أبن وازن =
الكل فالمنتدى رابح = شعار نخبه تقود القيل
سلام واضح على الواضح = صبـح النـقـى مايشـوبـه لـيـل
الواضح =
بـــرجالـــه المنتــــدى نا جــــح = اللـــي لهـــــم فالــوجب تكميـل
ترحيــب فيــــه الوفـــاء راجــح = وافـــــــــي لكـــم ما يجيه الميل
أبن وازن =
عسى البقى يارجـل شـارح = صدور من نقص والتقليل
سـكــر اذا تـطـعـمـه مــالــح = نهر الوفا لا حصل تهميل
الواضح =
خلك معـــــي للهدف بايح = محكم على الضن والتأويل
ولا اقدر اقرر لك الصالح = انما حصل للامر تفصيــل
أبن وازن =
الورد من عطره الفايح = والنقد وارد من التحليل
والحق وسط البلد سايح = ناره طفت ضاع فالتحصيل
الواضح =
الحق ما يضيع للطامح = ان كان عنده عزوم وحيل
والنقد مهما يكن جارح=ما يبخس العارفين الكيل
أبن وازن=
مـن كـان فـي واجـبـه طـايـح = حقي معه أعلن التقبيـل؟؟؟
زعلان .. وان عادلي جامح = مثـل السحـب لنجـوم تحـيـل
الواضح =
خذلك حكـــم للمثل كا ســـح = رغم الذي فيـــه من تضليل
منــه ترك لازمـــــه كــالح = وأهـــــــل الوفا ماعليــه تعيــل
لكنــك اسمــع من الناصــــح = لا تــكــن في خاطـرك وتشيــل
خليـــك طيــب ومتســــامــح = بين المـــــلا تكسب التبجيــــل

المشاركة الأصلية كتبت بواسطة حفيد الحجيري (المشاركة 1077813) محاوره جزله و رائعه اطرافها ابن وازن والواضح صحت الالسن وطابت القلوب لا عدمناكم

المشاركة الأصلية كتبت بواسطة وليف الشوق (المشاركة 1077908) صحت السنتكم وبيض الله وجيهكم على هذا الابداع الرائع