|
قوية بين معتق العياضي ...... محمد السناني
محمد السناني :: = عدد مايطاف البيت ويلبـي الحـاج=سلامي على حضار حفل السواطـي متى يا قبايل حرب يظهر لكم تـاج=تحرون في حزيـران ولا شباطـي معتق العياضي:: = هلا مرحبا ترحيب ماهـو بمنعـاج=عداد الحروف الي عليها النقاطـي ترا تاجنا موجود من عصر قرطاج=لاكن أركدوا يا مكثريـن الهياطـي محمد السناني:: = يدوم البقا وانـا لهرجتـك محتـاج=لكن انتبه والنـور عالـي وواطـي أنا مشتغل فكري وشغلت الابـراج=وشفت القبيلـه تقبـل الاختلاطـي معتق العياضي:: = أجل صاحبك قدمك مثل عـد هـداج=لكن خلهـا ياصاحبـي بانظباطـي أنا ياطويل العمـر مانـي بهلبـاج=وش تسوي بينبع جنب الشواطـي محمد السناني:: = كرمت وسلمت ولا بغينا لك حـراج=ظروف العرب بين العجل والتباطي ضمور الخلايا مالها طـب عـلاجي=اليت العرب ما يكثـرون التعاطـي معتق العياضي:: = أنا ماعليه مـن سواليـف هـراج=ابلعب وبالـي ياعـرب بنبساطـي يعالج خلايا المخ خـلاق الافـواج=لكن العصر هذا يسمـى انفراطـي محمد السناني:: = ذبحنا الظما في ظاحية عين الافلاج=وانا واثق اني ما بـزل السراطـي بعد بان شريان التراقـي والاوداج=أقـول أنتبـه لاتكثـر الاختباطـي معتق العياضـي ::= تعرف الدخول ولا تعرفون مخـراج=لكن لا ذبحك القيض شد الرباطـي ولا يامحمد يدك لاتلمـس الصـاج=ترا الصاج عود مثل لون الطماطـي محمد السناني:: = لا والله يهيي فيك مسـرا ومعـراج=قريت أسمك المنقوشه تحت البلاطي اخذت الحذر والصبح ساعه وينباج=وضم العلوم أحسن من الانفراطـي معتق العياضي :: = سفينتك يامحمـد تقالبـه الامـواج=قريت أسمك المنقوش تحت القواطي ترا دربنا مبني علـى كـل منهـاج=ورجالنا فالمعركـه رجـل ساطـي |
ما شاء الله عليك يامعتق..
استمر على هذا المستوى وإن شاء الله نراك متربع على القمه.. |
صح لسان الشاعر معتق العياضي ولا يهون الشاعر محمد السناني مشكووووور ياحميداني على النقل |
ليش الاعضاء ما يردون الشاعر يحتاج تشجيع
صح لسان يا معتق واواصــــــــــــــــــــــــــــــل الطريق زين |
ماشاء الله تبارك الله عليك يامعتق سوف تصل الى القمة تقدم ماعليك جدا جدا مستوات ممتاز اغرقتت السناني 0 تصدق
|
المحاورهـ
أعتقــد انها قديمـــــــــــــه قبل ثلاث او اربع سنوات.. ومستوى معتــق فيها جداً عـــادي لم يوفق إلا بيت ((تـرىتاجنا موجود من عصر قرطاج.................)) فقط... نعمـ شاعر نــاجح ووفـــق بإلتفاف القبيلــه حولــه .. هذا لاشكـ فيـــه.. ولكــن من المحال ان نصفق للمستويات التي في متناول الجميـــع.. ليس فيها تفــرد.. العوفي اشكركـ اشكركـ ولكـ التحيه |
اقتباس:
معتق شاعر توه بالعشرينات من عمره و وصل لشئ لم يأصله اللي اعمارهم 50 سنة بالشعر و لا احد اجبرك تصفق الله يهديك. و حنا مشكلتنا من هؤلاء الفئات الذين يحطمون شعراء القبيلة ... يخوي نبيك انت و شرواك تسكتون و لانبي تشجيع منكم لشعراء القبيلة. بس تفكونا من شركم و حسدكم |
اقتباس:
بيض الله وجهك يابو ناصر والله يكثر امثالك من اهل الحميا والانصاف لاعدمناك ياشيخ |
ومليون صح السان معتق العياضي
وحقيقه ابدع وماقصر هذا وهو في بداياته ماشاءالله عليه وامام شاعر كبير يعتبر معتق بسن ابناءه و هو البادي ومحدد الهدف والطاروق على كيفه وومع ذلك يبدع معتق بل ويتفوق عليه انظر كيف كرر السناني قافية سابقه عليه معتق ( الانفراطي ) والمشكله ياتي البعض من ابناء حرب ويقولون مايقولون وهذي مشكلتنا التحيز بنطاق ضيق والتقليل من شأن شعراءنا تحيتي لك يابو ناصر وتحيتي لشاعرنا الشاب المبدع معتق العياضي وتحيتي لكل المنصفين |
اقتباس:
|
الساعة الآن 11:52 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir