حمود ابن نافع الفارسي
 

حمود بن نافع الفارسي شيخ من شيوخ الفوارس من ذوي خضير وهو من فوارس وادي كليه يتميز بالسيرة العطرة له مكانته بين المشايخ صاحب حكمه ورأي سديد تستعين به القبايل لحل المشاكل والمنازعات اللتي تحدث (حقا انه شيخ بما تعنيه هذه الكلمة)، ولِما لهذا الرجل من قيمه وقامه أحببت أن اذكره بهذه الأبيات والمُعَرَّفْ لا يُعَرَّفْ .

اولاد فارس عز واللي تقدره
اتلبسه تاج الفخر طول الحياه

وحمود ابن نافع ربوعه توقره
شيخ(ن) عريب جدود نجم(ن) في سماه

ابوه شيخ الجود يمه صدره
ومن الخوال الطيب محصوله جناه

شيخ(ن) على ربعه وربعه تعبره
كسب المراجل ورث والمولى عطاه

والكايده لا جات ربعه تصدره
زيزوم حر ارسى من جبال السراه

يدرا الرفيق وخاطره مايكدره
وزين النبا للضيف والدسمه قراه

رايه سديد ولانطق به صدره
والمعضلات يحلها بمال(ن) وجاه

شهم وسنافي والنظر مايحدره
يم العلوم اللي تنقص مستواه

مخلص على الروح الخوي يبدره
ولنجدة الملهوث تسرع به خطاه

لصلاح ذات البين ماله ودره
هذي طبيعه فيه توجد من صباه

واللي يحب الخير لاهله صدره
وحمود بالجزلات مايوجد كماه

في حرب شيخ وكل حرب تقدره
بشت الفخر لبسه وملبوسه زهاه

اولاد فارس عز واللي تقدره
تاج الفخر ملبوس له طول الحياه


حسن عابد الفارسي

ونعم باولاد فارس
قصيده جزله صح لسانك ملاااااين