الصريح
 

صار الصريح بوقتنا الشين مذموم
وانا الصريح اللي عدو المجامل

طبعي ولا ابدله لرضاية البوم
ولا انتظر منه الوفاء فالتعامل

الحر يرفع نفسه بعالي الحوم
وعلى فراقه ما يعظ الانامل

ولاني على خوته طامع وملزوم
وبيني وبينه قص حبل التزامل

ويا صاحبي وانت فطين ومن قروم
لطيب والنوماس والعز شامل

الحر لا شاف الجيف صد ويشوم
والا الغراب لمثل هالصيد ثامل

اعرف قدر نفسك تراك انت زيزوم
واحذر لهفواته تكز الفرامل

ولا تكترث فالبوم والبوم مرثوم
عرق الردى ياصله لو هو تحامل

ولا صادقه ياكود مثله من القوم
هامل وطبل له من الناس هامل

صح لسانك مليون ولا يكفون

الحر يرفع نفسه بعالي الحوم
وعلى فراقه ما يعظ الانامل

صدقت والله

ونعم الخوي اللي مثلك وشرواك خوته تشرى بالفلوس

حرب النا وغصب النا .. يالولد العم مانسرج خيولنا على دقاق العلوم

ولانصدر بالرايات الا حمرن مرتوينا

الصبر زين وفيه ثنتين تكسب جميل وتاخذ الحق وافي

المقصود ماهو بحنا ؟ وانا خيك المقصود وعطيناه اشاره فالخاص من اولاتها وفهما وخلصت الرجال واكرمت درعها

وبقي دورنا لكن ماحنا عصي تضربها الرجال نكشف الاذناب الله يكرمك على حقيقتها بطريقتنا الخاصه

تعلمناالذود من العود دقه وجلايل

بمان الله نراكم على خير

صح لسانك وسلم فكرك وبيانك