ملتقى قبيلة حرب الرسمي - ربّي يديم الحُبّ باجمل حلاياه

شوفك ونَسَ للخاطري اللي تمنّاه
يعطيه عن وصب الزّمان استراحه
يسمُر معك والليل تحلا مزاياه
والنّوم من عينيه يطلق سراحه
يظهِر لك الحُبّ الحقيقي ومعناه
وانته تسايرنا شعور الصّراحه
الله زرع حُبّك وحنّا سقيناه
عذب الوفا من جمّ يروي قراحه
حتّى بدى يثمر وزهوه جنيناه
وبعد التّعب والهم ميعاد راحه
واللي عطينا من سخى ماخسرناه
احساب خير اللي يجيب المراحه
ربّي يديم الحُبّ باجمل حلاياه
ويشفي جروح اللي شكى من جراحه

الشّاعر/ خالد بن عبيد بن معتوق الأحمدي