ملتقى قبيلة حرب الرسمي - مرحوم ياللي ثلاث خصال عذروبه

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - مرحوم ياللي ثلاث خصال عذروبه (http://www.m-harb.net/vb/showthread.php?t=1264)

مرحوم ياللي ثلاث خصال عذروبه

هذه الأبيات المتواضعه
قلتها في رثاء الأخ والصديق / رجاالله بن فرج المحمدي
رحمة الله عليه رحمةً واسعها
وهو أحد شعراء حرب المعروفين
وله مواقف مشرفه دون القبيله
ومشهود له في كل الخصال الطيبه
التي يتصفون بها الرجال الأفاضل

أربـع ليالـي وأنـا كنـي بغيبـوبـه =أمضيتهن من حساب الصم الأبكامـي
أجلس مع الناس مدري وش تحكوبـه =والصدر كنه يفجـر فيـه الألغامـي
فجيعتـن فـي ماتأثيـرهـا دوبــه =بفقيتـن ماتعـوض فيهـا الأيـامـي
لو قلت مؤمـن بحكـم الله ومكتوبـه =ماظني القلب يبـرى جرحـه الدامـي
مرحوم يااللي ثلاث خصال عذروبـه =زود الصخاء والوفاء والمنطق السامـي
أصخى من اللي يلوحه البرق بنصوبه =وأقطع من السيف لجاء الموقف الحامـي
لمن وقـت الحمايـا حـان ماجوبـه =دون القبيله يقف بوجيـه الأخصامـي
هداج تيمـاء غـزارة جـم وعذوبـه =ولابس من العرف ثوبٍن ضاف الأكمامي
وليا تكلـم يشـد الفكـر بااسلوبـه =قوة بلاغه وحكمـتْ عقـل وألهامـي
ليته خذا الموت دونـه كـل زاروبـه =وامهل لواف الخصايل عدت أعوامـي
الله يجبـر مصيبـة مـن تفاجـوبـه =ويروف في حالـة القصـار الأيتامـي
ياللي تغفر الذنـوب وتقبـل التوبـه =ترحم رجاالله وتغفـر عنـه الأثامـي
جعله من اللي جهنـم عنـه محجوبـه =في جنة الخلد وأنـت خيـر رحامـي
رحمتك با للي ثلاث خصال عذروبـه =زود الصخاء والوفاء والمنطق السامـي

صح السانك

ورحم الله رجاالله بن فرج المحمدي

وعساك على الخير والقوة

بيض الله وجهك وافيت وكفيت بالقصيدة

صح السانك اخوي الشاعر زامل العوفي

بيض الله وجهك

و بارك الله فيك

تحياتي وتقديري
عاشق بريده

الأخ القدير/ ثامر الحربي

صح بدنك وبيض الله وجهك أنت كذلك

ومشكور جزيل الشكر على دعوتك الطيبه

ومرورك العطر

لك تحياتي

الأخ القدير/ عاشق بريده

صح بدنك وبيض الله وجهك أنت كذلك

ومشكور جزيل الشكر على متابعتك الدائمه

الله لايهينك

تقبل تحياتي

صح السانك اخوي الشاعر زامل العوفي

وماقصرت يالغالي

بيض الله وجهك

تحياتي

الأخ القدير/ الصقر الجارح

صح بدنك وبيض الله وجهك أنت كذلك

تشرفت بمرورك ومتابعتك

لك مني جزيل الشكر والقدير

الاستاذ الشاعر

زامل العوفي

صح لسانك وسلم بنانك يالغالي

قصيده رائعه من شاعر رائع

أجمل تحيه

صح لسانـكـ وعـلا شانـكـ ...

رائعـة من روائعـكـ ... كما عودتنــا ....

لا عدمنـــاكـ يالغالي

تحياتي

الأخ الغالي / ابن فرهود الحربي

صح بدنك وبيض الله وجهك

شرفتني بمرورك العطر ومتابعتك الدائمه

الله لايهينك

لك مني جزيل الشكر والتقدير