|
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عسى ان تنال اعجابكم يالله يا مـــنجي مــن النـــــاس راهــــب من ظـــــلم عاهر والـبلى فـــــيـه حـلّـي يا الوحـــــــد المعــبود يا خيـــر واهـــب تامـر سحـــاب الغيـــث وبــــلـه يــهـلّـي هــتّاف وكاف(ن) عــلى القـــاع ساهب غـــثوه عــــلى روس الشـــجر يستقلّـي عـــــقب الجـــدب والعـــج والحر لاهـب الأرض تخـــــضر والفيـــافـي تــســلّـي تلـــقى الزبــيدي مـع مسير المساهـب من ســج رجــــله بالفــــضا مـا يملّـي وإنْ حـــرّك الفــــكسار للـــبيـد ناهـب يطـــوي بــعيد الدار طـــي الــــسجلّـي شـكله يشابه ليــــث سـود الـــغياهــب وإلاّ إقـــطامي (ن) على راس تــــلّـي واثنين والــثالث وسيـع الـــــمذاهـب والكـل مــنهـم مـــذهـــبـه جـــايزلّـي ما حسّــــبوا لهروج غـافل وغاهـب الـلـي ورا لـــذّات وقـــتـه مـــــولّـي والمال لو يـــكثر مع الناس ذاهـب لابــــد مــن رِجـلٍ قــدمهـا يــــزلّـي مـتعة زمان وفــارغـات المزاهـب والرزق عـــند الله وغــيـره مقِلّـي قبـل الصلاه الفـجر فـنجال زاهــب يَجلىَ عماس الراس لين اسفِهلّـي هذا هواي وجبت نـظـم المواهـب يا مـــن نـقـدها لـو تكرمـت قـلّـي التوقيع مساعد الجليدي |
ديوان الشاعر (مساعد الجليدي) نديم الجود
الســلام عليكم .. ورحمة وبركاته
هذه قصيدتي وهي تعبر عن نفسها وأتمنى أن تحوز على رضـاكم ..
الله من قلب ً زمـانه دغثلــه = مرً من العلـقم عـلى فـكة الريـــق في كاس ما يوجد مع الناس مثله = في حـد مقضابه نقوش وزباريـــق مـا ينعـزل صـافيه مـن كــثر بثلـه = لاذيـــق مشروبـه يجــث المعالـيــق وانا وغـيري بالهــوا ذاق حثلـه = كاس الهـوا مـره فـــراق العشاشيـق كم واحـد مثلي جريــح و حــدثله = هــــم وزمان اليــوم مــا فيه تبريــق متـخالطه نبتات سدره مــع اثلـه = وحــارس نحلهــا دجــنوه المخاليـق ومصيبتي بالحيــل صعبه وجثله = والعلــــم يا مشكاي مــا فيه تلفيـــق قلبي كما المسباح في خيـط كثله = يومي كما تومي عشوب الصعافيق ساقت زمـاليقه وعرقه حـرثله = عـجً مــن الغربـي يحـت الزماليــق على عشيرً بالضماير بحثله = جــرحً قديـم وفتـق القلب تفتيــق عين اشقرً هدوه صبح وعبثله =في جول برقً يتبعن المداريق لمـــن دلهـت أيـام يمــي بعـثلــه= نـــاسً تجــــدد للمـوده مــواثيــق التوقيع / نديم الجود .. مســاعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عسى ان تنال اعجابكم دك السـحاب ورذرذة ديــــم مـع بـرد وقــــمت أتذكر ناعس الطـرف وينـه وهب الشمال وفاح بالطـــيب والـورد وريـــح النــفـل بفـــياضهـا خــابرينـه مدهال خشف الريم وأصنافه الشـرد ماحــدته عــذفا علـى أطـراف ليــنـه أنـا بــلايـه واحـــــدٍ مــنـفـــرد فــرد بالزيـن مايـوجــد مـع النـاس زينـه حرام مايوجـد مع البيض لـه حـرد عـــندي وكـل معـجــب فـي ضنينـه فرقه كما فرق الجديده عـن الجـرد أركــت على كبـدي عراقـي مزينـه ماهي قصير ولا طويله من السـرد ماهي دقاقـه حــيـل ماهـي متــينـه عليه من دمـة هـل الشـام والكـرد وعــليـه مـن ريـم التهاتيـه عـينـه الله يجيره من غثا الأنـس والمـرد وعسـا العمـى لعيونهـم حاسدينـه شفته على عدٍ علـى جالـه الـورد تكثر ويملا راعـي الصنـف عينـه من دونها فيحـان وسهالـه الجـرد حـالة ظـروف الوقـت بينـي وبينـه وجدي عليها وجـدمن طاح والطـرد حامي وطيـسـه والمكاسـب ثمـينـه وصاحت مزايين البني حامي الحرد خـــوذو بثـاره مـوت مـثلـه غـبـينـه وياناس شاب القاف ماينفـع السـرد وأنا هـوايه شـوف موضـي جـبينـه التوقيع نديم الجود مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عسى ان تحوز على اعجابكم
يا بدر يا بدر الحويفـي بـلاوي=بـلـوى بلتــنـي لا بلــتـك البـليـة زرع الضماير راح نصفـه ذلاوي=والبــير غايـر والنوامـي ضــميـة واصبحت ادوج بالشعيب السناوي=واحترت افـــكر بيـن هـذي وذيـة والمســك والعنبر ثمين وغـلاوي=والمال هاجر للـــكفـوف الصخيـة شــي(ن) يحيــر يالعديـم النـداوي=والوقــت هـذا مـا عـــرفنـا نويـة وقت(ن) ميوله للبخيل الغنـاوي=ومن قـــل مالـه حملـوه الزريـة يمكن يسمونه عن الدرب غـاوي=الله يثــبـّــت يالقـلـوب التــقـيـة يا الله بدعوة من بربه رجـاوي=عود(ن) كبير ومقتدي في نبيـة كسبه حــلال ولا دخل به رشـاوي=يســجد ويطــلب يـا الـه البــريـة يا الله بنو(ن) يوم ينشي ضحاوي=من حــد الاردن للجنـوب العذيـة وبله على راس النبا والمهـاوي=ما فـيه وادي مـا تــطبـه شــغيـة والناس لجّة بالفرح والحـداوي=كــــل(ن) يبشـر بالكنـاود خويـة حسبـت ثــلاث ايام نبــتـه زهـاوي=وحسبت ثمان وخمس يشبع طلية وحسبت تقاريب الشهر بالحراوي=عــوج الرقــاب مبركـه بضحويـة والكيف طـــاب وللتـمشـي حـلاوي=في خايع(ن) ممطور وارضه مرية من فوق لندكـــروز لونه سمـاوي=تـــــوه جـديـد مــحــركاتـه قـــويـة واثنيــن والثالث بعيـد الهــقـاوي=كد ما رسو بالوقــت روحه وجيـة واخلاقهم وقت الرخا والقسـاوي=حجان تضحــك والقلـوب برحيـة هـــــذا مـــنـاي وليتهـا بالمنـاوي=وحسن الخواتم يوم وقت المنيـة التوقيع / مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عسى ان تنال اعجابك
ياما نهـــــيت القــلـب يامـا عذلتـه = عـن طـرد خشف الريم يوم استذارا لشـــــك عـذره يـوم جــابـه قــبلتـه = ســــــويتــهـا ويــاه رد اعــتــــبـارا عسيت روض(ن) بالشمال ونزلته = واخذت به مرباع وقــــت الخضـارا نسيت هــــمي يوم جــيـت وصلتـه = دهـــــم السحايب في سماهـا تـبـارا وبــل(ن) يرذذ واكــثر النـو خــلتـه = شرق وجنوب وصوب سيد العــذارا جـــبت السلاح وفـــوق متنـي نقلتـه = حـــزة طــلوع الشمس قـــص الاثـارا والصيـــد في روس المفالي ختلتـه = بارض(ن) بها ربله وعـينة صــفارا طير السعد وافي على الكـــف شلته = سوه عـــــلى جــول القطـا والحبـارا متــــعــة زمان ومـا تمنيـت نــــلتـه = هــــاك النهار وقــبل شمسـه تـوارا مريت خـــــلِّـي بالطريـق وســـألتـه = وقـــفـــــت انـا ويـاه تـال النــــهـارا هرج(ن)على وضح النقا ما خذلته = بيني وبــــينه عـــهـد والنـاس تـارا قدره على عرش الضماير حملتـه = يســـوا قــناطيـر الذهـب والتجـارا اللي بعضهم مايسـاوي اصخلتـه = ون مـــره المحتاج عنـه استـدارا مسك الخــتام ومـا توريـت قلتـه = لهـل الوفى والطيب قـدر اوقـارا نديم الجود / مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته . .اهدي لكم هذه القصيده الغزليه عــــزاه ياعيـنٍ لها تسـعـــة اعـــوام والدمـــع ينزف مثل وبــل الغمامـــه دمع المحاجـــــر تنـثره فوق الاكمام دمعــــة يتيمٍ ضاهدينـــه عمــــامــــه على هنــــوفٍ كــل ماقــلـت ابانــــام صورة خياله قـــدم عينــي علامـــــه عــليه من عين الوحش عين غشام وعليه من عنق المهــــا ريم رامـــه وعليه من شــبه الكحيله اليا قـــــام شقرٍ نسفها فــوق مفــصـل حزامـــه ادعج غــنج يــزها الخلاخيل وزمام وخلقه من الخالق على الخد شامـــه مدهالها بيــن الرديــفــــــه ولـــــزَّام والبعــد ما يمحـــا غــلاه ومقامــــــه لشــك مدري ويـش تخفيه الايـــــــام وخايف من الفرقا نشوف الندامـــــه وجـدي على لاماه في شرع الاسـلام وجد السجـــين اللي نحيله عظامـــه بين الرجا واليـــاس محـكوم بعـــدام جدواه بالعبـــــره وعظــــة ابهامـــــه امــه عليـــه من العـنــا تـرزم ارزام وان جات تدله ذكّرتهـــا حمـــامــــه اتلا ضناها مالقـــت فيـه من قــــــام واضفت على ربوعه رواق الملامه هاذا وجــودي للغـــلا تــرف الاقـدام اللي ثمــانه يــــوم يبـــدي كــلامــــه مثل البرد لاطاح باوقــات الاوســـام لـــولــو تلالا خلـف طرقـــة الثامــــه مانساه لو يرحل جبل طـي للشـــــام والا طــميـــــة تنــتقـــل للمنــامـــه التوقيع /مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عسى ان تنال عجابكم الـبـارح الـعــيـن يــامــشــــكـاي نـــــــضـّاخه [/center][/size][/color]طـــــوّل سهــرها وضــيـق الوقــت عــامسها جـمـــــر الضمايـر فــحيـح الصـدر مـنـفـاخه نـــــاره تـوهّـــج هــبـوبً هــــب لامــــــسـها مـــن ناس بالهــرج مـــــفــتـونه ولـــــوّاخه تـــلــحــق عــلـى ناعــم الليـــفه مــجابـــسـها نـاسً تــثــــيــــرالـنــزاع ونـــــاس نـــــذ ّاخه وبلــــيـس ناصب كــميـنه في مــجـالـــــسـها واشــــوف لـي نـاس مـغـــروره وبـــذ ّاخـه وام الايـتـــيّـم اتـــــــرقــّـع فــي مـلابــــســها مـلـيــت اجــــــامـل ضروف الوقــت نوّاخــه كــم نـوّخـت شــيـخ قـــومً كـــــان فــارسـهـا ياناس مـن يـسـمــع الــمـــحـتـاج وصراخـه دنياه مــن طـــــلعــتـه والحـــــظ حــايــسـها والـمـال لـــــولا زكـــاته كــثـرة اوصــاخــه والنـفـــس لولــى الامـانـه وش يـونـــسّـها واهـل الربا يـبـــطـــرون ونـاس صــــلاخه ســـود الـنــوايا عــلــى الـدنـيا تـــنـافــسها واهـل الرشـــاوى تحــوك الهــرج شــلاخه حـــتــّى النحــل دجّــنــو ياحـمود حــارسها دنــيـــا عــلـى مثـــلــنـا ياخـــوك مــنــلاّخـه عــــزي الحــالـي وحـــالك مـــن دســايسها لقيـت فــيها هـبـيـل مــصـاغــي اصـمـاخـه ياخـــذ هــداريــس غــيـره ويـــتــقــوّســهـا ويــقـول انـا شــيـخ وابــغـى ناس طــبّـاخه وابــغــى بــخـيــص الـثـنـيه لاتـــجــسـسـها لـو حــط لـه فــي طريــقه طــعـم شــدّاخــه يـمـوت غــبـن الســمـيـنـه مـا تــلــمــّسـهـا التوقيع نديم الجود مساعد الجيدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته ؛؛اهدي لكم هذه الابيات ياريــــم مـجــدول الشــعـر تــنقـــضــينـه ومـــــعطر(ن) بالـورد زيـــن البــــلالـه يامــن كــــما البـراق موضـــي جبـــينـه ياعين شيهان(ن) على الكــــف شالـه بدر الحـــــويـفي يـوم وقـــتـه وحـــينـه لا اشــــتاق يـــبدا كل رجـــم(ن) زمالـه لاتجــــرحــــيـن القـلـب لاتــــجرحــيـنـه يكـــــفيه مـــن جــرح الزمـن ماجرالـه هـــــم(ن) تـوطـى ظـــامـره والغبـــينـه مــــن ناس شــي(ن) ماتــصـور ابالـه قســوة اظــــروفه بيـــحـت فـي كنـينـه واصــــبح يصــفـّق في يمـينـه شمالـه قلب(ن) على الماضي كـثير(ن) حنينه عليـه يزعــــــج ونــتـه مـــن هـــبالـه الله ياوقــــت(ن) تقــــــافـت ســـنــيـنـه يـوم الزمان الزيـن والــقــــلـب دالـه يــــوم النـــوايـا الطيــبـه والثمــــيـنـه والجـــــــار طيـّـــب طيـــّب الله فـــالـه يوم القــلوب نظــاف والنـــاس زينـه والجــــو صـــافـي مـا تغبّـر ســهالـه يـوم السحـاب بنشـــوتـه خــــــابرينـه باول قــــدوم الوســـم يزبــر خـــيالـه والضـــلع وقــته يـوم تاشـع بطـينـه ماكــنـه الا مــن ضــواحـي صــلالـه ريـــم الــفـلا حولـه تـــحفـه سكـينـه ولا شـــاف قـناص(ن) يـزود جفالـه واليوم والله من شـقث فيـه عـــينـه لـو عـــس يــــمـه مايـدوج حـــلالـه دور(ن) تــغيـّر يالقـــلـوب الفطينـه وراع الجـمالـه مبــتلـش بالجمالـه ومن عاش دور العولمـه والمدينـه مايـــخدمـه ياكـود عــــملـة ريـالـه ومــن لا يـودك حـط بيــنـك وبــينـه الفــين كيـــلـو ليـن تنسـى مجالـه والرزق عند اللي ومـر بالسفينـه سبــــحانـه المعبـود جـــل جـلالـه التوقيع/ مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيااات عسى ان تنال على استحسانكم ذعــذعة هوا الشمال الهاديـه وخــتلط ريـح الخزاما والنفـل من يشــوف فياضها والباديـه راح عنـــه انزعاجه والملـل وهنــيّـك يالطــيـور الشـاديـه بالربيع وجــو وقت(ن)معتـدل مافهمتي بالقــلوب الصاديـه ولاعرفتي كـيف يحتاج الرجل كل عين(ن)صوب ريم وفاديه ون كحلها شوف سلما ماتمل كل رجِل(ن)في شقاها عاديه وكل حمل(ن)من بلاويها ثقل وسفابك يالحــظـوظ الراديـه كــل ماتنشي سحابـه ماتهـل مساعد الجليدي |
ديوان الشاعر (مساعد الجليدي) نديم الجود
السلام عليكم ورحمة الله وبركاته اهدي لكم هذه الابيات عسى ان تنال عجابكم كــــثـرة المــجـلاس مافـيـها غـنايم وهني من سـج والديـــره عـشـيـــبه فـارق البـنـيان وخـطــوط القـــسايم وابعد المشـوار مـع طـول المـغــيبه فــوق لنـدكـروز قــطــّاع الخـــرايم مـــن قـرا فـيحــان لــفياض القـلـيبه مــن سحاب الوســم غاشيها قـــدايم عــشبها كــد بان في مكـسر شـعيبه بالجـــباه تعـــلها ســحــبٍ دهــــايم والرعـد مثل الجمل تسمع حطـــيبه يســتمد الشــــــوف ويشــم النـسايم والضحا وعـصيرفي راس الجـذيبه مـــن يلـوم القـــلب تغــــشـاه اللوايم لو يــلـوح بعـارضه ياناس شـــيــبه نـاقـــد العـقــّـيل شــــيال النــــمايم مــن مــبادي هرجــته يظلم نصيبه يحسـب انـّه مستـفــيد مـن الظلايم مادرا انـّّه من مـصــيبه في مصيبه بارد الاحـساس مــشـغــوف الولايم يكـره المـــجـداد ويــحــب الـرويبه مـيزة المـذهــوب مـلعــون الرسايم ماشقــى فـى حــب مـنسوع الذويبه التوقيع نديم الجود مساعد الجليدي |
الساعة الآن 01:06 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir