة بالقساء ماينمسك مقضابها
كنت انتظرة وكنت احسب الحبل بالرفقة وثيق=لامابدتلي شارةً ماكنت احسب احسابها
روح مراح الحر لافكوة للصيدة طليق = عصريتاً والشمس يامقرب حلول اغيابها
يبي يحول الليل من دونه ولا حوله طريق=من دونه حدود الدول ومقفلين ابوابها
اتابعة بالذبذبة واغيب اشوية وافيق=واقول ماخبر الصقور تكب يوم اصحابها
بس المهم الياس خيم وابتداء الهم العميق=وجلست في وسط الهموم اكتبها واقرابها
الله يعينك يالوحيد الى تصارعلك فريق= وقتك اسود قدم وجهك شاهرات انيابها
ماعاد به كلمة شهم ماعاد به كلمه صديق= كلن يغل الكف خوف من الفقر يبدابها
لاكن ماالله حمل الانسان شي مايطيق= والمرجلة ظني ماسكر عند اهلها بابها

حمود الجابري 08-03-08 04:34 PM

إخواني اعضاء ملتقى حرب يسرني ان ابداء بهذة المشاركه وهي قصيدة موجهه اللشاعر / غازي مغيران الزغيبي
البارحه يا ذيب والجفن ما نام=وانا ما بين الثايرة والسكينه
وتحركت من هاجسي روس الأقلام=ورست على الجودي ركون السفينه
وغنيت يا سود الليالي والأيام=ممات عز ولا حيات الغبينه
نهايه الأنسان ذرعاًمن الخام=يقفي ولا عندة سواء حاجتينه
سوق الخطاء يا ذيب والوعد قدام=بيني وعد وياك متواعدينه
أن كانها صارت سلامات واسلام=السلم حنا دايماً ميدينه
لأينشقر غصناًعلى عزته دام=عالج وضع واخبر رجالاً فطينه
وان حركت او قربت بعض الأعلام=من دون حلق الرجل تفزع ايدينه
حلمن حلمتة يا الزغيبي من اعوام=لأكن ما حصلت لمفسرينه
تباينت با الطايله بعض الأنعام=وفكت مساجيناً من أول سجينه
ابي تفسر للبشر بعض الأحلام=وبي توضح كل شي بعينه
واقول من حيا تحيات الأسلام=مافيه فرق بين ديني ودينه
وختامها المكتوب بيدين حكام= يعمر مدينه ما يدمر مدينه

حمود الجابري 13-12-08 03:35 AM

يالي تسمعتوا من الشرق للغرب= كلام عودٍ ماتقيد بأدابه
اوحوا كلام الشاعر الساطي الذرب = اللي على خصمه يحب الصلابه
عود الكلاب الي ينابح على حرب = نسكت عنه من شان شيمة شبابه
إنكرم ايدينا عن ملامس الجرب= والانعرف نجرده من ثيابه
حاموا عليه صقور حرب وغدى خرب = يبغى النجاة وكل مخلب سطابه
والله يالولا الحكم واقف على الدرب = اني لعشي فيه سحم الذيابه
شجاع منا هز ثروة هل الغرب = مافيه واحد باالبشر مادرابه
ولا انت ياكديميس لو تنفخ الذرب = مانته مسوي في زمنا كآبه
قليل عرف ودين ماتعرف العرب = حرام تحسب من قبيلة عتابه
ياحرب دون وجيهكم ننطح السرب = ونجيد في قلب العدو بالاصابه



الساعة الآن 01:27 PM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi