|
ديوان الشاكر ابو سامي / قسم القصائد
البارحه عيني قـزا نونهـا النـوم = وعيّا يجيها النوم من حـر مابـي من سبّة اللي داخل القلب مرسـوم = حبـه وحـب الشامخيـن العذابـي ويامجانب المعنى تريـح ومخـدوم = واحذر تتعـب سابقـات الركابـي الله لايجـزاك بالخـيـر يالـبـوم = اللـي فعايلـك الخنـا والخرابـي المسجد الاقصى ينـادي ومحـروم = وين الرجال ووين عـزم الشبابـي اللي لهم عزم وعزيمة على الـدوم= عزمـاً تعـدا ناطحـات السحابـي الله ياكـم واحـد بـات مظـلـوم = في القدس مابين العـرا والترابـي وكم شايب بايت على الغبن مكلـوم = يشكي فراقٍ بين الاضـلاع ثابـي وياكم من عذراء سقت كاس مسموم = كاس المرار وكـاس بالاغتصابـي وياكم طفلاً يسكب الدمـع مهمـوم= مهمـوم مايقـدر يـرد الجوابـي ومحمد الدرة نهـار امـس ياقـوم = شفته صريع من اليهـود الكلابـي ضميرهم ضامر وسلبـي ومعـدوم = واقسمت مافيهـم ضميـر ايجابـي إلاّ ضمير الشر والعنـف والشـؤم =مخالفيـن لشرعـة اهـل الكتابـي صهيون فيهم جبن خواف ورخـوم =اليا احتمى الميقاف مثـل الهلابـي وترى جميع العرب يغشاهم اللـوم =ان كـان ماهبـوا لصـد العذابـي وياربعنا ماهـي سواليـف وحلـوم = الحاضريـن يبلـغـون الغيـابـي نظمتها في العقد عشريـن منظـوم = وادرجتها حسب العدد في حسابـي هذا وانا ماني من الذنـب معصـوم = وارجو من المولى العفو والثوابـي وصلاة ربي عـد ماتزهـر نجـوم= واعداد ماتنبـت حقـول وجنابـي على رسول جا وبه ختـم مختـوم =ختم النبـوه بيـن الاكتـاف نابـي |
وهج السراب
ياحسين الوصـوف القلـب ماطمنـه = الرسيل الـذي ودى رسالـه وجـاب وعنك قـال الكـلام الزيـن ماثمنـه = كن خاطرك منا يابن الأجـواد طـاب الحجر مايليـن وقلبـك أقسـى منـه = أنت سببت لقلوب الحيـارى عـذاب من تعلق بحبـك تـاه مـن يظمنـه = مثل عطشان يطرد خلف وهج السراب وقلبي اللي مولع فيـك كيـف آمنـه = لايغادر ضلوع الصدر قبـل الغيـاب مثل طير كفخ غضبان مـن مكمنـه = لين غيب عن الصقار فوق السحـاب والزمن به عجائب والعجيـب أزمنـه = وقلبه أسود سواده مثل ريش الغراب |
باب الشقاء
ارتاح ياقلب كـان تـدور الراحـه = وباب الشقاء قفله واكسـر مفاتيحـه مالك ومال العناء وتنبش اجراحـه = تراك لاطحت ماتسلـم مـن الطيحـه وان كان جاك الهوا الغشاش برماحه = وهـددك مابيـن عشيـه وتصبيحـه بهموم ياقلب ماهي عنـك منزاحـه = بالقلب راسـم كروكيـه وتصريحـه ارم الهموم الكبار السـود بالباحـه = وبـدل همومـك بتهليلـه وتسبيحـه حتى تلبس بنـوط العـز ووشاحـه = وتثمر عروقك مثل ماتثمـر الشيحـه جوارح الجسم ماهي منك مرتاحـه = تهتز لاسمعـت الونـات والصيحـه كبير دورك وحجمك نصف تفاحـه = ولابد بعد الشقاء ساعـات ترويحـه وازيد واقول كـان تـدور الراحـه = الباب صكه إذا جاتـك منـه ريحـه |
على الطرق الهلالي مجاراة لاحد الشعار
ابو زياد ولا تغطه غطاطه =أدلى بحرف وحط فوقه نقاطه ولا هو من اللي لابدع جاب هين= تلقى هروجه خالطتها الصماطه يبقى يحث اللي لهم قول يسمع=شعار كل ساير بانظباطه وانا رصيدي فايضة به بنوكي =والاّ رصيد البعض فوق البلاطه الصعب مايصعب ونحرق لجاجته=يالين حرف القاف تورح شواطه ولا اقول مابعدي ومافيه قدّنا =كل على ماقيل يحمي بساطه وكل بذنبه ماحمل ذنب غيره = ومااكثر خطأ ابن آدم ومااكثر لغاطه ويالله تغفر زلتي وانت مسندي = حيث ان جسمي مثل عود الحماطه وجاريت شاعر قال في قاف سجله = بلحن هلاليا وطاب ارتباطه قاف صعيب القافية لو تمعنوا = صدره بلا ربط وعجزه على آطه غنى به الشبان في قنص بالفلا = يوم كل زايد في نشاطه ريح الخزاما والنفل والشمطري = وبن وهيل شوشوا باختلاطه |
من ارشيف الماضي
بديت في المرقاب والشمس غايبه =واهل دمع العين والراس شايبه مما جرا لي حين فارقت حيهم =واظلم علي الليل وارخى ذوايبه البعد فرقنا وشتت جموعنا =والقلب لوعاته مع الدهر صايبه ريم رمى قلبي وهو غاية المنى =صعباً على الصياد مره مشاربه ظليت افكر به ليالي طويلة =وبذلت فيه المال ماني بهايبه لكن ماكل المطاليب بالمنى =ولاكل غطاس الى الماس جايبه ولا كل بحار يوجه سفينته =نحو المسير اللي له النفس راغبه وابو سعود يقول قد فات ماجرى =ماقدر الرحمن للعبد كاتبه وأقول ماهو عذر ياطيب النبا =لامن بني عمه ولا من قرايبه واختم بذكر الله كلامي وجابتي =عداد ماهل المطر من سحايبه |
ميّاسة القد
ياهاجس الشوق خذمعك القلم واخذ القراطيس = والمحبرة والدفاتر كلهاواخذالمراسم خذها لشط البحر على ظهور الخيل والعيس = وابحر بها في البواخر لين تلقى الموج حاسم عندي بدلها من الاقلام وانواع الكراريس = من جسمي اللي براه الشوق وبرته المياسم الحبر من دم قلبي والضلوع اللي مقاويس = اقلام تكتب بها عن قصة احلام المواسم قصة غريبة تبين حال مبعدة المراميس = فيها دموع العيون تغط ضحكات المباسم اطرق بها كل باب وقفل ابواب الهواجيس = وداوي طعون الجروح العاجزة فيها البلاسم جروح في وصط صدري تشتعل مثل المقابيس = من وهجها عطلت كل الخلايا والمناسم لاهي بمن حب خود عيونها حور مناعيس = مياسة القد حورية عليها اللبس كاسم الهم والضيم خيم لين سوى له متاريس = بالعين اشوفه على خد القدر جاثم وواسم دور دواها المطابق والموافق للمقاييس = المشفي المبري الخالي من انواع الطلاسم تلقاه عند الرجال اهل الشرف واهل النواميس= فكاكة العاني اللي عندهم حلو الدواسم واسند لابو عادل الشكوى كريم الكف والكيس= عساه يعرف سبب شكواي انا واشرف وقاسم وختامها بالصلاة وبالسلام ونخزي ابليس = على نبي بتوجيهه لدرب الخير راسم |
ياسفينة نوح رسي
الورق بيض الحنايا وحبره من دمي = والكتابه حفر ميسام غاير مايروح اكتب الاحداث تاريخ سير الآدمي = المشيد فوق كل المسارح والصروح وفي الكتابه ما تساوى وجودي وعدمي = ياسفينة نوح رسي وحطي قوم نوح زلة الساني شنيعه وزلات اقدمي = احتسبها من صغار الخطايا والمزوح اصنع المعروف من يصنعه مايندمي = يحفظه دايم وساع المدارك والشبوح ان فعلت فعول شينه بفعلك تصدمي = وانتبه دم النشاما مع الفزعه يفوح ناس تبني للمعالي وناس تهدمي = فرق بين الشرق والغرب شوح بعد شوح والمعالي كل حر عليها يقدمي = ما نعود عن طريق المعالي والطموح اجمحي يام السنام الردوم المردمي = لايعوقك شي ما دامت الطرقه سموح |
من قصائد المراسلات رد على الشاعر ذعار
يقول من هو ينظم الشعـر ياذعـار = من هاجس يطرق بهـا كـل بابـي يقطف من الروض الندي طيب الاثمار= احلى من السكـر وعـذب الشرابـي مااحتار فكره مع طويليـن الاشبـار = في ماقفه يبـدي حسيـن الجوابـي يسري بها في الجو كبتـن وطيـار = علـى ترايستـار فـوق السحابـي ويسلم المكتـوب حشمـه ومقـدار = للـي علـى زيـن القوانيـن ثابـي في ظل من ظله على الضيف والجار = مطـوع العاصـي وعـوج الرقابـي من عزوة من طبعها تحكـم الشـار = حلالـة العقـدة نـهـار النشـابـي ياذعار فكر اللي معه فكـر مااحتـار = لو هي تجيـه كبـار ماقـال وابـي ويكفيك ربي شـر عايـن وسحـار = الكل مثل السيـف وسـط القرابـي والآله الحدباء اليـا جـات الأقـدار = واللـي يشيلوهـا سـوات الركابـي والسانك احصانك وعقلـك اليـا دار = ماعـاد ينفعـك النـداء والطلابـي والبن له مقـلا ولـه نجـر وبهـار = سوقه على الياسـر وربـع قرابـي واقرأ الكتاب وكب من باح الاسـرار = وكـل علـى لـيـلاه ودا وجـابـي وياكـم قاسينـا حلاهـا والامـرار = وياكم لبسنـا مـن جديـد الثيابـي وابغى انشدك عن ذيب للناس غـدار = وصفه مخالف عن جميـع الذيابـي يعدي على اهل الجود في سر واجهار = ويهـدد اهـل المصلحـه بالذهابـي وعن بنت يارجـال مـع زايـر زار = واليا انتحى راحت سوات السرابـي بنت جميله تسلـم العيـب والعـار = عهدي بهـا يـوم الكريـم التوابـي وعن حر له صيته ومن ظمن الاحرار= له في الشجاعه دور ماهـو بغابـي وله سمي مقاسمـه اسـم واشعـار = لكـن مـن بينـه وبينـه حجابـي وعن ثـلاث مـن مجاهيـم وابكـار = وليفهـن ثلـب كبـيـر العـلابـي اليا اقترب منهن ترى الثلـب هـدار = واليا ابتعد فال الـذي معـه طابـي ومنا لاهـل جـده تحيـة ومسعـار = تضفي علـى حضارهـم والغيابـي عداد ماشعت علـى الكـون الانـوار= من قـوم مكـه عـد دور الوجابـي ونختم بذكر الخالق النافـع الضـار= والمصطفى اللـي سنتـه ماتعابـي |
المرباع
ألا واهني اللي معه جيب ولْه نياق = اذا ضاق صدره دق سلفه وراح الها تحن وترازم كل ما شافت البراق = يعزل الجنب والخلف عنده معقلها ثلاثة بيوت قلتها والله الرزاق = وباقي القصيدة للنشاما تكملها وانا مثل اخو جوزا على لامها مشتاق =ولكن ماكل الاماني نحصلها وحب البداوة عندنا داخل الاعماق =مورّث من الاجداد من عصر اوائلها وانا متعتي في البر لامن صدري ضاق = وأعمد البدو لو كان تبعد منازلها وأحب الطبيعة لاجلها صنعة الخلاق = وفيها الثلاث الحسن والله مجملها وما احسن حياة البدو والضعن بالاشراق = ليا مد ضعن البدو عيني يكحلها ولا ربّعت نجد المريفة نحث الساق = لمرباع قوم ما سلت عن مداهلها ديارا عطاها الله من واسع الارزاق = وفيها الكلا والماء وعشب يظللها وفيها النفل والرمث والحمض واللصاق = وفيها الخزاما مع زهور تبللها قطار الندى للي نوى يعمد المشراق = يشاهد بها روضة كستها خمائلها وانا ما شقاني غير هجن بوسط سباق = وسيعات زور وخصر ضامر منحلها عن الماد ماترجع ويطرب لها العشاق = ليا صفت الاربع صعيبا تحولها الا ليت عند عشر واربع وتسع لحاق = وابا قصّر الخطوة ولاني مطولها وصلوا على المختار والخير له سبّاق = عداد أحرف القرآن واللي يرتلها |
البارحه يوم كل النـاس هجاعـي=انا عيوني حربها النـوم ماجاهـا ارقب نجوم السماء والبرق لماعي=واراقب المزنه اللي صابني ماهـا لاني براعي طروش وغير زراعي=لكن احب الابل واحـب طرياهـا وبخير والحمد لله ماقصر باعـي=وانا احمد الله بمبداهـا ومنهاهـا |
قصيدة حسن مريع العبيدي ومجاراتها من الشاكر
سلام مني وانا حربي واسطر زين الامـثال=من هاجس يوم فكر وانتقا زين المـــــــعاني سلام صافي مصفا مثل وبل الغـيث هـــمال=يشدا لذوب العسل مجناه من روس المجاني ينصى لحرب النشاما كلـهم رجـــال رجــال=ارسل سلامي لهم ويعمهم قاصي ودانـــــي وكل من قال اناسعودي سلامي له على البال=وكل منه قرى واللي سمعـها بالاذانــــــــي ياحرب ياهل المكارم والوفا في كـل منــوال=اخذتم المجد بالافعال ماهو بالتمـــــانــــــي ياحرب ياهل المواقيف الشريفه قول وافـعال=الربعه اللي صقور ولا يجي فيهم هدانــــي لا شفت لك نار في سود الليالي تشعل اشـعال=تراه شبابها حـــربي وخذها بالضمـا نـــي انصاوتلقى الكرامه والشحم والـهيل في دلال=وتلقى علوم الرجال اللي تسر المودمانـــي وميقافهم مع حكومتهم نـقا ماهــو تمـــــحيال=هذي هي سيرة الحربي ولو جار الزمانــي وكل القبايل تراهم مثلنا في كـل الا حـــــوال=انعم بكل القبايل ماتبي نقص الوزانــــــــي ياحرب قولواهلا يابن سعود اقفـاي واقبــــال=الحاكـم اللي عدل فينا وخلانا خوانـــــــــي تحيـه لك ياعبـــــدالله ولـخوانك والانجـــــال=مقرونة بالولا والحب مافيـــها مثـــانــــــي نفديك ياحكمنا بارواحـنا بالحـــــال والمــــال=الله يديمك علينـــا مايجينا حكــــم ثانــــــي اخذت عهد الجدود وعهدنا مـحفوظ مــــازال=لومال غصن الهوى ماميل دايم في مـكاني والله مــــــــاقلتها نفقه ولا هــو قول محتــــال=اللي يضمه صميم القلب يبديــه اللسانــــي وان قلت حربي فاناحربي عريب الجدوالخال=انا العبيدي وكل اللي عنا حرب يعنانـــــي واد الفرع ديرتي دار الكرام ولا بهـــــا انــذال=والعون بالله وبال اسعود عززنا المبانــي ترحيب مني وانا حربي وارد ريال بريال = وانقى المعاني كما ينقى من الذود السماني ترحيب مثل الذهب غالي على دورات الأجيال = العشر تسوى مية والله ماترجع ثماني ينصى حسين العبيدي عندنا له فال وعقال = ينصاه في مجلسٍ فيه الرجاجيل الذهاني ويعم كل الحروب رجالهم حاضر ورحال = وايضا شبابه وخنذف من طريف الى المحاني ياحرب ياهل الثلاث البيض فعل يعد ويقال = تعفون بالمقدره واجر الحساني بالحساني افعالكم في قديمات العصور جلال وجزال = عدوكم ما تدرك قلبه ضلوعٍ حواني فيكم شيوخ وقبايل كل شيخ بذكره لحال = اشهر من الجدي والمريخ وسهيل اليماني من حد جيزان لاحد القصيم يمين وشمال = ومن بحر جده لياحد النخيل الى معاني وكل القبايل ونعم ونعم مافيهم تمهزال = اهل الجزيره قبايل ما تحب المغلطاني في ضل حكم السعودي محتمين الدار والجال = اهل السيوف الرهاف مطوعين لكل جاني الله عسى عزهم يبقى سنين سمان وطوال = دايم وكل العباد تشير اليهم بالبناني ويا الله تسلّم لنا عبد الله اللي رد الاثقال = عنا ورد الحمول المثقله والإمتحاني وقفل طريق الخطر عن السعوديه بالاقفال = وجلب لنا الخير بامر الله مع كل المواني قلته وانا الشاكر العوفي ولا في العلم مدخال = من فيض فكري ولا قاله فلان ولا فلاني قلت الحقيقه واسلم في يد اهل العرف معدال = على كلامي واكمل بالوجوب اللي نصاني جاريت شيخ عريب في النسب للطيبه نال = قلت الحقيقه معبر لا ارتجيه ولا رجاني ثم اسمحوا لي لكان اخطيت والاّ قافنا طال = العلم ما ينتهي والعمر ياالاجواد فاني واختم كلامي بذكر الله عدد ما هُلل اهلال = واعداد ما فيه من خيرات في خضر الجناني وصلوا معي عد ما يمطر خيال و وادي سال = على النبي الذي له عند كل الناس شأني |
الجماعه كلهم ساهموا في سوق الاسهم= وأنا ماساهمت من شان مالي راسمـال= والذي ساهم بماله خسر ثلثيـن مالـه= والسهم بريـال يابيـه سلـم واستلـم= والسهم بريـال يابيـه سلـم واستلـم= والحكومه ماتقصّر هبت للسوق أعانـه= وأعلنت عنها بكل الجرايـد والنـوادي= والبنوك مساعدتهـا وتاقـف دونهـا= والسهم بريـال يابيـه سلّـم واستلـم= والسهم بريـال يابيـه سلـم واستلـم= |
سلام وعزاء في فيصل الرياحي
سلام الله وانا حربي وجيت اكمل الموجوب = وأعزي في الفقيد اللي رحل عن دار خلانه عسى الله يرحمك يابو بدر يالشاعر المحبوب= ويغفر لك ويعفو عنك رب الكون سبحانه وعسى الله يُعْظم اجر اللي عن الراحل يسد النوب= اعم بها البقوم وخص لارحامه و لاخوانه وحنا والله انا مانرد اللي لنا مكتوب = وندعو ربنا يلطف ويشملنا برضوانه |
سلام في مندى فلاح بن صياف
سلام ياروس عوف اللي لهم تاريخ وامجاد = تاريخهم من قديمات العصور الماضياتي اهل الشرف والحمية والوفاء من عصر الاجداد = كسابة الطيب حماية رقاب المثمناتي واثني سلامي على كل الحروب وكل الاجواد = اللي بموقع فلاح ومن يمر من الرواتي عوفي واسلم على ربعي وللطالات معتاد = والله ماكبها لو دونها تزهق حياتي |
من الشقر بيني وبين زميلي المشعل
سلام تسليم عد النخل عذق وتامر = واعداد ماخطت الاقلام واتناولت بوك = واعداد سيل مزيف ولا تصدا مجوله = واعداد سيل مزبف ولا تصدا مجوله = يامرحبا يامحمد وانت تنهى وتامر = جسمي معك والعقل في الشام والشرق وتبوك = وجيوشنا وجهت واخصام صدام جوله = وجيوشنا وجهت واخصام صدام جوله = |
احوال الالغاز
شفت لي بعض اللغـوز الـوارده = وان بغيـت الحـق ماهـي وارده = فيـه رمعـات لـهـا مـتـوارده = امنعوها لاتجـي مـع كـل ريـع = والبعض منها يجـي مالـه قـرار = فيه متساوين ليله والنهار = مثـل هـذا وده السبـع البـحـار = مايوثـر فـي شتـاء والا ربيـع = والبعض منها يجي خص مخصوص = يعرفه ناس ونـاس بـه تغـوص = واعتبر هـذا ياصاحبنـا نقـوص = مثل هذا عط بـه الخـط السريـع = والبعـض ياكثـر رمعاتـه تجـي = مدرق به صاحبـه سـد الحجـي = عقل مـن سـواه تقـل مبرمجـي = وان وجدت الحل واليا انه وضيـع = والبعض مسكوت عنه بلا كلام = ماعلى اللي ولفه لوم وملام = يمكن انه يجهل اسلوب النظام = خل هذا اللغز في البال الوسيع = والبعض سهل يجي مكشوف نوع = بس من شكله ومن طرحه يروع = القلوب تفز من بين الضلوع = رمعته سهله ومضمونه لكيع = وفيه بعض الغاز تدبل بالكبود = نظمها متهرقل مافيه فود = واسمحوا لي لو تعديت الحدود = التجارب علمتني مااستطيع= ودنـا لغزنـا يصـيـر مركـبـا = فيـه مفـتـاح علـيـه مذهّـبـا = غير هـذا اللغـز يالربـع ايهبـا= راي ذيـب وطارحينـه للجمـيـع = واخـذو اللغـز الجديـد الامـثـلا = ويـش رجــال دلـيـلاً للـمـلا = وان بلاك الله لحالـك فـي الخـلا = له عليك وله على غيـرك صنيـع = |
قصيدة من ضيف الله العوفي موجهة للشاكر ابو سامي
البارحه يوم اظلم الليل حولي = دارت بي الافكار وازريت لابات ليل سرابي بين عرض وطولي = وتفجرت في القلب علوم مهمات وانا في دار الامن واشوف زولي = ماهو على خبري وجريت ونات وجات الخواطر مثل خطار جولي = من كل صوب وتالي الليل مافات افكاري الحره سوات الذلولي = تتبع هواجيسي لها كل حزات علوم دارت لي سوات الثعولي = قادت من مزون سديده مطلات طبع الزمان الشين دايم يهولي = يرميك في بحور عميقه مطمات ان كان بعدي عن وجودي يحولي = لاخير في بعد معه عشر حسرات والبعد نار بين ذولا وذولي = والصبر مثل المر في كل الاوقات تحسبني العربان د ايم زعولي = وانا مثل صم الجبال المنيفات وانا اعرف الجهال واهل العقولي = واحسب حساب الهينه والصعيبات واعفي عن اهل الجهل ان عارضولي = ماني مع الايام تباع نمات واهل المعزه جعلها ماتزولي = صفوة مطاليق الرجاجيل وقفات ولعلوم بعض الناس ماني فضولي = ولاني مع اهل العرف صياد زلات اسند على الشاكر جزيل الفعولي = راع الضمير الحي بالصدق ما مات واسند على اهل المعرفه والعقولي = حلالة العقده ليا جات نشبات دقيت بيبان الشرف والاصولي = ولاني مدور من وراها خفيات وانا لحافي ماقصر عن رجولي = في وقتنا اللي له علينا علامات واختاها صلوا على افضل رسولي = سيد البشر عليه افضل صلاوات بديت باسم الله ولاني عجولي = ومن طبعه العجله جناها ندامات واحسب للمخراج قبل الدخولي = ومن لايحسب حسابها ذاق ويلات واحسب للمظهار قبل النزولي = واقيس قبل الغطس في كل مجهات . وقدام لاتاقع بوسط الحثولي = احسب لها قدام لجات الاصوات ولاني مفير في سلوم السبولي = كل بدله يقتنع بالنهايات ولاني مع العالم عديم الدلولي = اعرف سلوم الناس واهل الدعايات ولاني بلباس الثياب الهمولي = ولاني على اهل الستر كشاف عورات ولاني بسماع لدف الطبولي = ان دفها الواشي ولن راحت وجات اخذت خيرات الرجال الكهولي = مجربين اللين والعسر بالذات بصبر الجمال اللي تشيل الحمولي = اصبر ليا جتني من القوم ضدات وكم واحد بين العرب ومعزولي = عنهم بعقل وفكر بعض المسافات وكم واحد يسبق جويد الخيولي = سباق لاجاته كبار الملمات وبيني وبينك مثل حلف الفضولي = عهد قديم مثل نقش القريات واعرفك يابو ناصر تعرف قولي = بالمصلحه والنصح لاهل المروات يشهد على هذا الشهود العدولي = ويوم القيامه فيه نار وجنات يوم عظيم وفيه هول الذهولي = المرضعه تذهل عن الطفل ساعات |
واشكي على الشاكر بصوتي واخافت = واقول زودنا بكثر التعاليل وعابر سبيل الشهم والعين شافت = علم وكيد ومدهل للرجاجيل واليا طلبته طلبه قال صارت = ماهو بخيل ناسبينه مهابيل وباقي نداءات العرب لو توالت = بعجز وانا اشكرهم كثير وبالحيل واخوكم الشامخ علومه تراخت = ومن منكم اللي يعرف العدل والميل واسنيننا هذي ترى سم ساكت = مدري من المشروب والاّ من الهيل ودي اسافر يم حشمت ورأفت = والصبر طال وزود السهر بالليل صحت علومك يابو بندر ودامت = وسلامتك من كل قوم الدواليل واليا سهرت الليل والناس نامت = هذي طبيعه في الشيوخ الحلاحيل وتبشر يابو بندر والافكار دارت = طلبك اوامر عند راع المعاميل والعلم طيب والعقول استنارت = وتوارثوه الناس جيل بعد جيل وباقي العلوم اللي على الناس فانت = شكواك منها للنجوم المقابيل وتبغى تسافر والمشاكل توامت = عند الصغار وعند ذبَاحة الحيل والمشكله في خلفة يوم رامت = ثم انفرة نفره بكل المحاصيل وعز الله ان النفس عافت وشامت = سوالف من لابسات الخلاخيل والرجل بعد اعذار للناس لاحت = ومجنب الدعوى عن القال والقيل |
قصيدة رثاء بتاريخ 14/2/1422هـ
لو القصيد يفيد ويرد الارواح =رفيقي انظم به ميات القصايد اللي يشاركني همومي والافراح = وعز الله اللي راح ماهو بعايد الحزن وسط القلب والدمع سفاح = على فراقه واصبح الهم زايد ولاني يابو ناصر بدنيياي مرتاح = بعدك ولاني وسط هالكون هايد سهران اهوجس لين بلاج الاصباح = والصدر به ضيقه وفيه الوقايد واحس في كبدي كما طعن الارماح = كني من الفرقا طريح الوسايد رفيق عمري والخوي ياملا راح = يوم الثلوث الفجر يوم النكايد جاني خبر هاتف كما بارق لاح = ماكنت اصدق يازمان الزهايد فجر الثلوث اربع عشر صوت ونياح =لاطفاله الخمسه ولاهو بفايد والموت صدق وحق ماعنه مجناح = الانبياء ماتوا وذا شرع سايد والصبر زين وفيه تضميد الاجراح =ومصيرنا بين اللحد والسنايد |
سلام الله بردة عيد بعد العيد للاخوان =اهل قوم القناة اللي علىالطيبة تجمعنا قناة العلم والالغاز والاشعار والقيفان = قناةبين كل اخواتها تلقى لها معنا تحية من ضمير مايحب الزود والنقصان = عبر هذه القناة لكل من معنا ويسمعنا مطرزها بريح الياسمين ونفحة الريحان = بطاقة عيد بالتحديد نهديها لمن معنا بعدها اسالكم عن بنت يالريض ويالعجلان = مابين اربع رجال معلقة ياكبر مطمعنا ليا نامت سجد كل الرجال وكل خافي بان = عطونا حلها قدام وقت اللغز يرمعنا |
ألا ياهل ا لمروة والحميه = ألا ياحفاد قادات السرايا ألا وين الحقوق الادميه = ألا وين الرعاة من الرعايا نبا نعزم على حل القضيه = نقدمها على كل القضايا بعزم وحزم دام النفس حيه= ولا تسلم حياة بلا رزايا بحيث تكون تدرك المنيه = ولاتقدر تفر من المنايا لكنك حدث النفس الخفيه = جهادا قبل ا ن تلقى الخفايا اما شاهدتم الدرة ضحيه = وكم قبله وبعده من ضحايا |
وين أنت ياللي تحدى قول وش ظنك=خل التحدي دخيلـك مالـك ومالـه أنت تحدى رجال كبار فـي سنـك=وبعضهم تعتبر في حسبـة عيالـه كلمة كبيرة ولو فكّرت واليـا انـك=ورطت نفسك وصارت حالتك حالـه لا لا تحدى وكـب الفايتـه عنّـك=جعلك موفق وعلم الخير تسعى لـه |
نويت للطرقة وقمت اتحزّم = بحزام يفرق عن جميع المحازم يوم ان ابو ناصر على القنص لزم= وانا رفيقه خوتي معه لازم ومن يذكر الشاكر ذكر معه زمزم = اخوان في الطرقة علي الملازم والمشعل ابو صالح ان كان عزم = خوينا ماهو رفيق المهازم حتى لو ان الحال معنا تأزم = الكل في دربه على الخير عازم ننصى الديار اللي بها العشب حزم = ومدهال ريم في اول الصيف كازم وجبال وعرات ماغير انتلزم = فيها الخطروالكل بالموت جازم ومن فوقنا صوت السحاب يتهزم = يرعد على طاشا وضلع الحوازم وعلى جبال ادقس وضلع مقزم = ووادي به الحمر القوادي ترازم ونرجع بصيد وافر ونتعزم= وما فيه مهزوم ولا فيه هازم |
قصيدة ترحيبية في /13/1/1429هـ
مرحبا ترحيب بالضيفان والاصحابي = في حلال نورها يزداد من رايدها الفرح بوجودكم زايد وخير أوجابي = وجبة تجمع هل التكميل مانفقدها كانها عيد ارمضان وملتقى الاحبابي = ليتها في كل شهر تعود ونجددها واثني الترحيب بالحضار والغيابي = بالنيابه عن جميع اللي دعوا نوردها والشباب يقولها ويقولها الشيابي = مرحبا في مرحبا في مرحبا ويزدها بالرجال اهل الوفاء واللي تسد البابي = الرجال اللي تكمل لاعطت موعدها والختم صلوا عدد مادرهمن اركابي = وعد همال المزون اللي زهم راعدها تاصل المختار والهادي بخير كتابي = النبي المصطفى اللي سنته وحدها |
قصيدة بمناسبة شفاء أخونا صالح الروقي= من الحادث الشنيع الذي تعرض له : = أسوق المعاني في القوافي من الشوق = بلقيا الاصاحيب الكرام الفطاني ومافات شي وكل مطرود ملحوق= ولكن يبقى الصبر للمودماني سلامات ياصالح وتسلم من العوق= ويسلمك ربي من حدوث الزماني فرحت بسلامتكم ويفرح بكم روق= وما كن قلبي يظهره لك لساني وهذي مقادير على العبد من فوق = من الواحد اللي مامعه رب ثاني ومافيه ياصالح على الارض مخلوق = يقضّي حيات العمر كله في اماني حقيقة وحق وصدق صادق ومنطوق = يصدق بها في الكون قاصي وداني وتسلم ياابو بندر وياعالي الذوق = قناة النشاما لك تبث التهاني |
توجه ونصيحة = ألا يالله تغفر زلتي يارب ياغفار = وأنا ذنبي عظيم ولا تحيط به التواصيفي أنا نفسي شقية متعبتني والله الستار = أسير بطوعها وبنوعها ماهو على كيفي وأنا أعرف النهاية جنة الفردوس وألاّ نار = ومن ربه كتب له جنة الفردوس ماخيفي ترى الدنيا دنيه والحلا فيها كما الامرار = قطع قطر السماء واسبابه أفعال الملاقيفي ومن قوم الحسد يالله تحمانا وقوم العار = حسدهم يرسلونه للعرب وسط المضاريفي وأنا عندي نصيحة لاتجالس بايح الاسرار = ليا حصل خبر ذاعه على روس المشاريفي كذلك لاتخير صحبة المنان والثرثار= ومن ينسى المروة والجميلة والمعاريفي رفيقك من نصحك وجنبك عن موطن الاخطار = ومن ياقف بجنبك حين تصدفك الصواديفي وبر الوالدين اكبر ربح من تجرة التجار = يبر بك العيال اليا وصلوا سن التكاليفي وجارك قدره واعطه حقوق الجار لو هو جار= وتنجد عن خوي الجنب والجيران والضيفي وتنحى عن مصاحبة البخيل وهافي المقدار = ترى صحبة بخيل الناس مثل النار في الليفي عليك بصحبة الابرار وأهل الشور والاخيار = تراها ماتزيدك في حياتك غير تشريفي |
معاناة معلم = طلبت النقل تسهيلا لحالي = وتخفيف المهمات الثقالي وقد بارك لنا الاصحاب جمعا = مراسلة وناس بالمجالي وقالوا جئت بالنور ونورا= يشع في دياجير الليالي وقلت أشوف موقعها أمهلوني = ولا تستعجلوا في كل حالي وقالوا أنت ذو حظ عظيم = وواسطة ولا فيها جدالي فقلت نعم توسطنا وسطْنا = بمدرسة على قمم الجبالي يوصلها طريق غير سهل = به درج كما عدد الرمالي وقد وقفت مذهولا حزينا = ومكسور الفؤاد ولا أبالي وعمري جاوز الخمسين عاما = ثلاثا بين حل وارتحالي فهل قدّر لعمر الكهل قدرا= ولا تكميل لله الكمالي طلبت العدل وابقائي مكاني = فقال الشيخ بن حمد محالي فان أقلامنا رفعت وجفت = صحائفكم فذا صعب المنالي قرار منزل من غير رجعة = تنفذه على مر وحالي فقلت كبرت عن هذا وهذا = وهذا يقال لاصحاب الدلالي وذا الدماس دمسها علينا = كليل دامس طمس الهلالي بعشرين من الحصص توالا = ثلاث أيام نأخذها توالي فأين الرفق بالشيبان أين = وقد أفل الشباب الى الزوالي وقالوا انه تكريم منهم = وذا تكريم أشبه بالخيالي فيا سعد الذي قد نال منه =يعيش مرفها صاحب معالي وهذا مما يجعلني أقرر = بأن أرتاح عند أم العيالي |
هذه قصيدة تحدي على وزنين متقاربين = أبتدي عذب اللحون من المشاعر والقريحه = من هواجيس بها نار القضى تشتبي في بيوت بنيها قايم على قومه وطيحه = أول الميقاف بيحه وآخره فيه أبي الشريحه تحترق والرقم في وسط الشريحه = وأنت رقمك خازنه لك في شريحة قلبي لك وداعة وسط قلبي سر خافي مايبيحه = بس ياراع العيون السود لاتلعبي كيف اسوي بعد نزع الرقم بيديك الجريحه = نزع عرق السدره الخضراء بريح هبي واصبحت بعد الروى مع باقي الاشجار شيحه = شيحة فيها اليباس وراسها منكبي كم نصحتك من نصايح وأنت ماتبقى النصيحه =ياعديم الرأي حسنك لا نصحت تلبي أنت مغرور وتايه بالعبارات الصريحه = لايفيدك لاعلاج ولا يفيدك طبي الله أكبر كنت أسولف بالسواليف المليحه = عنك يوم انك بوسط قلوبنا متربي بالبيوت اللي عجيبة واللسان اللي فصيحه = أول الابيات مدح وتاليتها سبي الحياء والدين يمنع عنك من نشر الفضيحه = تركها أولى والسبب خوفا من الله ربي والختام اقطع علاقتنا كما راس الذبيحه = ذبها الذباح بالموس الحديده ذبي |
