( حَمَامَ يازاجِل طلبناك خِدمه )
 

حَمَامَ يازاجِل طلبناك خِدمه
وصّل رسايلنا لمن غاب عنّا
داره بعيد وليت ماضاع رقمه
وأنا بعد ماغاب صاير معنّا
بكتب لك العنوان وآسجّل إسمه
وانته مدرّب بالطّلب ماتونّا
الله عطاك الفضل للنّاس نعمه
ياكم حبايب بالرّسايل تهنّا
روّح ترى مسراك بيحلّ ألأزمه
وإذا وصله الخَطَ خَطَّه وصلنا
ترجع علاقتنا وتنزاح عتمه
فيها عذول الوِدّ شامت وغنّا
وعندي خبر ماتضيع بالرّزق قسمه
واللي صبر يظفر بحقّه مثنّى
سُبحان من له فالتّدابير حكمه
يكشف هدفها من فأموره تأنّى

الشّاعر/ خالد بن عبيد بن معتوق الأحمدي

ياسلام على طائر الحمام رمز السلام
صح السانك شاعرنا المبدع

حَمَامَ يازاجِل طلبناك خِدمه
وصّل رسايلنا لمن غاب عنّا

صح السانك اخي خالد قصيده جميله جدا
اعجبني تكليف البريد القديم حمام زاجل
فهويرمزللسلام والطبيعه قصيدتك فيها
بوح جميل شدتني من اول بيت الى اخر
بيت هذاوتقبل احترامي وتقديري لك