عن شرهة العاقل وذم الرديين=وقولة قدى والاعلى غير قادي
صديت عن بعض العلوم الملاوين=علوم للعاقل تعل الفوادي
تناقلوها حاسدين وبغيضين=ماعندهم من علم غير الدوادي
وانا رجل طبعي مع العسر واللين=ماحب في بعض العلوم التمادي
ماهمني هرج الردي والمساكين=رجال عندي عز نفس ومبادي
ان جاتني عوجا بعيد وقريبين= عنها الفجوج اوساع وسط البلادي
لاصار مالي عندهم خابرٍدين=الصمت حكمه عن كلام السرادي
لو كل مسمع ثارني يالفهيمين= شرهة علي الناس حضر وبوادي
العام قدنا معركة بدر وحنين=وعن الحما رديت كل الاعادي
رجحت بالميدان كل الموازين= السيف سيفي والكحيله جوادي
ولقيت ضدي ناس وسط الفريقين= تلومني وتقول مخطي وغادي
لاخذة في راي الرجال الحكيمين=مابحث عن الاخبار في كل رادي

المشاركة الأصلية كتبت بواسطة نديم المجرة (المشاركة 1364590) صح السانك وبيض الله وجهك

المشاركة الأصلية كتبت بواسطة الحب الباقي (المشاركة 1364657) صح لسانك مليون على القصيده والله يـعـطـيـك الـعـافيـــــــــــة بيض الله وجهك

الـعــام قـدنــا مـعـركـة بـــدر وحـنـيـن=وعــن الحـمـا رديـــت كـــل الاعـــادي
رجـحــت بـالـمـيـدان كــــل الـمـوازيــن=السـيـف سيـفـي والكحـيـلـه جـــوادي

المشاركة الأصلية كتبت بواسطة ابوهليل (المشاركة 1364709) صح لسانك يابوتركي قصيده جزله بيض الله وجهك