|
يا صالح أنته ناهجٍ نهج هواش
و الا مثل صياف و الا ابن شايق من غالي الجوهر تصب المهر كاش و اللي تقول من التماثيل لايق واللي دهش فكري كلامك عن اللاش من حيث يوجد بالاوادم علايق وقت الرخاء تلقابهم مثل هتاش و اليا ادبرت يعطون سرد الرقايق اطيبهم اللي قدمك التف وانحاش ضاعت علومه عكس ماكان رايق هذا الذي امواجهه يحرق الجاش وامر و ادهى كان قام يتوايق في ما مضى يلقط طميه و عكاش ويحطها جنب الحفر دون عايق غازي مغيران الزغيبي |
خل الخبول بكل شاشه تهايت
الي ترتب للحضور الكراسي هذا زمان المشيخه لنبايت يالله عساه يصيروقتٍ قياسي مافيه شخصا ماتفوته فوايت لكن يقزر همها بتناسي و لا ترا بوزيد مسراه بايت لكن عن الهزعه يجيله مواسي مايضمن المشروع غير المزايت قص الورق لاتنخدع يالسياسي لوكان تسقى ضاميتها بوايت واعيش في مبداي مرفوع راسي لأ دنقة روس العرب للحتايت ياقو صبري ثم وقطع ياسي تفرقة سبل العرب بالمشايت صارة قضياها تجي بالدواسي تكبر حقوق الرجل لاصار كايت لصار موجس بالحبال متساسي كان الوباء في كل حيٌن امبايت يزود مع طول التلاحم مأءسي #غازي_مغيران_الزغيبي |
الي ضحك لك لين ضحك عدوك
لاجاالجبال السود لاذ بكنفها ما يحتمل زرع الغم والمشوك لو الرهى به فرصة العمر خفها ترا عدوك مايبيك بهدوك كم هرجة يعكس عليك بطرفها وأكبر مصيبتها تجي للمهوك يمكن ليا كبرة عليك يحذفها خلك ثقيل ومخفياًكل نووك حتا تمكن من تصرف نكفها خله ليااذن وقام يسوك تطري عليه ولاتحمل اسفها ان طعت شوري عيش وقتك وجوك والخلفه ام حوار نقع علفها واليا نشدك المرتكي قول توك وناسبة لك كلمت عبيد ضفها يخدم لك الي متقي شر سوك والمسكنه ترتاح به من ضعفها مكانتك بالمجتمع من سموك ازلقه الي ماتعورك طفها والصاحب الي بلكلام يتلوك الحر راس العوشزه مايلفها ولي تشوف رويس خشمه يزوك قل رفقتي لك عند ربي خلفها ترا اتخالف وتنازع يتوك الا عبات الهون لا تلتحفها وترا التعالي طيحيته من علوك ولا تحسبن الناس واضح هدفها #غازي_الزغيبي |
((( آخر تعديل ))) مرحبا بسم الرجال امثلة حرب الحرايب& لابتٍ تاريخها معروف في كل الجزيره من جبل خولان مدة بالخيول وبا الركايب&والهنادي والمحازم كلها مليا ذخيره واستقرت بالحجاز بلارسوم ولاضرايب&بتكاتف وتلاحم كا رحاه المستديره وامتداد الديارها والدم فوق اشلف رايب&ومانزلو في نجدالانجد غير بحروب وجريره تجتمع في حزةٍ فيها اتجمع له سبايب&ماتغيًب عن بعضها بالقليله والكثيره من عوايد حرب في صدم الدول شبت شبايب&يوم دور الترك ماينطاق والدنياء ثريره كم هزمنا من سرايا بالجيوش ومن كتايب&قبل ماعبدالعزيز يطبها صقر الجزيره يوم جاها والجهل والجوع يرقيها الجذايب&تجتول مثل السباع وكل طامع في قصيره كل حرب مساندينه مابهم مخلوق هايب&بالرجال الي تسل السيف الاملح من جفيره وذي عوايد حرب يوم الحرب مكملة النوايب&ذكرنا عزوشرف والرجالنا في كل ديره شوف ابن مطلق طليق اذراع وايضا لاغرايب&جده الي بالكرم له قصةن تروى شهيره وفي لسانه مرحباء والعود من فوق المطايب&ليلتن يحسب لها مجهود فرصتها قصيره وفي لسان الشهم ابن مطلق هلا والكيف طايب &حفلتن بحضوركم ياهل الوفاءغراء منيره واشهدً تكريم ابن دومان دوره حيل صايب &يستحق يقال شاعر في دفاعه له مسيره بالمواقف دايم موجود ماهو شخص غايب &باذل المجهود ضمن الي وقف دون العشيره والتواصل له فوايد تجتمع فيه القرايب&كل راعي موقفاٍ معروف مايجهل مصيره والقبيله حقها لاقام بالميقاف نايب&كان ماهو قدها خل الفرس وسط المغيره المهم ان الطلب بالطيب والا بالغصايب&حرب تبغى ءألوله ماعودها للاخيره من سلفنا واحد كدقال مانرضى الغلايب&دام حنا نملك الثنتين اهل خوه وجيره ومن سلفنا سلت(ن) راحو من الدنياء مصايب &من فطاحل عالم التاريخ ماحرب ابفقيره والرياء مذوم والرجال بالمدح يتعايب&كلمت(ن) يركض بهااللي موجسن من حرب غيره والسلام اختام عد الوبل من دهم سحايب&للرسول ازكى سلامي للهدى قادالمسيره غازي الزغيبي |
#زيد_مبشر_الحصني
آلله يا دمعن نثرته على زيد من يوم جتني في وفاته رساله ارسالةٍ صارت على البال تنكيد يالله عفوك ياعضيم الجلاله الموت حق ولالنا عنه تصديد لاكن بنادم يفجعه طول اماله مرحوم يامتعب هل الغل والكيد في نظرته وبفطنته واحتماله له فزعةٍ تصعب على كل رعديد وعلى خوي الجنب ماضاق باله يرفا الخمال ولا يحب المناقيد ونزيه عرضه عن دروب الرزاله وان شاف مزهافٍ علومه هرابيد يكره مناحاته ويقطع جداله سريرته بيضاء صدوق المواعيد من وين ماجيته حميده اخصاله عزاي باالصنديد خلّف صناديد ما مات من تحمل صفاته عياله #غازي_مغيران_الزغيبي |
(تعديل)
اباطيع شورعبيد واعلن وحط سناب وباواكب الاحداث ورضي جماهيري مادام السناب يتابعونه بكل اعجاب انا لي محيطن فيه ترسي بوابيري انا لي ثمان السنين والبشت بالدولاب بعد قلت الدكلات قلت مساييري تعاملت مع عالم تويتر وابالوتساب مقيد ولد صيخان ومبرقعن طيري فقدناالصريح الي يصرح على المحراب كما صرح الموهوب من مجلس أطيري يغوص المحيط وكل جمله بدون اسهاب تعزف المزيكه والملحن علم سيري ليا طب فالغبه لياهابه الي هاب قبل مايصرح بوش ثم ينهزم كيري أحد موقفه هين وحد موقفه غصاب كمن الجناه العام محصلت غيري قلطنا عليها قلطة مجري الهياب بفضلن من الي عنده أشر والخيري يضيق الحسود الي ليا هد بالمشعاب تحطه مطبلته كما سالم الزيري ولو ما ضهر له صيت بمصادم الاجناب مصاريف بيته من راع المركز الخيري أحد يفرش السفره ويا خذ وراها اتعاب يحط المناشف من تحت علبة الفيري يعلمك بالحاضر ويدري من غاب بيوم ن يخل انافره تركب الضيري #غازي_الزغيبي |
قال من ساق المعاني بالمديح
كاتبِ عنوانهاببن بجاد بالوجاهه لاجبان و لا شحيح مزبن الي محترم حلو الرقاد يستحق المدح بالاسم الصريح يوم جيت امشي ع علمن وكاد لازمي قاضيه يالوجه يالفليح وتخير بالمناطق والبلاد جمل الله حال حواش المليح ماتزهل بالطلب والبال صاد قال خذها يالزغيبي وستريح مايخيب هقوتي راع الشداد والحقيقه مايصح الاصحيح لاكن الانجاز وراي اسداد يعتبر لنهاية الدعوا ضريح مفصلن بين البياضه واسواد اتصالي منه بين لي نضيح واكمل الموضوع بعد الاعتماد ياهل الحيزا لكم هباة الريح كم غيري جالكم ثم الستفاد #غازي_الزغيبي |
تراي داري فيك سدتك رقه
يلي بيدك المسبحه لاتكلف عرٌضة نفسك للعنى والمشقه بعض التصرف من جذور التخلف ادري بك انك لاتماديت طقه ذيل الضراوي كل مامده انلف #غازي_الزغيبي |
موجهه الشاعر الكبير مساعدضعيان البدراني
قولو لبو ماجد ترا النمر بالريع مستيسراً قدمه ثلاثة حصاني تجمعم قدمه سوات الجرابيع المنتبك والامعه والاناني بالليل توحي للمراجل مشاريع والصبح ماتلقالهم مؤدماني سوا عليهم ترسنه خمس اسابيع ووعدهم أنه يحترم من يعاني الي يجيب ثبات يضمن له الريع يطبع كروته للفرح والتهاني والي على غوجه بليا مصاريع ماهو مدوربه جميل وحساني امجامله حسره مهونه وتضييع رجوا مهجنة النجد بالسكاني يعني من التيوان تصنيع تجميع خلاه صندوقً يحفض الواني ثلجً يزبر له صلابيخ ويميع يذبل سوات الورد والديدحاني بلا ش كثر الزوبعه والفراريع لاصار يفحص بين مسني وساني هذا الذي شفته وغيره مواضيع افلان ليه يجلسوونه مكاني وانا ادري انك منت طمعت طماميع منته ليا مس الحقب مسنحاني يفدونك الي ينقلون الكراسيع واطيبهم الي لطلب مايداني غازي مغيران الزغيبي جتني رساله من بعيد المطاليع حرن مجرب من قديم الزماني يحسب احساب مولدين المضاريع وان جا المصامخ فا البحر له مواني وانا على المردود جتني دوافيع ساعت قريت ملولبات المعاني وانا ادري انك يا بعيد المراميع تقرا على المنون سبع المثاني تملك سيوفن ما المواقف قواطيع لاجنب الميقاف خطو الهداني وانا ليا شفت الجمال القواضيع اركي عليها مطرق الخيزارني وكحل عيون مزهبين المقا ميع با الملح والخفان والجبخاني واهل الثمايل والرسوس النوابيع تكلفو با الارشيه والسواني لو ان ماها يا الزغيبي قراطيع بنضارهم وفكارهم ريهجاني لازم نسوي لسوارف قواميع نقر العيون مشورفات الاذاني كل الثلاثه ماوراهم منافيع مستاخذبن او ضعهم مشبهاني يتلون خبلن كل دعواه تلميع لاناطحن قاله ولا سد شاني مافيه خضره با السهال البلاقيع الا سموم القيض بقران ثاني غنا حمام الورق فوق النعانيع وحنا نردد يا الله المستعاني مساعد ضعيان البدراني |
ألا ياهجوس الشعر عطني بكل إقياس
