وين انت ياصافي المشروب=يا اللى مصافاك يجلا الهم
العبد ماله عن المكتوب=لوكان عند الملك له عم

القلب الابيض=
ياقابل المشرف الماهر=يا الشاعر اللى محد قدك
سلام ياصلك با الطاير=كا البرق ياصلك لحدك
قابل البشري=
ياقلب في طيبته ظاهر= وافي ومد الوفا مدك
ترحيب يالشاعر التاجر= ياوارث الطيب من جدك
القلب الابيض=
اليوم متصفحي زاهر=يا قلب في يومك وغدك
مذكور يا حضرت الناظر=الطيب في ساسك وبدك
قابل البشري=
ياراعي المنزل العامر=يامروي الحرف من عدك
هات المثل صدر الصادر=وحنا معك مانجي ضدك
القلب الابيض=
يامنوت القلب والخاطر=ليه سنه محتمل صدك
واليوم جيت ابحث الماطر=وابا اعرف اللى وراء بعدك
قابل البشري=
مادري عن اللي بكم صاير= وان كان هرجتك من جدك
ابشر نعوضك ياصابر= ونكفكف الدمع من خدك
القلب الابيض=
مانكلفك غير با الساير=نرفعك والله ماهدك
اللى مضى دمنا فاير=واليوم بيحت لي سدك
ياراعي المنطق الناير=والنور مكنون في صدرك
مليون مليون لك شاكر=وقليل منهو عرف قدرك
قابل=
الكل باهل الوفا خابر= يامقدم الطيب من يدك
والسمع دون البصر قاصر=وان كان وداك ماردّك
والمعدن الصافي النادر= اسمه يكفيك ويسدك
والفالصو فالصو باير= لوكان في لمعته شدك

علـي عيـد البـشـري=
سلام سقته ذهب والماس=للملتقـى وكـل شعـاره
وافي مكمل وزن وقيـاس=محسوب ثقلـه ومعيـاره
الـقـلـب الأبـيــض=
يا مرحبا يا عريب الساس=كـل يهـلـي بمـقـداره
يا راعي الطيب والنوماس=تستاهـل البـن وبهـاره
علـي عيـد البـشـري=
لك البقا مثلهـا مقيـاس=ومفصله حسـب معياره
أبغاك تأخذ معي مـرواس=في لحن يرقـى لحضـاره
الـقـلـب الأبـيــض=
راع الوفي دايما حسـاس=وبطيبتـه يذكـره جـاره
قود السفينه ونبغى الكاس=وأنته وأنا ناخـذ الشـاره
علـي عيـد البـشـري=
با لطيب وافي جويدالساس=والجود ثابي وسـط داره
واللى بغا الكاس مايحتاس=يعـرف وروده ومصـداره
القلب ألآبيض=
عساك سالم يا ابو قرناس=بكره بناتيك بـا اخبـاره
اليا نوينا نجيب الـراس=وخصيمنا طافيـه نـاره
على عيد البشري=
البحرله عمق ماينقاس=قليل يسلم من اخطاره
حرف العنا والف الكراس=والصمت ماوصل افكاره
القلب الابيض=
نحن نبوج البحرغطـاس=با البر والبحـر صقـاره
والعرق يا صاحبي دساس=والطيـر ياكـل بمنقـاره

يا مدعى خصمكم دكتور=فاهم با الاحكام والسنه
الحق واضح طريقه نور=والشكر لله والمنه

ماهمنى كل منهو قال= مكفينى اللى أعرفه عنك
ياوارد الماء بدون أحبال=أنته صديقى وعرفك بنك

القلب الابيض=
ماودنا بخفت الميزان=للى نعزه وناويله
ويش السبب با الذي قدكان=نبغى التفاصيل يا كحيلة
الكحيلة=
ياللي كتب بسمنا عنوان=عطنا من العلم تآويله
وش دخل الكيل وآلاوزان؟=وش خصنا في تفاصيله
القلب ألآبيض=
اللى مضى با البلد سلطان=تامر وتنهى ولك صيله
واليوم عادى كا اي انسان=ويش الخبر ويش تاويله
الكحييلة=
آلآمرهين مابه بهتان=تشريف تكريم تمثيله
وتعيين وآحد من آلآخوآن=لآيعني آلنقص وآلعيله
فا الملتقى كلنا سيان=وكلً على آلطيب يمشيله
مافيه رآبح ولآخسرآن=لن آلهدف رفع تحصيله
القلب ألآبيض=
راع الوفي دايما كسبان=وأنتى من الناس حلحيله
با الملتقى كلنا صدقان=وانتى بعيده عن الميله
مالي هدف يا عظيم الشان=ابعد عن الظن والشيله
يابنت حربي ولد ركان=يكيل للناس ماتكيله
وأنا أبويه من الجهنان=عدونا ما سلم ليله
يا بنت واضح على الاقنان=مافيه لافه ولا حيله

الهم يذبح بدون سلاح=ناره قويه تسم الحال
كم واحد(ن)من همومه طاح=كاتم لسره عن العذال

سلام يا للى يطرب القلب معناه=ولايا وقف يسواله الفين رجال
وين انت يا اللى توصل العلم منهاه=نبغى معك مشوار يا طيب الفال

يا مرحبا بك يا ابيض القلب و اهلاه= من شفت هذا مطلبك جيت بالحال
ابشر بحضرة واحدٍ ذي سجاياه= قد الطريق و أظهر اللّي على البال

من يوم جيتم كل حبـلا ورد مـاه=فيك البقى يا مـروى لكـل خيـال
واللـى تعـذر الله اليـوم ويــاه=المقبلات احسن من اللى على الحال

يالله عسى عدّ الرّوى يروي رعاه= بنتيجةٍ يفخر بها كـل الاجيـال
لو هو تعذّر كان عـذره قبلنـاه= جرّ الجريره ثم عن دربها مـال

راع الوفى من ساس ربعا مسماه=وعد الروى مضمون من غير ميال
واللى تعذر مالنـا ومـال طريـاه=عطنى علومك كلها قصار وطوال

ما عندنا شـكٍ بـذولا و ذولاه= و عساه بيرٍ يرتفع ماه الى سال
خلاص انا معاد لي شي ابغـاه= أما علومي كلها عال في عـال

لاوالله إلا روح مقيـط ورشــاه=وين انت ياللى تصرف ريال بريال
الظاهر انى رحت في ارض مضماه=قامت دلي الربع تضرب على الجال

مقيط ما يقبل من الشعر أدناه= لو شاف معنى جاب ردِّه و لو طال
ورّدت نفسك للمهامـه و الاكـراه= مدام ما قدمـت خطّـه للاعمـال

القلب الابيض=
سلام يضفي على الجمهور=مافيه لفه وتدويره
من شاعريقدم الميسور=بدلال صفراء وتبهيره
سرور البشري=
دوبه تحرر بيدين سرور=ترحيب مافيه تأخيره
للقلب الأبيض بصدق شعور=وأحساس صادق فتعبيره
القلب الابيض=
فيك البقى والرجال حضور=وكلـن يعبـر بتفكـيـره
ياشاعر الملتقى الدكتـور=يا معزب الضيف با الديره
سرور البشري=
تكميل هذا الذي منظور=من رايق الفكرتقديـره
ياذات فالمعرفه لك نور=يامعلم الحرف يامديره
القلب الابيض=
هات الخبر ياسديد الشور=والعلم يلزمـك تحريـره
قود السفينه مع البابـور=والقاف يازين تطويـره

مبروك مبروك يا البشري=عال المراتب لكم منزال
من باع معكم ومن يشري=ربحان من غير قول يقال