( وشهو مُعلّم ممتلك كُل الإعجاز )....مراسله
 

خالد بن عبيد بن معتوق ألاحمدي

عطنا يافوّاز الوفا كيف فوّاز
مُبطين عنّك ماتجينا علومك
خابرك راقي فكر وتحلّ الالغاز
وكُلّ العلوم الطّيّبه في سلومك
وشهو مُعلّم ممتلك كُل الإعجاز
قُربه شرف يكفيك كامل همومك
واللي يجافي صحبته عاش ماحاز
إلّا ندامه واحِسبه من خصومك
ومن يحفظ احدوده يبشّر بالإعزاز
من قوم يافوّاز فيهم نعومك
جاوب عشان آقول بالجايزه فاز
وانا اعرفك رجّال مالي هدومك



فوْاز بن محسن الزويهري

حي الجواب اللي من الطّيبة جاز
حرف الوفا جاني يدلّل وسومك
ابدعت يا خالد من حروفك ايجاز
فيه الهدف مرسوم محلا رسومك
اللغز حلّلته وابا اعطيك برواز
ايطار للمغزى يلامس نجومك
هذا كتاب الله لمن جاله اركاز
يركزك ويقوي ياخالد عزومك
ادبّر آياته وماعاد تعتاز
يكفيك ربّي والبلا ما يسومك
هذي حلول اللغز واللغز يمتاز
بانّه على مقصد رفيع يرومك

صحت الالسن وبيض الله وجيهكم