وهذه قصيدة بمناسبة دعوة الشيخ= حمدان بن عبد الحميد الحمراني لبعض مشايخ عوف = وعلى رأسهم الشيخ حميد بن منصور البنيان= أبتدي باسم الله اللي يدبر مايريد = من بدا باسمه توكل عليه ولا يضام عن ضيوف الشيخ حمدان بن عبد الحميد = بالاصاله والنيابه لكم منا سلام والتحية واجبه للقريب وللبعيد = والضيوف تقولها للمعازيب الكرام في حضور الشيخ عابد راع الراي السديد = زاد في تشريفنا زود حشمة واحترام شيخ له ذكره ومنصى عسى عمره مديد = يعرفه قاصي وداني من اسمه له وسام لو ابا أمدح مايسع مدحي أبيات القصيد = وان تركت المدح لاهله على مثلي حرام بارك الله في ابو ناصر في هالليل السعيد = ليل فيه النور غطى دياجير الظلام جمع الاصحاب ماهو على مثله جديد = ناس من غرب وقبله ومن شرق وشام بالمحبه والوفاء كن هذا اليوم عيد = والله انه عيد يالله تعيده كل عام كل واحد واله مطلب وهذا شي أكيد = مطلبه تشريفكم له وما فيها كلام عززوا هذا التواصل وحنا به نشيد = لاجل تزداد المحبه وهي قصد ومرام أجعلوها بالسرى وابتدوها بالعويد = والشباب يصف بعد العواده في النظام والشيوخ الهم قدر عنه والله مانحيد = كل واحد له معزه وله قدر ومقام يفصلون العلم في القول والزايد يزيد = فصلوا واللبس ملبوس في مسك الختام وعد ماصلى المصلين في بر ومسيد = للرسول المصطفى أزكى الصلاة والسلام |
خلاص انا بطلت مابغى منه شي = صادفت مجمول على البير يروي= يسقي من الاذواد تسعين ناقه وقلت اسقني شربه عذيه من المي = وقال مايزداد حملي وساقه وقلت العفو روح أنت عن شفة الطي = قدام لاتأثر عليك الحماقه مابغاك تزعل والزعل شين ياخي = بالخص يوم يصير بين الرفاقه قال ابتعد واجلس يابو زيد في الفي = ولف الرشا والدلو من فوق ساقه جلست ساعة ماعرف ويش ينوي = وبعد انتهى روح يباري نياقه وناديت باعلى الصوت ماكن يوحي = قفا وهف وعفت والله لحاقه خلاص أنا بطلت ماابغى منه شي = مادام مابيني وبينه علاقه |
الى اللقاء=
أبا فارس وكل الزملاء = سلام عطر من نبع الوفاء نرحب بالجميع بكل ود =واعزاز على حد سواء حضينا بخير خلف لخير سلف= ورمزا للمحبة والعطاء مدير وأساتذة كرام = يقودهم وليد الى العلاء فنحن اليوم في فرح شديد = وتجمعنا الصداقة والاخاء تعبر عن ضمائرنا الشفاه = وتنطق بالثناء لاهل الثناء وتسعدنا الاشادة بالرقيب = ولا نملك له غير الدعاء حكيم في ادارته وشهم = كريم ليس من أهل الرداء شهادة حق مافيها رياء = وهل في الحق نوع من الرياء وودعنا وما قلنا وداعا = ولكنّ نقول الى اللقاء |
هذه القصيدة بتاريخ/ 27 / 10/ 1426 هـ= واقلبي اللي تخاطفه المشاكل والمحبين = مثل المخاطيف وسط الجم في خطف الدليه وحالي غدا مثل حال اللي يسد الدين بالدين = واشتال حمله على كتفه يبا يرضي خويه وألاّ كما حال من صكوا عليه السجن عامين = في سجن مظلم لحاله دون ذنب ولا خطيه الهم سارح وضاوي لو نشدته رايح لوين = يقول رايح لابو سامي ضحى وألاّ عشيه من فعل بعض الشباب وبعض ميلات الموازين= بعض الشباب انحرف كل ملقي له نحيه واليا نصحته تقال انك تحزه بالسكاكين =النصح مايسمعه كانك مضوي له قضيه شبابنا أبعد يابو ناصر عن العادات والدين = من فعل الاعلام صار المجتمع نصفه ضحيه من غير بعض العلوم اللي تعاطاها المساكين = حسيبك الله ياللي جبتها من كل نيه الغرب يبغى يدمرنا وحنا له مودين = الدين عنده يعده من صنوف الجاهليه هذي حقيقة ويعرفها القريب والبعيدين =والحر تكفيه اشارة مايعاوز له وصيه قلت الحقيقة وشي مشاهده في الوقت بالعين = واللي يقول الحقيقة ذمته تصبح بريه |
عديت في راس الطويلة وغنيت = من القوافي لحن للاذن يطرب شاعر واديب وشيخ لن رحت وان جيت= ولا ابغى بعدي للصحيح اتقرب ولي الشرف لاجيت في حلة ثبيت = حربي عريب الاصل ماني معرب ويم القوافل جيت ضيف وحليت = في دار شهم بالشجاعة مجرب ابن هليل راعي الاسم والصيت = شيخ كريم بماقفه ماتهرب يبقى ويبقون الرجال الصناهيت = اهل الكرم والعون في طاعة الرب |
جود أجاد بها الرحمن فابتسمت لها ثغور الدجى في منتدى الأمدِ =فتلك رشة باذن الله من مطر بشرى لغيث بحول الله ينهملُ تبارك الله رب الخلق يحفظها من كل شر ومن ذا العين والحسد =ياوردة في قلوب الكل مسكنها يافرحة بعد طول الدهر تكتملُ فذي قريحة شعري قد اجاد بها فكري وفاض بها بالحب عن جسدِ =وامتد منها شعاع في سما حلم من خافق لاح منه النور والاملُ فغردي ياطيور السعد وارتفعي فوق السحائب بالانشاد وابتعدِ =ورفرفي فوق هام السحب صادحة فصوتك العذب للافراح يشتملُ فالحمد لله موصول الثناء له ومالك الملك وهو الواحد الأحدِ =يالواهب الغافر المنان ذو الكرم رحماك في يوم عنا يعرض العملُ |
 هذه ابيات وبها لغز من الغاز وغباوي رمضان التي قمنا بطرحها في روابي الاحامدة ارجو ان ينال استحسانكم وكل عام وانتم بخير ومن العـــــــــــائدين
