السلام عليكم ورحمة الله وبركاته
تسلم يمينك يا ابو محمد وبيض الله وجهك
وصح لسان أبو عادل المعمري
وعادتك كسب الطيب يابخيتان البشري
مع تحياتي وتقديري لسموك الكريم

أبـفـتـخر في قـبـيلة حرب أهل الثلاث المعجزاتـي
نـوادر لحــرب مشـهـوره تـشهـد لربعـي فـعايـلها


الأوله با النقـا والوجـه دون الخـوي علـم و ثـباتـي
يومن نويشي قتل سته و يد خاله من الكتف عازلها


والثانيه الشيخ أبن ناحل صاحب العطايا الجزيلاتـي
أعطا الحذيه لرجل زمال يوم ناطـح الغـزو مقابلها


والثالثه قـصـة البـلالـي يــوم شـال حمل الثقيـلاتـي
أنـقـذ أمانتـه ولد جـاره و ضحى بنفسـه و تحـملها


نعمن بربعي قبيلة حـرب أهل الفعـول الصعيـبـاتـي
كل القبايل ذكــرت فعلنا وتبـيــض الوجـه الفاعـلـها


الطيب والصيت كاسبينه من عهد العصورالقديماتي
يـوم الشدايـد وشـد الرحال وفعالنـا الناس تـنقـلها


زحازيح رجال لنا صطوات نخلي المضارب عطيباتي
شـجعـان نـارد حـوض المـوت ماهـمـنا أعـداد نقابلها


حنا هل الشلف وأهل الخيل يـوم الغزو والبطولاتـي
بالحرب صارت لنا جولات باالسيف والرمح نقاتلها


كم ذود قومـن خذيناها بضرب السيوف الصقيلاتـي
وطرح الجنايز نهار الكون تشهـد الحربٍ بكاملـها


أفعـال ربعــي ونـوادرهـا تـذكر فـي كـل الأوقاتـي
لنـا الفـخـر يــوم نـسـمعـها ولازم عليـنا نسـجـلـها

يافايــز المـــوسى عرفـــنـاك با الطيـــــب
طيـبـك شـمل ربعـك وزوده علـى النــاس


نرفــع لـك البيـضــا بـــروس المـراقيــــــب
يا للــي جـمعــت أنساب حـربٍ على سـاس


لا تســتـمــع طـــرادة الحـــكـي با لغيـــــب
يا فــــخـــــرنا بيـــــن القبـايـل والاجـنـاس


أنتـــه مــــؤرخ باحــث العلــــــم وأديــــب
بذلـت مـجـــهودك عـلـى العــــزم والبـاس


وأخــذت عـلـــمـك من مـصادرمـكـاتـيـــب
وطلعت ماخـــذتــــه مـــــن العــلــم لنــاس


وظهـرت فـعـولـن حـال دونـهـاالـنـواشـيــب
لاهــل الكــــرم والطيــب والفـعل نومــــاس


وثايـقــك تــقـنــع هــل الشـــك والـريـــــب
وتظــهر فعـول أهـل الشجــاعه والافــراس


اللي لهــم فــي ماضـي الوقـــت تـوجيــــب
يــوم الغــزوا فـعـلـهـم والاريــاق يــبــاس


وسـمـيـت سيـف الحـرب ضـد الاجـانـيــب
ومـرجــع لقبـيـلة حـرب يا طـيـب الســاس


لـك وقــفـتن بالـصـدق مـاهــي بـتـكــذيــب
فـي مـواجـهة مـن اعتـرض تـرفـع الراس


ومنطـقـك بالحكمـه علـى الحـق ومـصيـب
ومن عارضك معــروف يـبـشر بالأفـــلاس

من رافق السحمان ماهو بندمان
رجال (ن) تعد أفعالها با لشدايد


أهل الحموه و المواقف وشجعان
تشـهد قبيـلة حــرب وكل البدايـد


عن فزعة السحيمي لياقام له شان
يـحمـي رفيـقه ماتجيــه الضدايـد


عزالرفيق ليانتخى بصوت سحمان
لـه موقفن من دون غـيـره محـايـد


بـيـن القـبـايـل يـوم كايـن وماكان
عـيال السحيمي ذكرهم له شهايـد


ليا أعترضهم ناوي الشـر طربان
يـعرف مصيـره نهـايـته بالحايـد


كم فارسن طشوه من فوق الأحصان
ولامـصـوب بــه جـروحـن عـدايــد


لهـم هيبتن يـشهـد لهـا كل عـدوان
يـوم أرتحـال البـدو علمن و كايـد


من نسل عوف اللي لهم فعل برهان
يـوم الغـزوا والحــرب نـار وقـايـد


قطعانهم ترعى بسهولن وضلعان
حـاميـنها السحمان رجالـن ولايـد


ودخيـلهم من بيـنهم عاش بامان
محمي وسطهم ماتجيـه الطرايد


وأفعالهم تذكرمن ماض الازمان
والضيف يمدحهم بوقت الزهايد


أهل الكرم والطيب صغارن وشيبان
رجـالهــم شـعـلـه ومقـبـاس زايـــد

الطـيـب ســاسـك ياسـعـيـد دريـمـيـح
عـقب الحرامله والـشـيوخ السـراحين


راعـي كـرم ماتــذبـح إلا المـفـاطيـح
أللي كبـيـره بالصـحـن دايــم أسـميـن


ليا أحتاجـلـك محـتاج تـقـوم وأطـيـح
تقـضي لـزوم أللي يـبا منـك له ديـــن


وعنـد الجماعه من الرجال الطحاطيح
ألـلي يـقـول الحـق لـيـا شاف مخطـين


وجـار لـبـني سالم و فـخـوذ المسـاريح
ألـلـي عـلى الـعــادات لـلـيـوم بـاقــيـن


من المعـامره أهـل الوجـيــه المفـاليح
ألـلـي عـلى الأســلام والديـن مـاشـيــن


قـلــوبـهـــم تـفـــرح مـع النفـس تفريح
لـسـمـعــوا الأذان قــامـــوا ســريـعـيـن


يـســمـع دعــاهم بالمـسـاجـد وتـسـبــيـح
خــلــف الأمـام بـكــل وقــتــن مـصليـن


فـي طاعة الله أفعالهــم كلهــا صـحـيــح
أهــل الكـرم وأهـل الشهـامه هـل الديـــن


دايــم مجـالسـهـم عـلى هــبـت الـريــح
ذكــر وســوالــف طــيــبـه للـقــديـمـيـن


مـدهـال لـكـل طــيـب رجالٍ مسـاميـح
مـن حــرب مالـهـم بالـعـداوه مـعـاديـــن

الله أكــبـر والله أكـــبـر كــيـف ظــلـم النـاس جايــر
من حقـد يـكره ويبغـض ويـبـتـلي غيـره بـشره


مـــادرى أن الله يعـلم مــا في قـلــبــه مـن ســرايــر
ولادرى أن العـبد يحاسب بالخطا قدر المضره


كيف يسـلم من العـقاب ومن الحساب للعـبد صايـر
يـوم تعرض با لصحايـف ماعمل خـيره وشره


وقــتــها مايـنــفـعـه مـالــه ولاقـــصور وعـمــايــر
ولايدافــع عـنه رفــيق ولاصحـيـب له يـســره


يابـن أدم خــــذ نـصـيــحـه قــبـل تاقـع بـا لـكـبـايـر
حاسـب الـنفـس وضمـيرك بالخطا مـره ومـره


أنـت مـؤمـن تـعرف الله ومـاحصـل لـلعـبـد سايـر
قدمك نار وقدمك جنه شوف دربك وين مقره

دنيــاك يالادمــي خسـران صاحــبـها
مـحـدن مـخلد بـهـا ولابـاقـيــن فيـــها


العــمـرمحــدود لو النـاس تــرغـــبــها
واللــي جـمـع مـال بـالدنيــا مخليـــها


الرابــح اللــي علـى ديـنه وكـاسبــها
مصلي جميع الفروض الخمس مديها


يلبي منــادي الصـلاه ويـقوم طالبــها
حتـــي صــلاة التــهـجـد مــايــخليـــها


مبعد عن أهـل الفتن والشر مجانبها
أركــان الاسـلام طـبـق كـل مـافيــها


يعمل مع الناس وأهل الخير مصاحبها
يــزكــي المـال و الصـدقـات يـعطيــها


ويســاعد النـاس ويـحقـق مطـالبــها
والكـلمـه الطـيــبــه تـلقـاه راعـيـــهـا


ويــبـذل جـهـده ونفـسـه دوم متـعبـها
فــي طـاعة الله قـايــم بكـل مافيــها


يــخـاف ربــه بـأعـمـالـه يــحاســبـها
يــوم القـيامــه و أعـمـاله مـطـويــها


يــومن غيــره يـــحب المال قاضبــها
مـغـرور فـي زيــنـة الدنيـا و مافيـها

ليا جاء الشتاء وشتـد بـرد الشمالـي
وقام يـتصافـق بـردهـا مــع مطـرها


محـدن يــشـب النار كــود الرجالــي
اللـي تـبـا الطـالات دايـــم فـخــرها


فـي نـجــد ولا بالحـجـاز و شمالــي
كـلن علـى العادات يـمشـي بثـرها


كـسابة المعـروف لياجـاء مجـالـي
مــن ماضـي الأيـام كـلـن ذكــرها


كـرام النفوس مـدربـيــن العـيـالـي
على الكرم والطيب بدو وحضرها


تـلـقـى مـنـازلـهـم نـهـار ولـيـالــي
مـفـتحـه لضيـف واللـي يـخطـرها


لـيـانـصـاهـم مـن وطـالـه خـمالـي
كـلـن بـذل جـهـده ونـفـسـه جـبرها


عـز الرفيـق وكل صديـقـن وغالي
أفـعـالـهـم تـذكــر وكـلـن خـبــرها


ماتـختفـي رجالن كـريـمة أسـبـالي
أهـل العـلوم الغـانـمه من صغرها


اللـي تشيـل الحمـل مثـل الجمالـي
وتفزع مع المضهود ليامن نحرها


أهل الشهامه و الوفاء و الكمالـي
اللـي تـنـومـس بالمجالـس سيـرها

أبناء عمه :
رباح بن جفين المعمري ( رحمه الله )
نايف بن زابن المعمري ( رحمه الله )

-----------------------------------------

تــفــرقـــنا عقـب كـنا جــماعه والقــلـوب نــضـاف
أحـد مـشغـول بالدنـيـا وأحـد با لـقــبــر ونـدعـيـلـه


عسـاهم بجـــنـة الفـردوس أبوسلـطــان وأبو نـــواف
وعسـى ربـي يسـامحهـم بخطـاهـم كـثــره وقـليـلـه


رحلوا عقب الكرم والطيـب والحمـوه لهــا ميقاف
لهم فـزعـه مع الحـربي محـــد ياصـل مواصيله


ولهم بصـمه وسـجل تـاريخ مدون باسمـهـم عـراف
قضـايـا صـعـبه ونحــلـت وللـمــوقف مداخـيــله


تقول الناس حكم عادل ولابه ظلم ولابه أجحاف
ولـقيت الناس تمدحلي رباح ونايـف تـثنـيــلــه


عوضنا في عيــالهم ياعســى فيهم عـدل ونــصاف
ليـا أحـتجنا وقـفـوا معـنا على اللـي ضـدنا ميـلـه


شـبـاب وارثــيــن الطيــب ولابـهـم واحــد خـواف
شـجـاعـتهـم علـى اللـي حـقـدهم يـكشـف مغـاليله


كـرمـهـم لكـل مـن جـاهم مـنـازلهم بـهـا مضـياف
ولا يــجلـس مـجـالسهـم مـن أهـل القـال والقـيلـه


ولايـصادقون من خلى طريق الصـح على مهـياف
صديـقــهـم من يـشـب النــار ومـجـهـز مـعاميـلـه


عـسا طـيـبـهـم وسـمـعـتـهـم تـوارثـها لنا الأسلاف
يــجي جـيـل وبـعده أجـيال ويـذكـرلهـم تـفـاصيله