انا غرامي زمان وراح=وغيره من الود ماشقاني
شامخ ولا تهزني الأجراح=ثابت بعزمي وإيماني

مايعكره صفوك إرهابي=ولا يهزك الخاين الغدار
لهل الفتن عندنا عقابي=السيف لرقابهم بتار

الشعر بحري واسبح فيه=وأفرد على نسمته شراعي
اسري على النجم واستقديه=وأنسى معه كُل اوجاعي

يكفيه قلبي من الآلام=وسنين حرمان عاناها
خليه عايش على الأحلام=يمكن مع الوقت ينساها

ماكِنت احسِبك ياقاسي=إنك بمر الزمان تلين
راجع لجل تجرح إحساسي=ولا تزيد إبتلال الطين

يسعد صباحك ياسيد الكل=ياطيب الأصل ياراقي
اجمل هدية وباقة فُل=واجمل تحية من اعماقي

من قال إنك هوى عابر=مع الزمن ينتهي ويموت
تعال في حالتي ناظر=عجل قبل لايفوت الفوت

انا وحزني وآهاتي=والليل والشوق والحسره
تطري عليا معاناتي=واذرف دموع الأسى عبره

انا معك وين ماترسي=دايم معك فالمراسي مقيم
امسي معك حيث ما تمسي=وإن غبت فكري معاك يهيم

الود لاصار بين ثنين=ودرب الوفا بينهم ساني
وصاروا على مفترق دربين=يجوز نسأل من الجاني

لوكان مني الأنين يشجيك=وما هزك الحزن وبكايا
وعيت دموعي تأثر فيك=خلاص برحل بمأسايا

https://www.youtube.com/watch?v=i3jC...yer_detailpage

اشعلت نار المولع ليه=سكبت ليه الأسى بكاسه
من بعد مات الأمل تحييه=حرام تلعب بإحساسه

وين الذي يثمن المعنى=ويسطر الحرف بالأتقان
يطرب ويشجي مسامعنى=يعزف لنا اجمل الألحان

لك شوق مقدر اوصّفه لك=جمرة لضى تحرق الخافق
اساهر الليل من اجلك=وطيفك معي دايم مرافق

البحار=
تغير الوقت واشقانا=وغير علينا طبايع ناس
شوف الزمن وين ودانا=بعد الوفا ذاك والنوماس
ماجد=
عناك وقتك وعنانا=والناس فيهم ذهب ونحاس
شرواك بالطيب وافانا=وانته وانا للموافا ساس
البحار=
نبع الوفا منكم جانا=صافي هميله بدون قياس
لاكن من البعض شكوانا=اصحاب كانوا عصابة راس
ماجد=
عِد الأدب سال واروانا=ارويتني كاس تلو الكاس
نصدر فالأصحاب فتوانا=لاشفت الأسباب فالكراس
البحار=
في ملتقى حرب مرسانا=كنا جنوده وله حراس
يشهد على فعلنا بنانا=ما قدره وصدق الوسواس
ماجد=
حرب الحريبة لها خانا=في قلوبنا والعدو ينداس
والملتقى حماك وحمانا=لو شكك الظالم اللواس
البحار=
مبداك وافق لمبدانا=لجلك علم عندنا نبراس
كيف امنع اللي تبلوانا=وغدره تفوق على جساس
ماجد=
اهل الغدر ناس تعبانا=تعريفهم شرذمه وانجاس
ومادامها غدر وخيانه=اقضي على شرهم بالفاس

ياطير لحظة قبل لاتروح=وتطلق مع الريح جنحانك
بلغ سلامي لحبيب الروح=وانتا مهاجر لأوطانك
قله حبيبك عليك ينوح=والنوم عافه على شانك
وقله ترى خافقه مجروح=بأسباب صدك وهجرانك

ينقاس كلاً بمفهومه=والحر يرقى بعقله فوق
وإن شفت ملقوف لا تلومه=إجعل مابينك وبينه طوق

ارحم شهيد الوطن يالله=وإجعل مقامه مع الأبرار
هذا الوطن كلنا نحماه=ولا همنا فتنة الأشرار
بأروحنا ودمنا نفداه=لو سال من دمنا انهار
يخسى عدوه قسم بالله=ماينول من ارضنا قنطار
هذا الوطن حافظه مولاه=من كل خاين عدو غدار
ارض الصحابة ورسول الله=ما تدنسه شُرذمة كفار
حنا دروع الوطن وحماه=الموت دونه بلا انذار
واللي الجهل والطمع اعماه=ماعندنا له غير النار
صقورنا في سماه وماه=وجيشنا بالعزم جبار
فرسان حوله تصد اعداه=رمز الشجاعة رجال احرار

البانوراما مانبغاها=ما تفيدنا فالبحر والحوت
وونيتي العود يسواها=لجله صديقي بحر وخبوت
ولوحته حلوة معناها=حروفها (ح و ب) له ريموت
ماكل من شاف يقراها=مصمارها من الحلا مفلوت

ارسم لنا بسمة محياك=على رسالتك واطبعها
عشان تحيي بها ذكراك=كل مانسيتك اطالعها