مادام الكلام يرتبه فهم وفراسه ليا جا مجال المدح يمدح عريب الساس طويل الذراع اللي ما واحد ً راسه راع الحزم سلمان العروبه قوي البأس مليكً ليا كبرة يج العلم من راسه مليكً نفوذه مايحدد ولا ينقاس من التجربه والعرف يدري من احساسه ونجله ضهر مثله على الموقف الحساس ولي عهده المامون يابعد مرواسه اخذا من معزي به صرامه وحرب اللياس حليف الدهاءُ محمد ومشيه على ادراسهُ واخذ من معزي من حلاياه ولااحساس وراي( ن) يضد اعداه في حكمته داسه تحداءُ الصعاب الي تصافن وجن اقواس بوقتن به التغيير ووضاع حساسه ولازال يفتل ثم ينقض للناس وناس عسى الله يديمه جامع (ن) عدل وسياسه عسى الله يعينه في مقامه وبالمجلاس ويصلح له المقصود ويعين حراسه غازي_الزغيبي |
فكرة بالدنيا بعد شفة ماعفت
وبغيت اقول وفيه من قال قبلي اكيد منهاشايفن مثل ماشفت واكيد في الدنياء مغربل ومبلي ولا حدا يلٌوم من زماني الياخفت لوما ورايه غير تسريحة ابلي #غازي_الزغيبي |
الي يبي يرتاح من شد الأعصاب
ويعيش واقعته بليا مهايط لازم يفرق بالمعارف والاصحاب ولايعرض الغالي مجال المشايط نوب الخلاف يدب من دافع اعجاب ويثير جرح" له زمانين خايط من لا تقاء شر العواقب ولأسباب لاينزعج لامرته بالوسيط الي خصم كذاب وان غاب يغتاب وقدام هاذي موبقات وبقايط وكلش يهون وللاغاره بالقراب تورث من المرحوم فله وحايط والبعد رفعه لي ياذو اللاباب ماشيف ب مراحي فطير و لقايط واقدر عليه إلى وصل حزم كلاب وجنيته قدم المطوع تعايط لو كان جده حاضر"غزوة اجراب على ذلوله كان صايط ولايط حنا نعرف أن الجهل ساس الارهاب مستنكرينه من جميع الخرائط ياوقتنا الغلاب يكثر الحزاب اوحوش غابه عن بعضها تفايط لاعندهم شيمه ولافيهم اداب على بعضهم يجمعون الصقايط #غازي_الزغيبي |
حفل رجل الاعمال عقاب داثان
الطريسي مايستوي المعذار عن حفلة عقاب ابومحمد مهل الله اسنينه رجل "يروم المراجل وهو شاب على الوفاء والجود تندا يمينه واكبر فخر دعوتك ياعرب ألا نساب يوم استجابو لك مشايخ جهينه اهلا هلا ماهل للمزن سكاب في جيت ابن غنيم ومرافقينه ترحيبة'معطره كلها أطياب ممزوجت'بالعود مع ياسمينه وريث مجدا لاتغير والاغاب يشهد له التاريخ ومؤرخينه شيخة فعل لاكلح اناب بناب مجدا تليد وكلنا خابرينه اسهل مراجلهم بها عتق الارقاب والا عطاياهم تهز الخزينه يفرح بفزعتهم سجينن وراء الباب يطلق سراحه لاشفعله بحينه يابن وصل حييت والفين ترحاب وجيتك هاذي لي فرصه ثمينه عطرت شعري في مديحك ولاشاب واخترت من جزل الكلام واسمينه في حلت ابن طريس حلال ألانشاب عوق الخصيم اللي رقص له قرينه في حال فيه لين وبحال ينهاب والعرف مايعرض على عارفينه من ربعت" يوم القى ريحها هاب من حارب الطرسان واسقم عينه ذولا هل الميقاف في حزم كلاب رجالهم وحده يفك الضعينه غازي مغيران الزغيبي |
اهلا هلا باللي يسوق التعابير
راع الحمية والكرم والشكاله يامكرم العاني وريف الخطاطير وبيتن رفيعن منزله من رجاله وحييت ياعادل ولامنك تقصير والرجل تعرف قيمته بعتداله يابن نهار انته عن المجتمع غير منزلك مثل سهيل نجمه إحاله واكبر دليل انك صتيمه وبك خير رجلن تميز منطقه وبقباله ولاهي غريبه من سليل المناعير اعيال عون اهل الوفاء والبساله يامرسل اللي يتعبن المداوير ولبستني تاج الفخر بالجزاله اما كلامك في وصوف الخواوير قولك صحيح ولايبيله اكماله ايوا لله اغليهن غلا الصلب لمطير ولا غلا سعدون شوفة عياله رغم الجفاف اللي لياله معاسير خلت مراتع نجد حمراً إسهاله يبس الشجر ماباقي الا العثامير والله مالوم اللي زهد في حلاله راحت سيولتنا مكعب وشعٍير وان زاد شيً من نصيب العماله ولا حداً بذاخر عن حلاله مذاخير لويدفع الميه بكيس انخاله وعند الولي حل الكرب والتياسير قرب طلوع السهيل ماهي طواله يالله بنواً من وسومً مباكير ينشي من القبله ثقيلن اخياله ايسوقه الغربي شعوف ومعاصير في دبرة المعبود جلا جلاله لين يتوشع نجد قبل الحمارير يبرق جنوبيه ويبرق شماله يركد طخاف المزن ونصوبه تحير رفاق دفاقن مخيف ثقاله بخلال ساعه والشغايا محادير على جبال المختلف والغزاله والصبح تنشر بالبثوث التصاوير من حد الاردن لين تاصل صلاله تاخذ اسبوع وكل ديره بها خير كلن يبا المطلاع لو هو لحاله يفرحبها الوبال مع راعي الطير وراع النعيم اللي ضعيفً حواله عقب ارهقه غلو العلف والمخاسير بيع خرافينه وبيع ارخاله ولاباقي عنده يغير القراقير الزين باعه والمدعل بقاله #غازي مغيران الزغيبي |
سلطان يا بن بجاد لد النضر في
يامزبن اللي بيد الوقت حيله اجيك في هاذيك وجيك في ذي وعود ارجعله ولابطي واجيله اليوم جيته في لزوم البنيخي خذ حسنة الموقف وانا لي جميله من لا غمرني في جميله وانا حي لامت مدري بنعش من يشيله عندالفهد وصل الفهد كل منخي مافيه قدمه حاجتن مستحيله من لاذ فيكم لاذ في بارد الفي شيالت الكايد الرجال القبيله #غازي مغيران الزغيبي |
ياراكب اللي خذو من شبكه لنوره *** شلقه ومن رفرفينه شلقه وشلقه
الين ماعاد للفكسار ديكوره *** الا شعار التايوتا حلقه وحلقه اليا نطحته تحلف ان راس تنوره *** نيرانها تو خشم الجيب معتلقه كن فتحه السقف لولو فوق بلوره *** غيره مرهم وهو من مصنعه خلقه ابيض كما زيبق في حلق ماصوره *** الله يجيره من ال معيض والعلقه اهدا من السالف في همس سيوره *** وارسى من الباخره واسبق من الطلقه عده على واحد با موت من جوره *** وان مت من سبته نشبت في حلقه الصاحب المرمس اللي ما لعب دوره *** في مسلسل مرني حلقه ورى حلقه لكن سوى ذبحتي مايرضى غروره *** رد اعتبار ابله في الحب منزلقه وانا البري من مواعيده وبلفوره *** خشف ولو انويه ما مس كود ذا العلقه عليه ردو من اقصى القلب مذخوره *** تحيتن من وراها النار منذلقه للغالي للي نزل والقاع محظوره *** والليل يغري وعين ابليس منبلقه وقولوله اني بعد ما حطني شوره *** في حلقه مفرغه وادور في الحلقه مازلت احبه واحاول ماجرح اشعوره *** ولو كان مغرور واداني كذا علقه وقولو له الجرح ماله غير دكتوره *** واهل المحبه بدو ونفوس قلقله من عله اللي برك كله على زوره *** ماهيب عله شباب ضايق خلقه قدله وكن حالته بالصوت والصوره *** بزرن ليا قام من نومه بكى غلقه شعر \ ضيدان بن قضعان العجمي مجاراه لشاعرضيدان بن قضعان ياركب اللي يسابق سلفه السيوره من مصنعه توه اللي فكة الحلقه مايلام به من دفع به كل مذخوره من عقب ماهو من الدنيا معه شلقه مايتركه من يغطي قيمة إمهوره وابرك حلالٍ يجيب السلعه الطلقه فيه العلامه من اليابان مسموره آخر مديلٍ عليه الكبد منفلقه فكس آر زادو بتضمينه وماطوره غير الدبل حط شبك اعكوس لزلقه متناسقٍ لون بديه لون ديكوره تصعب وصوفه علي بقافيه غلقه الاّن حلياه حليا الشكل بصوره شيهانهٍ من سماها جات منصلقه هو موتر اللي بكبده يوجس احروره وامن العمل والاوادم ضايق خلقه وده بدارٍ من المبدار ممطوره من شرق لينه نغرّبه اليا البلقه مثل الزوالي نباته ترقص ازهوره من مطرتة ماوطابه قدمه الخلقه ياخذ بها رخصة المقناص بطيوره ماينقل اللي تثور بطنها الطلقه والشكر لله واثنيبه لخو نوره من لاشكر خالقه ماثنا على خلقه داره بها الإمن واللقرآن دستوره من مرجع العدل والقرآن منطلقه يالله عساها على العدوان منصوره واحفظ ملكنا من النكبات والعلقه يالله يلي جعلت امر العرب شوره تبعد نيا اللي يثير الشر ويخلقه من خلقة الناس منهيه وماموره الوقت كلٍ ترا شبعان من ولقه وختامها شعر ابن قضعان في دوره يحضاءبجمهور مع ضيدان ورح وألقه قلته وانا واحدٍ من عرض جمهوره من عرض من قال بالمجلس ملي حلقه مع تحيات / غازي الزغيبي |
(((بعدالتعديل)))
قصيده مدح المضايين يسلامي سلامن من هجوسي عد وبلن تنثره السحايب@لاح برقه وسبل في ثعوله طول ليل الشتاء همال ديمه السقياءتكف المزن الاول مثل كف إلاصابع لذوايب@لين جاله مثاني في طبوقه ونهمر مدة الليد الكريمه عند شيخن يشرفني مجيي يوم اجيله ونا حث الركايب@اخو غانم وشاهر كل واحد ياعسى الله يرعاه ويديمه وعضداهم رياجيلٍ على الازم يسدون مقضاة انوايب @نهجهم ماتغير في وصوله في سلوب الرياجيل القديمه بعده اثني سلامي واحترامي للمضايين ينصى كل شايب@للمسن المؤقر في وقاره كلهم روس شيخانن حشيمه ثم يمشي تدرج لين يضفي فوق روسن يلفن النجايب@من جهل بالمضايين ادهاه امه ولو جابته تبقى عقيمه نعم يهل البتيراء لاعتليتم في سروج المهار انتم مصايب@بالمعارك فعلتم بالسيوف وكل واحد له كيان وصتيمه انتم اهل المعاجم والمكانه والمغازي متعبة الركايب@شيخة مستمده من شيوخن وارثين اشداد بضهر ريمه ون كرمتم كرمكم يرفع الاسواق واللي يحدون الجلايب@مايجي فيه ليله في مدرج غير تلقى مشاكيل