شاعر وله في قمة الشعر منزال=ماهو مجرد سرد لحن ومواقيف
بنات فكره بين نازل ورحال=رهن الأشاره من سلالة معاريف
لوتختفي عن فكره ايام واليال=عند الطلب جنّه سرايا مناكيف
الكل منهن مقبله تشرح البال=والهن مع الأنكاف صوت وغطاريف
ابوهن اللي يحسن القول لا قال=فكره لاراحت بين حكم وتواصيف
ينظم بيوت وكلها اصحاح واجزال=انعم من الفلين وارهف من السيف
من قلب صادق عنده العرف تمثال=ماراح خلف الدندنه والمعازيف
مشّرع للطيب والود مدخال= في وسط قلبه بين لحم وغضاريف
سيمه خلقها الله على كل الأحوال=المحصي المعبود يعبد ولاشيف
بامره رست ماهما الوقت لو طال=معها الوفا والأستقامه مواليف
وان عوّدت للفتل والنقض حلال=وبالوقت ماضاقت عليه المحاريف
تدرون من قصدي هناء مين يارجال؟؟؟؟=القصد انا من ينكر اهل المواقيف
واللي بقلبه شك باقي ولا زااااال=الصيف مقبل والوعد عطلة الصيف