أنا بدوي ، قصيدة
 

السلام عليكم ورحمة الله وبركاته

يطربني الرَّعَّاد في عارض النو
نو تعقـرب فيه بـرق الحيـا لاح

فـلان ما للبيـت معنى بهـالجـو
الجو جـو البـر بعد المطـر طاح

ياصاح شد الجيب في نمبر التو
لوجهةٍ هي منوة النفس ياصـاح

خله يفـز وينهـب الأرض من قو
رقصـة بلوفه بعد ماياخذ الـراح

وإتبـع ثعاليل المطـر حيث صبـو
نستانس بسيلٍ على الجال طفاح

الديــره اللـي مـا بهـا نــاس طبــو
ريح الثراء فيها كما الطيب لا فاح

وقت المطر من سج الأقدام نرجو
عسى نفوسٍ من عنا الوقت ترتاح

أنـا بــدوي وعاشــق لشبـة الضــو
ومسيل سيـل لنابي القـاع جـراح

و بـــراد مــن عــدٍ لـه النــار شبــو
خوة نشاما في شفاء رأس مقراح


البيرق

صح بدنك
الله يعافيك ووجهك أبيض

صح السانك قصايده جدارايعه وخاصه
تطرقك لذكرالمطروالطبيعه الخلابه الجميله

صح بدنك
مرورك وتشريفك للموضوع أسعدني
تحياتي

هلاويامرحبا تراحيب المطر
صح بدنك يالغالي
الله يقويك
تحياتي

صح بدنك
الله يسلمك
يعطيك العافيه

صح السانك مليارات
مبدع ومتميز