واعزيمه هم مقادم مناويخ القبيله بلمنازل لياشبة شبايب@يكسرون الجموع الي تزايم هم وياحذون طلاب الغنيمه قلتها والشهود من المعاجم يوم زحف السرايا والكتايب@المضا يين إهل روز" ثقيل اللي يصادم بها اروس العضيمه ون دعى اللموقف الحربي يجونه واحمر ادم باللحدين رايب@فيه فعلن بعيد وبه قريب ونبغيت اذكره ماهو جريمه وقدم لاختم كلامي بنهايه يارياجيل وتساق المطايب@للموادع عسى ماهو وداعي في هل العرف والارياءالحكيمه بيننا مايدور الشك وتشكيك وانتم من اعز القرايب@ادري اني مقدر مع شيوخ الشمل ونجيت لي قدرٍ وشيمه قلتهاوسمحولي ياجماعه مركبتها تصافقها الهبايب@خاطبتها مواني غرب ينبع وستدارة لرابغ والقضيمة ياهل الشعر بالله علموني علم لا ردو اهل العرف صايب@ويش اسمي بحرها ونهجرتم بحرها المعتمد هجره ضليمه ونهايه سلامي من هجوسي عد وبلن تنثره السحايب@لاح برقه وسبل في ثعوله طول ليل الشتاء همال ديمه غازي مغيران الزغيبي |
ياجماعه ما على الدنياء ثبوت
ودنا مكشات يجمعنا جميع سجت الاقدام مع ذيك الخبوت في صحاري نجد بيام الربيع يضهر المخلوق من بعض الكبوت ويتفرج منضر الصحرا بديع دوب بقعاء معطيتني عنزروت مايشك بمكرها غير الصديع هم للثبت والثاني يشوت والمصيبه باب حارسها وسيع مستعد اعيش فيها دون قوت مايخلق الله مخلوق ويضيع قلتها تذكير عن بعض السكوت ودي الشري مع هواجيسي وبيع ياعسى نواف يبطي مايموت الشهدانه صاحب الذوق الرفيع لابخيل ولاكذوب ولاشموت ولخويه كنه الابن المطيع من محاميدا على مر الوقوت مستحيل امبينهم ماهو شجيع اهل الميقاف وكبار البيوت والمصاعب قدم هيبتهم تطيع وقدم ختم القافيه وحط نوت قدهاوقدود( نواف الربيع) غازي الزغيبي |
يـاصـاحبي كـــان القـضـيـه مـيـانـه
من مان في ذيـه علـى ذيـك لايمـون والعـلـم قـرضـة مـلـح مـاهـو لـبـانـه ماكـل مـن يمـن علـى شــئ مـامـون مـثـل المـقـام الـلـي تزعـمـت شـانـه من صيفتي ياناس مذنـب ومديـون أدانــتــن مــاهــي بــيات ادانـــــه ياهـل الحظـوظ اللـي عليهـا تـدرون يـــوم انــــه أدلا بالـمـنـصـه بـيـانــه هانـت عليـه ولا عـلـى مثـلـي تـهـون لــو شافـهـا الـرجـال والـشـر بـنـانـه من شيمة الطيب تـرا عسرهـا يهـون والـلـي يـقـول إنه غشيش البطانه ماجاب علمه زين وباليس ملعون فــلان بالـمـيـدان مـســرج حـصـانـه ويـبـي يشاركـهـم عـلـى مايـقـولـون ولا صــار ماعـنـد المسـولـف ذهـانـه ايـــاه وايـــا مـاقــفٍ مـثــل هـلــون لاســـد نـــوب ولاتـكـفــو اخــوانــه اخـوانـه الـلـي بالضـيـوف يتحـفوون ان شــاف مـيـلـه وامـتـثـل للـتـزانـه ان فاقنـي ممنـون ون فقـت ممـنـون مـاقـولــهــا تـشـهــيــرةٍ بـــلأدانــــه اقـول راس الميـل لايـطـرف الـنـون يقـولـهـا الـلــي مـاصـفـالـه زمــانــه لو اصبحت في لون تمسي علـى لـون محشـوم عـن درب الـرداء والاهـانـه حول المدار اللي لها سـرج وحصـون كـــلٍ يـقــول انـــه وديـــع الامـانــه والمعطـي اللـى لـه تصـرف بهالكـون لادار كــيـــفٍ خـــــادرن زعـفــرانــه ثـم المعانـي جالـهـا ظـهـور وبـطـون ليّـه مـع اهـل الـعـرف قــدر ومكـانـه غصبٍ عن اللى مايشوف العرب لـون ان طــاع والا العـلـم توحـيـه اذانــه وجه النهار يشوف به من له عيون والعـقـل والتفـكـيـر درع الحـصـانـه ومـن دورو فيـه الرجاجـيـل يلـقـون يـاهــن ماينـقـصـك غـيــر الفـطـانـه والا مرامـيـعـك مـرامـيــع دنــــدون غازي مغيران الزغيبي |
ياعبيد ابن حمدان ياطيب الساس
اخذ الكتاب وصله للوسيدي. يحمل بطياته جواهر من الماس مابينهن افرنك ولا مجيدي منور طليق احجاج للعز نبراس لالاوحت عن دربها مايحيدي مريت بالصدفه مطرقي وعساس وبال مستعجل وداره بعيدي ودي مقابلته من الراس لراس يأخذ علومي ويتسمع جديدي لا كن ترا وقتي مدلبح ومنحاس امشي ومع دربي لحقني طريدي كم صدفة" ما تنتقيم ولا تقاس من عرفت الطيب فنا المستفيدي قولو لبوعادل فلا يقطع الياس ان الصدف لا بدها اتستعيدي قلته وانا في كل الاوضاع حساس وارجو تقبل شيخة"من قصيدي ياطيب الي شاع ذكره مع الناس ولاهو على كسب المدايح جديدي له مجلسن مايدخله كل هلباس وصيانين مطب فيها الرفيدي جده وعده ماوقف بينهم هاس بالسلم ولا يوم مداات الايدي غازي مغيران الزغيبي |