بيض الله وجه من شارك ومـن حلـل وفكّـر=في غباوي خيمة الشهـر الكريـم الوارداتـي في روابينا العريقـة والمديـر العـام يشكـر=يبذل المجهود له بصمات خيـر وواضحاتـي مجتمعنا مجتمع صالـح وفيـه الخيـر ينشـر=والختـام الله يختمهـا لـنـا بالصالحـاتـي البحر يزخر وفيه السفن عبر المـوج تمخـر=والسماء تزهر واضاءت بالنجـوم الزاهراتـي كلهـا فيهـا دلايـل والله اعلـم والله اكبـر=واقتبسناها مـن اقـوال العـوارف والثقاتـي اشرحوا قولي وقولوا قالهـا الشاكـر وعبـر=عن حديث وعن زمان وعن مكان وعن رواتي وعن رجل صالح قديم الوقت يوم الاثم يظهـر=فوق سطح الارض ذكّـر بالحيـاة وبالمماتـي لانبـي ولا رسـول ولا ذلـيـل ولا تكـبّـر=قبل لايبعث رسـول الله مـن خيـر الدعاتـي رجل له كلمة وله قيمـة ولـه تاريـخ سطّـر =من كلامه فـي كلامـي دوروا لـه ياعزاتـي |
للشاكر ابو سامي = سلام تسليم الوفاء يمشي على قن وشريعة= ينصى الرجال أهل الوفاء ونحث خطوتنا سريعة= جينا نوافي حضرة السادة ولا تحسب صنيعة= لو كان نحسبها صنيعة كان ماتحصى الصنايع = وش بنت وتسمى ولد والها الصدارة في الطليعة= متصدرة قدم الرجال اللي لهم تاريخ في حرب الوديعة= بناتها في ظهرها معهن ولد ماهو بديعه = صيته مابين الحضر والبدوان ياهل العرف شايع = الرد من رداد الجحدلي ومنصور المعبدي نيابة عن المعازيب = يامرحبا عداد ما هل الحيا واسقى الوسيعه= باهل الوفاء اللي توفي الماجوب وتغلق في ريعه = الله يحييكم على التكميل والوزعة رفيعه= ترحيبة ننصى بها الضيفان بسبول وطبايع = والثانيه حنا عرفنا اللغز في الماقف نذيعه = الرايه اللي ترتفع يوم الفعول اللي شنيعه = حروفها لفظ الجلاله والمهند مانبيعه= الله يعز المملكة وحكامها رجال الطلايع = |
سلام ياعزوة بشر ياللي تنومس من يجيها = سلام مثل الذوب صافي في بيوت منتقيها = جينا زيارة والزيارة من قبلكم نحتريها = هذي عوايد والعوايد ماقطعها الغانمين = والثانيه/ وش بنت مشهورة وغاوي مهتويها = واساسها رجال حصل طعنة ماينتسيها = احد يباها في العرب واحد لك الله مايبيها = واللي يباها سجله في زمرة ابليس اللعين = |
يانور عيني ونور أمي وأبوي ونور كل البشر = ويانور كل الحياة الفانية والمقبلة في الظلام نورت دنياي نورك ماشبيهه غير نور القمر = ساطع في نصف االشهر حين اكتماله بالوفاء والتمام ونورت دربي وبينت الدروب المفعمه بالخطر = ودليتني درب واضح ماسلكه الا الرجال الكرام آخر كتب وآخر الاديان وأحكم دين وأحكم خبر = باقرأ بدت جيت تحملها على عاتقك باحكم نظام طه ويسين والدخان والاحقاف فيها العبر = والكهف والفاتحه والناس والاخلاص عن كل أثام والطور والتين والفرقان والكوثر وكل السور = عليك بيّن بها الرحمن كل المعضلات الجسام واللي رواه البخاري ثم مسلم عنك طول العمر = محجة لونها بيضاء دليلي في حلال وحرام واصحابك الطاهرين المتقين أولهم أبو بكر = لما آمنوا بالرسالة زال عن عين الضعيف العسام نصرهم الله في أول معركة خاضوا بها في بدر = واذلوا المشركين وكفرة قريش الطغاة العظام ومن هو جهل سيرة الفاروق يوم انه تجلى عمر = نادى بصوته لاهل مكه وصاروا يسمعون الكلام وأعز به ربه الدين الحنيف المستنير وظهر = دعوة نبي الهدى عليه منّا أزكى صلاة وسلام |
رسايل التهنئة بالعيد مااكثر عددها = اشكال واصناف وعبارات من كل الانواع = والمشكلة عندما نرسل على بعضنا بعض = محمود يرسل لسالم تحت توقيع منصور = وأخوك منصور مايعرف من أي القبايل = والقصة المضحكة لعادت ارسالتك لك = من شخص ترسل عليه وقام باعادة ارسال = رسايل الصوم تأتينا في عيد الضحية = ياللاسف ماندقق قبل رسل الرسايل = المشعل ارسل رسالة تحت توقيع ابو شعيب = وقلت يمكن رزقه الله ولد بعد سافر = أثر الرسالة تلقاها وقام ورسلها = ومن بعدها رن جوالي ولاه أبو صالح = يقول معذار جات رسالة وأعجبتني = وأرسلتها لك يابو سامي وللشيخ حمدان = وأخذ معي في العذر والسالفة نصف ساعة = والمصلحة كلها ندعم بهــــــــا الاتصالات = الزين ومبايلي وأكبر عدد في أسْ تي سي [stc ]= بعض الرسايل بنصف ريال والبعض بريال = والبعض بأكثر مجزأ حسب طول الرسالة = لوكان كلمت كان أفضل طريق المواصل = تسمع صديقك وينشد صاحبك عن ظروفك = تسمع صديقك وينشد صاحبك عن ظروفك = |
تمردتي وصرتي عاصية من حيث ماتدرين = غرور وهيمنه ودموع معشوقك على عينه وأنا والله ماودي معك نتبع سكة الغاوين = ودرب للشقاء حول الله أقوى بيني وبينه وأقول الهجر ماينفع وكثره مايسر العين = سواة أصعب مرض يعجز في تشخيصه مداوينه وأنا ليه ثنعشر عام يقفاها ثمان سنين = أصيح في الخلا مثل الذي ضيع مودينه متى يطلع شعاع النور والداين يسد الدين = وابو حمدان يرجع له من الداين بعض دينه على الله يازمان فات نشقى بك مع الشاقين = عزانا فيك لو الود يرجع كان ناسينه |
الساعة الآن 10:26 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir