ملتقى قبيلة حرب الرسمي - ياجاهلن عني بعلمك درسي

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - ياجاهلن عني بعلمك درسي (http://www.m-harb.net/vb/showthread.php?t=149215)

ياجاهلن عني بعلمك درسي

ياجاهلن عني بعلمك درسي=درسن يعلمك الشعر بالموازين
اما على مثباك تثبت وترسي=ولا تقفي مع جموع المقفين
ياكم قلعنا منك نابٍ و ضرسي=وياكم كفينا لكم من مواعين
ليه على شرواك ميسم وحسي=وليه عليكم حكم حكم السلاطين
ليا بدعنا القاف بالطيب مكسي=الا ليامنا نصونا شياطين
للكلمه اللي حق مافيه دسي=اقولها بالكاش ماقولها دين
كلن مقاسه يلبس الثوب لبسي=مانلبس الا لبسنا بالبراهين
ماهو كبر سويت شعري بهجسي=بغيت اوضح للخبول المساكين
انا ولد مزروع نبضي وجسي=لزبيد حرب وللحروب الشياهين
حبي لوجه الله ماهو لكرسي=ولاني من اللي يتبعون المقفين
وحبٍ لغير الله بالعون منسي=من قبلنا قالوه ويقال لا الدين

كفووووووووو كفووووووووو
والله وسبعة انعام يالمزروعي
صح السانك وبيض الله وجهك

صح السانك لاهنت
نص جزل لاشك

ولاغرابة هذا الابداع
من اهله

صح لسانك وعتلا شانك

صح بدنك وبيض الله وجهك

اقتباس:

المشاركة الأصلية كتبت بواسطة العطيب (المشاركة 1401385)

كفووووووووو كفووووووووو
والله وسبعة انعام يالمزروعي
صح السانك وبيض الله وجهك

تسلم ويسلم لنا مرورك وصح بدنك ووجهك الأبيض

تحياتي لك

اقتباس:

المشاركة الأصلية كتبت بواسطة الكحيلة (المشاركة 1401400)

صح السانك لاهنت
نص جزل لاشك

ولاغرابة هذا الابداع
من اهله

شاعرتنا القديره اكحيله

صح بدنك واشكر لك مرورك

تحياتي

سعد المحمدي صح بدنك

النور الابيض صح بدنك