يا مرحبا بسم الدعيع هل صيت
صيت"تنومسبه سمو الزغيبي صيتا"يشرفني على دعوته جيت من دار ابو فيصل بلدنا الخشيبي رحبت يومني من الربع وصيت تقدير من ربعي ومن حكم شيبي كلفة بترحيب ثم استعديت ترحيب احلا من مذاق الحليبي بضيوف حرب الطيبين العناتيت إلي لهم في كل عليا نصيبي اخص فيها مطير ريف المباحيت حسامت الأمر الكبير الصعيبي حمر النواضر مدبين الطواغيت على ضهور مشاولات السبيبي قلته وانا عن ربعتي ماتناسيت حرب الدول بالكون سقم الحريبي تاريخهم يدريبه الحي والميت غصبا على القلب الوبي والمريبي واكرر الترحيب وقول حييت للي من ألاقصين ولا القريبي بسم الدعيع قدموني وغنيت مديحة الطيب تزود بطيبي فيهم نقى رفقه وفزه آليا اللفيت وفزعاتهم عن وقتهاماتغيبي منهم هديب الشام لاقلت وطريت وقت المواجه مثل سيف الذويبي ورا قصيده يتعبون النواحيت يشمه الخصم العنيد ويهيبي هذاك أبو سلمان ضرمه وكبريت خلا هل النزوه تكت الشعيبي فجر تضاريس الحجر بدناميت ماياخذ إلا مفحماتالعيبي في صوغة المعنى وفي وزنت البيت القافيه من هاجسه ماتشيبي ولامات من خلف عياله زناتيت عقب رجالن يخصمون الطليبي وخوانه طيور السعد مثل موحيت الكل منهم كاالبعير المنيبي اظروس روسن بالملاقا عناتيت مافيهم المزهاف ولاالحضيبي ركن الجماعه لاعصفن السواحيت لعل مايقطع للجواد صيبي درب الخلف درب سلف بالمواقيت رجالهم لاطاب ماهوغريبي ولاقول قولن مايجيله تثابيت والناس تدري بالكلام المصيبي والعفو كأن اسهبت ولا تماديت اخشى الرهى والقافيه تنتحيبي والشعر سبك وحبك ماهو ثراويت ياما وقع في غلطته من اديبي للقيل سامع والمسامع مصانيت وانا ادمي والعرف ماهو بجيبي والشعر له ناقد وغيره شماميت وانا الدري اني لاغلط ة يحكيبي له حق ينقدني ليامني اخطيت ولارضا وكور الشخصنه تلتويبي يكثرمن يعمل على الدبك رتويت مدري غباء بالشخص ولا تغيبي هذا الكلام الي بعده توريت ياهل المقام المنتضم والرحيبي تمت بذكر اللي حما حرمة اللبيت الواحد الي فوق خلقه رقيبي غازي مغيران الزغيبي |
عسى الله يسمعنا خبر خير مابه شر
يطمن ملوك الشعر ومتابع الساحه عن الشاعر الموهوب ياعل ماله ضر ونسعد بشاعر حرب ونقوم بافراحه هذا راشد الحربي ليا صار كر وفر تقول السعد بيديه موجود مفتاحه هذا الشاعر الماهر نفوذه ببحر وبر وله بالفضاء قوات للضد نطاحه هذا راشد المبدع هذا راشد الي سَرْ صفوفٍ تشيل البيت لاهز مسباحه هذا الي يخل الخصم لو هو عنيد يقّر وسيع الخيال ابسبكة الحرف وفصاحه بليغ العباره مستحيله عليه تمر وعلى شاعر الغفله تمريرها براحه ترا شاعر الغفله مواريه قمزة ورّ تدور الليال وتضوي الهيّم بمراحه يعيش المناكف والخساير طعمها مر ليا قيل فارس قوم مذبوح بسلاحه مثل ما عرفنا الباز مجناه ماكر حر لاكنه يوقع دون شلوه وملواحه كما إن السحيمي فيه حكمه وزومة مر ليا حس لدغة كوع وعيون منلاحه له سلوب متفرد تميز بضغطة زر يفكك رموز الخصم ويزيده ارجاحه وهذي هي الايام لابد تخفي سر مثل كشفت المستور في شاطي الراحه يزكن على المنعوت ماجا الرجال بغّر مبيت عتاده لابغى الخصم يجتاحه مادام انهاهلون لاشلت عفشك طر ولايعلن المنزال بمدرج الباحه ترا رحلة الماكوك مابين بردوحر تمتع برحله ماركبتو بها سياحه ترا ورثة المرحوم اهال الوجيه الغر عسى الله يبيحه في مجيه ومرواحه قبل لجنة النقاد تضعف حروف الجر وثار الجدل من لأسمع بتنحناحه يعدد من الشعار ويجيب معه صور وراه المناوب خمسة ايام بوشاحه احد له مناهض طالبيا"مغير يفر ومن ضيع التاسيس الايرجي الرباحه #غازي_الزغيبي |
انا وين حصلي صديقا على البرهان
اجيله ونا ضايق وجيله ونامبسوط يطرح كلامه لي لاشافني زعلان وهذي تراها منه تحسب من المصفوط اعرفن صبري وحتسابي من الايمان ولافيه بالدنيا حياتن بدون ضغوط ضروف السنين الشهب مرت بكل نسان تدافع بني آدم حصولن على الناقوط احد شجرته خضرا على ساقي البستان واحد فرزته من فضل ربه من الحابوط بعد طالت المده معاناتي الكتمان وصبري على نفسي جهاد"بدون شروط وكثرالتنمر والحسايف من الشيطان ليا اخترة لك عرجون والمستوي ملقوط توكل على الله ثم بسم الله الرحمن غشيم الصقاره ياخذالتبع و الشبوط غازي مغيران |
ازكا تحيه من الأعماق.
لعز الأصحاب بالباحه. ثلاثه للوفاء عشاق. من ضافهم حس في راحه. قمة من الذوق والأخلاق. لأغلى المواجيب نطاحه. وربوعهم للكرم سباق. من ضافهم صعب مرواحه. من روس غامد هل الميثاق. و توفي الكيل ورجاحه. بالحرب نيران ما تنطاق. يوم الرجل يقف بالسلاحه. وبسلم فضلنً من الخلاق. نبراس بالجيل وصلاحه. رجالهم بالقا عملاق. بعرابة الحرف وفصاحه. كم صطر الحبر بالأوراق. وسط الميادين بالساحه هل يحجب الرعد والبراق. ياكاره الحق وايضاحه. منضاق ياجعله الطقاق. حساد بطراف مداحه. يقولها الشاعر العملاق. مسيار لربع وسياحه #غازي_مغيران_ الزغيبي |
عزالله اني ياهل المعرفه جزة
وقفايتي من رغبتي في قناعه عن مايثير شكوك فكري تبرزة ورخيت حبل المحتري في وداعه لاصار مايقضي لزومي الياء عتزة ماهو لزوم النصير دايم جماعه تاسعك رقة نجد منيوم فوزة مرواح كدريا هوا صتم لاعه راضي بمقسومي وبالله تعنزة من خلقتي ماجيت لحدا"اتباعه تمتعني الشيمه لوني تلززت مايلصقون الاعيال الرتاعه عن الحدود البينه ماتجاوزت ارفع بنفسي عن رخيص البضاعه والي يقول اني على المجتمع فزة ماني مكلف في عياه ونزاعه حقه علي بهرجته ماتطنزة يخبط عصاه ونزوته عقب راعه تميدحك يالمحترم عقب غرزة ف تلعه الي في شمال العاعه مدري لونك في غيابك تعززة ودك تحصل شخص تلوي ذراعه لنك ثلاث عقود بفعل منجزة ولي قطعت بعام جبته بساعه ياذا الفقيه الي توريت ونحزة وكونت لك جمهور في كل قاعه ماقول في بعض تفاكير خاوزة اقول صارة يا امين الو داعه بانت علامات الجفا يوم قززت وعرفت ماتخفيه عبر الاشاعه وانا ليامني على وضع ركزة اعرف ملويت الشطن والكاعه اقول قولي لا مهاوز ولا نهزت حفضا" الحقي بالسند عن ضياعه اخترت من غال المثامين ووجزت وهديت زومت خاطري واندفاعه وعن جرح خلق الله ترايه تحرزة محفوظ حق المطبعه وطباعه وانته عساك بخير يالي تمركزت ونشوف وش ضويت لك من طماعه ودي تشيل الطويق كاننك احرزة تراك لاشلته خشنك اسباعه ماكان بالماضي وقفت وتلعوزة يامدعي بالمعرفه والشجاعه لو انت انا في موقفك ماتنفرزة ولاضاق في الكون رغم اتساعه هذي هيا الدنياء لياجزت وان بزة منت برسول الله لزوم اتباعه غازي مغيران الزغيبي |
والله ماغنيت من شي اعاني
لاناقصن جمعه ولاناقص فلوس يابن سويلم ياعريب المجاني ظلعن يذري كل ماجا الهو كوس تطري عليه لاطرولي خواني لاصار عندي من عناالوقت حسوس انته ليا مس الحقب والبطاني نبراس فلفزعات في كل ناموس يدوم عزك ياسهيل اليماني بالماقف الغصاب ومصامخ الروس اهديك شكر وفايق الامتناني سباق ماتسبق على كل ناموس يامزبن الي ينتخي بالعواني من مست الحاجه وهو تقل مظروس مدام سدي مانطقبه الساني خله بوسط القلب له عام محبوس يقفي ويقبل بين عوج المحاني تقول مجرم حرب ساجنته الروس كان البري مضلوم ماهو مداني الحي ياخذ من تجاريبه ادروس في جاه من نزل بسبع المثاني عبره تعالج نفذها كل منفوس اتحل كربة من جداه التماني وضعه دخلبه كيد والكيد فيروس ابليس مع عسر الدروب يحداني مافيه ريس غير تلقاه مريوس لاكن صبرك زين يامودماني عسى الفرج ياتيله اطروش وعسوس العمر مهما كان لابد فاني لابد من قبرا" نثيله تقل قوس تم الكلام الي بسوطه معاني من مصدرا"صدره معاجم وقاموس شي"يبيله بالغه ترجماني العقرب الي لبسة ريش طاءوس كدجابها عد الروا من زماني بدر الحويفي لتماثيل سايوس عسى مقره وسط خضر جناني ياميبس المخضر ويامخضر يبوس "#غازي_الزغيبي |
يالي تناضر في شكلك مشبه.
من خلقتي بالمعرفة ماتجاهل . حتى ولوماله بقلبي محبه ماينقل الزوم الخفي غير جاهل والكره ماهو زين مندون سبه حكم المظاهر غير حكمالمناهل . الرجل ودك بالامور يتنبه. امزح وفي قدر البشر لاتساهل #غازي مغيران الزغيبي |
جاني قعودن عارفينن عموقه
من منسب زمولن عليهاالكلامي . هدية الرقعي وطابت وفوقه انااعتبرها من رفيقي وسامي امه تميز فرقها بين نوقه وبوه يفرق في بناته الشمامي . مدة مزينين مخلاءطروقه لاعدو اسمه من كبارالاسامي من صالح الرقعي مجاذب عروقه محنكه لين اعتلا بسنامي ابوه راعي عرف يمدح بذوقه مفراص ماص من الرياجيل سامي. هيبة غضنفر ماتساوم حقوقه عقل وثقل للمعضلات ونضامي يشهد بماقلته رجالن صدوقه ووثق امداحي بصمة بهامي الصرف جنيه من الذهب وسط سوقه وجنب الي ماتليق بمقامي من خلقة ادم والضنون مخلوقه. حتى الحرامي يحسبنك حرامي و محمد الصالح مساعي اوفوقه اناشهدنه للموافق حزامي غازي مغيران الزغيبي |
ياهل البيوت موسعين المحاريف
لو كان مدري وش يسما لحنها الجود دوره يوم قل المصاريف يوم ن كرمتها كليفن ثمنها يوم ن بن ناحل يحذ الملاهيف حذيته حره تخب برسنها ولازمان اليوم ماضوعه امخيف وقت به الرديان تامر وتنها في ضل حكامن تروي شبا السيف ال السعود مئنت من زبنها في ضلها من حد عرعر اليا طريف لقصى الخبر والي شمالي يمنها بيت الكرم معروف من دون تعريف والناس من كثر البشع لاتمنها عفنا المديح الي مساعيه تشريف من بعد ناسن ضايعن متزنها لولا الحيا ودرا المناقيد والحيف لاقول للي مشلحه ماخبنها المجد له رواد ماهي تصانيف يوم السنين اعجاف وين انت عنها ماقولها عندي بالامثال تهديف حتى تدور الدايره في جهنها غازي مغيران الزغيبي |
(($$$حفل الفرحان))
تعنيت من داري لداعي عيال سنيد اكمل حقوقا"للبناخي على خاله امثل ابو عزام واقول ثم أعيد ولاقول قولن راعي الحفل ما قاله ارحب بحفل" اليلته مثل لليل العيد نيابه عن الفرحان في كل من جاله هلا مرحبا ما يخضر العشب فوق البيد بعد سالت الوديان من صادق الحاله هلا مرحبا ترحيب ضافي بلا تحديد يعم الحضور إلى بهم كضت الصاله اعم الجميع بلا تخصص ولا تفنيد وكلن مقدر في مسيره وترحاله نيابه عن الفرحان والعلم له تأكيد هل المجد والتاريخ والعز وطاله سلالة شجيع قامته قامت الصنديد طويل الذراع الي تعود على طاله ليا عدة الفرسان بيام دور عبيد ابن صقر ظرسن"ينحره راعي القاله حصانن مجاذيبه نزيهه من التنشيد يحالي للضلع الطويق كان اعترض جاله وعقب رجال"برزانه طوارف حيد بهم كل رجل"حافظن قدر منزاله هل الطيب والمعروف والسلم والتوحيد وحسن الجوار وكل مخلوق بأعماله وقبل نهاية ياهل الحفل با تحديد ابارك لفارسنا يعل السعد فاله والا ياقبايل عوف يلي لكم تمجيد حزام الضفر لاشلهب لوقت برجاله كبار الحضوض بكل وقفه مداها يزيد رجال الكرم لاغوبر العفن في ماله لهم بالكرم سيره كماسيرة ابن مهيد وفي نفضة الخفاق في مقدم الهاله بهم من دروع الحرب لاضنبع الرعديد ليادق زير الحرب ثم جتك من هاله مثل ماوقع لترك بالحرب وتصعيد من جموع ابن موقد هاكا اليوم ببطاله ودور الهيبي فالمراجل تراه يسيد ليا جا من الاخصام مزعوج"إرساله كمن البطل لافي وفيه الرجال تشيد خصيمه من الشعار مشروب فنجاله وهو في زمانن لامسجل ولاتقييد ولازال باقي تحفظ الناس بقواله وغيره من الأعيان واجد ابلا تعديد ونرجا السموحه واختم البيت بقفاله علي القصيد الي منقا من التنقيد مدام البثوث بعالم الشعر شغاله حاولة تنقى وتجنب عن التقليد اهذب مجال الحرف ودل مدخاله وتمت وصلى الله على الهادئ الوحيد محمد رسول الله وصحبه وثم اله غازي مغيران الزغيبي |
الساعة الآن 12:35 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir