أغيب ماهي مشكله ليه ماأغيب؟=بعض الحضور غياب لو كنت موجود
لو تجتمع نظرة جفيا وترحيب= ماضاق بال ولاتحسست منقود
سمحت من بعض الدير والأصاحيب=مارجح الكفه مشاريه وصدود
رجال عافنه سمان المواجيب=ماهو حسافه لو كلا رأسه الدود
من لارقى بالطيب رؤس المراقيب=بالهرج ماياصل مراتب هل الجود
المرجله تحضر لها يوم وتغيب=عند الضعيف اللي على الطيب محدود
البندق اللي تخطي احيان وتصيب=رمايها ماحسب النقص والزود
والعقل لو أكبر علاماته الشيب=ماكثر الحلاق صبغه على العود
ومن لاتعلم في حياته تجاريب=ماعلمه شاعر ولا ملح بارود
أعيش من ضمن الفقارا على طيب=اخير من عيشة غناوي بلا فود
مادام للطرقي ذلول ومعازيب=الأرض تاسَع كل خير ومقرود

المشاركة الأصلية كتبت بواسطة احمد عباس المخلفي (المشاركة 1363992) أغيب ماهي مشكله ليه ماأغيب؟=بعض الحضور غياب لو كنت موجود لو تجتمع نظرة جفيا وترحيب= ماضاق بال ولاتحسست منقود سمحت من بعض الدير والأصاحيب=مارجح الكفه مشاريه وصدود رجال عافنه سمان المواجيب=ماهو حسافه لو كلا رأسه الدود من لارقى بالطيب رؤس المراقيب=بالهرج ماياصل مراتب هل الجود المرجله تحضر لها يوم وتغيب=عند الضعيف اللي على الطيب محدود البندق اللي تخطي احيان وتصيب=رمايها ماحسب النقص والزود والعقل لو أكبر علاماته الشيب=ماكثر الحلاق صبغه على العود ومن لاتعلم في حياته تجاريب=ماعلمه شاعر ولا ملح بارود أعيش من ضمن الفقارا على طيب=اخير من عيشة غناوي بلا فود مادام للطرقي ذلول ومعازيب=الأرض تاسَع كل خير ومقرود