|
راشد السحيمي وسفر الدغيلبي "جدك تراه ابن حلال وجدنا راع الحلال"
السلام عليكم مساء الخير راشد السحيمي سلام يالطامة العايل ليا عند وعال=قوم"ن"تحط مفطحات الحيل فوق صحونها والله يالولا القدس ماوجهت وجهي للشمال=حتى يالو القدس ليه مصلحه من دونها سفر الدغيلبي يامرحبا ترحيبة"ن"ماتنتثمن بالريال=ماينتحدد شكلها ماينتحدد لونها وجهت وجهك يمها والقدس تحت الاحتلال=معنين نفسك ولا ودي تخيب ضنونها راشد السحيمي يالله لعلك للبقا تعال اسولف لك تعال=قبل تحدد شكلها حدد لنا مضمونها ما احبكم شياب عاد احبكم وانتم عيال=اجامل العتبان ماهو من سواد عيونها سفر الدغيلبي حنا نسوق الكيف الاشقر حسب مقدار الرجال=من فرها ياحرب لابده يعرف سنونها لو حبكم كبر الجبال وبغضكم كبر الجبال=نبقى جبال المملكه واوتادها وركونها راشد السحيمي ما نسمع الا طقة الفنجال بحلوق الدلال=غلقتم القهوه علينا وانتم تذوقونها هذا جزاي اني ذخرتك للمهمات الثقال=واليوم مانقدر نغسل يديك عن صابونها سفر الدغيلبي ماهي غريبه لو نجي قدامكم في كل حال=ارضو بالامر وقدرة المولى عظيم"ن"كونها جدي خذاها يالسحيمي يوم ضرب"ن"بالسلال=وجدك يسوق الضان مع بدو"ن"تسوق ضعونها راشد السحيمي انتم مشيتو قدمنا لكن مافيكم ظلال=ناس تحرى منك خير الله يكون بعونها جدك تراه ابن حلال وجدنا راع الحلال=واليوم حتى كلمة انته زين ماتبغونها سفر الدغيلبي اللي بعيد عن القمر يمكن يقول انه هلال=البعد هو ذبح ليلى على مجنونها تربط مواثيق الكلام اشد من ربط الحبال=عطيتني كلمه وطاعه وش بلاك تخونها راشد السحيمي ترا القمر موجود مافيها جواب ولا سؤال=لكن دنيانا تقل متغير"ن"قانونها عطيتكم كلمه واكررها عليكم لايزال=ان كان تبغون العرب يعطونكم تعطونها سفر الدغيلبي لو هي بكيفي بيني وبينك قطعت الاتصال=ازعجتني في شون ناس"ن"مايخصك شونها انا عرفك حربي بعيد من الغدر والاحتيال=لكن كثير من الحروب قلوبها فبطونها |
تسلم يا أحمد وبيض الله وجهك
محاوره قويه بين راشد وسفر وشكلها جديده ... تعرف تاريخها راشد شاعر معنى من الطراز النادر ما نسمع الا طقة الفنجال بحلوق الدلال=غلقتم القهوه علينا وانتم تذوقونها |
وجهك ابيض يابعدي
المحاوره بالاجازه اللي بين الفصلين وراشد ما يحتاج |
وجدك يسوق الضان مع بدو"ن"تسوق ضعونها
الضاهر انه بقول يحوش الضان وكان هذا مقال غلط |
شكرا اخي احمد على هذه المحاورة للمعلم الكبير راشد السحيمي وارجو منك ان تنزلها فيديو اذا هي متوفره لديك وتقبل تحياتي
|
جدك تراه ابن حلال وجدنا راع الحلال=واليوم حتى كلمة انته زين ماتبغونها
سمعتها ههههههههههههه الله واكبر داهيه يابو رامي صح الله لسانه وتسلم عالنقل يا احمد تحياتي . |
مشكور على النّقل
................... راشد شاعر كبير وخبير ........... والحقيقه ان الشّاعر / سفر الدغيلبي شاعر ماهو بسيط وتابعت له اكثر من محجاوره مع عدد من الشّعراء واتوقع له النّجاح في شعر المحاوره فهو له اسلوب يشابه اسلوب الشّعراء الكبار فالمحاوره |
الساعة الآن 02:31 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir