عزيز يابارقٍ على درب عسفان=أركز خياله واستهلت مزونه
خلته وأنا ماني مصدق بالاعيان=خيلة صدوقٍ ما يكذب عيونه
كيف البرد من عالي المزن شذان=والناس من زود الضمأ يشربونه
ولا نشوف من طرق المعاميل فنجان=فنجان للي مثلنا يحتسونه
وأنا عذرت الربع ياذرف الأيمان=يمكن في ذاك الوقت ما ياجدونه
لو ما لفا عوْدٍ كما الطير حوران=رف الجناح وهيضت به شجونه
ساقوا عليه البن من دون نقصان=وهاجت هجوس القلب وأخلف ضنونه
قلت الله أكبر كيف ياجور الازمان=كيف الجفا مع ربعهم يقدرونه
وبعد التمست العذر ولياه ما بان=ولا بان حق لمثلنا ياسمونه
العذر لله منك يا صقر شيهان=الصقر ما ضنيتهم يشتوونه
والا اتعذر قبل لو كان ما كان=لو كان عذر الذيب ما يقبلونه

0
0
0
الله الله
0
0
0
قصيده رائعه واستمتعت بعذوبة معانيها
0
0
0
لله درك يالافي ... ويطول بعمرك ويجعلك ذخر لربعك
0
0
0
تحيتي