الاوس تدرك ماتريده خزاعه
 

*دعاني الطيب عشير المشاكيل*

*سعد وريث اهل الكرم والشجاعه*

*وجيته وفاء من باب رفقه وتجميل*

*ماني مضريها على الانهزاعه*

*يسوقني ياحرب سوق الفناجيل*

*بيدين قرمن مانقص كيل صاعه*

*الواجب اللي يدركه كل حلحيل*

*ويعطيه علباته خبيث البضاعه*

*سلام يارجال اليزد ياهل الخيل*

*حماية اللي للموده ولاعه*

*حمرن بواد الحمض يوم المصاويل*

*يرعن ولا يوخذ عليهن ارتاعه*

*بالرمح والبندق وحد المصاقيل*

*يرعن حيا وادي تقانب سباعه*

*وغير الشجاعه للعوارف دواليل*

*واهل صياني يوم وقت المجاعه*

*يتلون شيخن طيب معدن وتكميل*

*غازي ولد متروك صدق وقناعه*

*النفس رافعها عن القال والقيل*

*عنده عن علوم الهزاله مناعه*

*عليه ماتلقى خصومه مداخيل*

*لو حاولو بالوقت لويت ذراعه*

*فاصل وخذ لب الخبر بالتفاصيل*

*يالناشد اللي فيك مكر ولكاعه*

*العام طفى نور كل القناديل*

*نجمن غطى روس النوازي شعاعه*

*على شعاعه تنزل البدو وتشيل*

*والسر يالنجوم السماء برتفاعه*

*مافيه نجمن لاطلع طلعت سهيل*

*ولافيه كنزن مثل كنز القناعه*

*معثور ياراع الشرك والمحابيل*

*مالك على بعض الامور استطاعه*

*لو جيت مابين الجمل والجماميل*

*الاوس تدرك ماتريده خزاعه*

*ياذاك لاتمشي ورى حاطب الليل*

*وانت الوديع اللي حفظت للوداعه*

*ان طعت شوري بالليال المقابيل *

*عليك لايضفي حنيفه اشراعه*

*العام جليته ورى شاطي النيل*

*واليوم جانا من جهتكم خداعه*

*من حرف التورات حرف للانجيل*

*مايجوز بالدين الحنيف اتباعه*

صح بدنك جعلك سالم وغانم

*حمرن بواد الحمض يوم المصاويل*

*يرعن ولا يوخذ عليهن ارتاعه*

*بالرمح والبندق وحد المصاقيل*

*يرعن حيا وادي تقانب سباعه*
والنعم في ا الجميع
صح الله السانك لاهنت
مستشار القوافي
المحمدي سعد

صح الله ابدانكم الجميع
تشرفت بمروركم

صح لسانك يابوتركي

بيض الله وجهك

صحت ابدانكم الجميع