|
من دون درب المراجل هويه ولويه
ولا طريق الرخــامــه سامح وهيّــن ماهي تجمّـل فعـول الناس بالبويه تاخــذ لها وقت بالتجميـل وتبيّــن #عبدالله عقيل السامود *********************** الوقـت راسم علئ وجه الوفي كــويه راع الكرم والجنـاب السمح واللـــين الوقـت خلا اكـثر العربــان منزويــه لـو كـان بعض العرب شبعان ولعيين #محمدالجليدي ************************ المرجله دربها حره ومستويه تبي لها قرم مثلك كفو وفطين ياكثر ماشوف عنها ناس منطويه ترضع لها ديس يالسامود ومحين سعد المحمدي |
ماعاد انا شاريك ياشاهي خدير
عندي ماتسوى ريال بعد المهزله اللي على دينه وعاره مايغير بالمجتمع ماله قبول ومنزله موت النفوس اخير من موت الضمير الله يزلزلها تحتكم زلزله |
العنود اللي على ذمة الشايب
باقيه ياهل الهوا عند شايبها لو يغيب ايام عنها ماهو غايب لاتحاول يصبح الوجه تخطبها مارضت قبلك بعنتر وابن ثايب ورفضها عند العرب مايعيبها من صواديف الزمن دمها رايب تشتكي من خفها لين غاربها كان راي اللي كشف سرها صايب قال شابت من وهنها ذوايبها |
انشدولي من قضب عرقوبها ويقول يدها
ماورث من تركة المرحوم لو حبة زبيبه كل مامرت جنازه قال ماهذا لحدها غيرالقبر القديم وحط له فوقه نصيبه قرها من قرها والاجحدها من جحدها دوروها بين نيشان السواري والضريبه بنت ابو زيد الهلالي من نشدني عن ولدها قلت مادري لو يقال الكذب لرجال خيبه |
مايك وسماعه وهايط على الناس
وسناب واكتب تحت نكك اعلامي حط التنك والزنك من ضمن الالماس وحط الردوم بجنب عجفى سنامي ظلام ليلك ماغطى راس جساس لو جبتها بين اللحم والعظامي |
الطيب ما حاشه خطاة الهداني
واللي يدينه قاصره ما شقيبه احدٍ فعوله بين قاصي وداني وأحدٍن يجي ويروح محدٍ دريبه هذي سلوم الطيب طول الزماني ومن لا كسب قولة نعم وش نبيبه ؟ #محمد_السمين ###################### غنى السمين وطيب قافه شعاني ياطيب منطوقه وفعله ياطيبه ماقلت صح ايشار له بالبناني ذكر عليه قول شاعر عتيبه من ضمن ماقاله عريب المجاني اللي يحوش الطيبه من نصيبه سعد المحمدي |
ماكل من تكى مثل ماانته اتقول
جاب الثميني اللي يسمى ثميني شوف انت لك سبعين حجه ومبذول همك تجي وتروح منها بديني العام تحت السيطره قيل ابا الهول واليوم مع دربه تجر الحنيني عطيتك اللي مالها طب وحلول فهمتها مسحوب والا هجيني ردت فعل شاعر فهمها على طول شاعر اليا احتاجوه ربعه يبيني |
تقول قلل حلا قلت الحلا كله
نجل العيون الوساع وصوتك الخافت تبسمت كيد في وجهي ياوجه الله ومن ردة الفعل خفت وهي ماخافت |
*مات الامير وقهوجيه بعد مات*
*وقف عنه صنف النفاق وتورط* *ماعاد يلقى بالصحن مثل مافات* *في برطمه من ضيقت البال عرط* *فات الاوان ومابقى له علاقات* *اللي من اول بالامور ايتشرط* *انا قريت اسرار بعض الملافات* *زارط لحم جزار مدري مزرط* *ياحي يامحسوب من ضمن الاموات* *بالطيب لحساب الردى لاتفرط* |
انا عطيتك سر من عدة اسرار
احرجتني وانا استحي منك بالحيل ليتك حفظته يابيض الوجه مقدار قدام فيه اتحط الاعراب وتشيل لاعاد تنشدني بعد غلو الاسعار قفلت بالمفتاح باب المواصيل تبقى رفيق ولك موده ومقدار ياعل دربك يارفيقي تساهيل سعد المحمدي |
شرهنا وشرهتنا كبيره ومحسوبه
ياليتك لها ثمنت ياراعي المضمار قبل مايشوه سمعتي نافخ اذروبه لسانه طويل وبالمواجه يديه اقصار تصفق له الحساد والروس مضروبه من اللي عليهن لالهله وسم وسرار بعد ماقفن ماياقفه كل زاروبه مايقدر عليه الخايف الحاسد المكار تعدوالي اللي ينوخذ بالخلا ثوبه خذ العلم يالنشاد من موجز الاخبار |
كنها باالود ودي ياسعد ماتغادر
ولاتقفي ياعسى يفداك خطو الهابي انت شاعرمعتبر على المهمه قادر مانت حياالله شويعر ياالشموخ النابي متعب رهق العنزي 0000000000000000000000000000000 الموده بالقلوب وحبكم يالنادر ياولد وايل فداك اللي ماغير ايبابي نوب يشعبها سنود ونوب اشوفه حادر مع شعيبن مايميز حيته والدابي سعد المحمدي |
ياكثر ماترسل عليه واطنشك
ابغاك تفهم وانت ثورٍ ماتفهم ياثور لو اني من العام كارشك علي ماترسل رسايل وتزهم لاصار ماتصيب الضريبه محدشك وماانته لبعض جروح الاجواد مرهم دور على غيري بحجمك يناقشك ياعلها فيكم مع الصبح تجهم خبال مدري قل توفيق نايشك والظاهر النيه يابو هن مجهم سعد المحمدي |
اللي يشيب عارضه ماذبحها
ماهو بذابحها بعد عارضه شاب ماعمر عن دم الذبيحه مسحها لو حدها مسنون والشكل جذاب صوب الوليمه درب رجله برحها واليا ملا بطنه عن الازمه غاب وده جميع الناس يقتل فرحها عقرب ثرى واكبر منافق وكذاب |
اليا بغيتك تودي علم وتجيبه
عطيتك العلم وانته ياح ياياحي واليا بغيت الخبر ماحي يدريبه حطيت دونه عن السطحات ملواحي يقول هواش مايكره على طيبه راع الردى لو يلبس تاج ووشاحي حرن ويخشون عدوانه مخاليبه مرحوم بامرهب المجنون والصاحي |
اللي يدور لاكشتنا المراكي
خلوه عند انثاه ياهل المكاشيت ماغير سو وسو مابه حراكي وبالهرج يلحق حي الاجواد والميت سوالفه فيها نزول ومشاكي ياليت بالجبهه له ازرار توقيت لاقام مقطوع العقايل يكاكي حطيت له لايغث الاجواد تصميت |
ذخرت لشدات عدة رجاجيل
وكتبت عند ارقامهم لشدايد والا انت يامرسل علي المراسيل الراس حطه فوق زين الوسايد رقمك مسجل لسمر والتعاليل غيره سلمت ودمت ماله فوايد يالله ياممن على الوحي جبريل يارزاق اللي فوق خضر الجرايد اجعل لنا من نور هديك قناديل لالتف ساق بساق والحمل زايد |
انا عتبرها منك كبوة جوادي
وانت اعتبرها من سعد طمرت حصان لاقفيت عنها طيب راس ومبادي ان مارفعت لي شان مانقصت شان الصمت لو يجرح نصيح الفوادي عن المجادل مع غشيشين الابدان اخير وبرك من كثير الدوادي عندي ومافرضها على كاينن كان |
يالله تعز المملكه وتحفضها
في ظل سلمان العطا وابن سلمان حاكم عمر كل البلاد ونهضها ثبت قواعدها على دين وايمان ولي عهده بالمحافل فرضها خلا لنا بين الدول بالزمن شان واهل الفساد بقو عزمه قرضها الله يعزه عزنا طير حوران |
لاخطبت الشريفه وانت مانته شريف
قالت البنت مايوافق نسبك انسبي دونها حطو الجندي بجنب العريف رحت تركض من الفسقه وجيت اتحبي قلت لك قبل ماترجع تخثع معيف كلمة الفاهم اللي مافهمها غبي عن ثياب العرب يكفيك ثوبك نظيف صح قولي وماقلته بسد اشنبي |
الساعة الآن 02:24 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir