سلام تسليم سما بالطيب للاجواد رده =قن الوفا لاهل النقا طيب وصفا فواح ورده
نحرص على رفقة هل الطالات والطيب نمده=والوقت هذا نادر اللي مثلكم بين الرجال
عجيب يا وقت نعيشه كيف راح الطيب ضده=ولد الحموله لابس الكابات والشامه فخده
لو تسأله عن سابق التاريخ ما يرويك عده =هد البنا اللي شيدوه اهله وبيت العز مال

يامرحبا واللي يمد الطيب يجزي طيب قده =مد الوفا منا ومنكم والمسيره مستمده
وحنا لك الله مثلكم نحرص وكل دون حده =وانتم رجال العرف والطالات ورجال الكمال
الوقت داير والاصيل يموت ما ينباح سده =الجيد اللي ما يسيب طبع ابوه وطبع جده
وقال المثل كل يجي ممشاه مع حي يوده =واللي يهد البني لا مكسب ولا هو راس مال

ســلام مـنـي لـكـم يـاكــرام=وعند الاطبا نبا التحليل
دكـتـورنـا بنسيرالاقـــلام=باللـي نعانـي مـع التفصيـل
يا مرحبا يارجال حشام = عد المطر من خيال مخيل
هات الخبر وانشر الاعلام = حتي معك نبتدي فالقيل
عسي البقا وطابت الايام=ياهل المعاني لكم تبجيل
البحر موجه علينا زام=بعد الصداقه علينا يميل
البحر ما يحـرج العـوام=يقيس عمق البحر بالميـل
قـدام لايسيـر الاقـدام=يحسب وموج البحور مهيل
الجو باقـي بعـد ماغـام=والبحر هادي ويغري الجيل
لكن وسط المـزون اركـام=اغضب علينا البحر تنكيـل
لاراق جوك من الاعسام=تغانمه في قطوف الهيل
البحر موجه خطير وهام=ليا غضب صار كله ويل

سلام ولولا السواير كان = تسليمنا الآه والونه
والحرف من خاطري بركان=والقلب كيف الغضى كنه

ترحيب ساير على الأقنان=ياقاطف الحرف من فنه
بين لنا خافي الأشجان=وميز لنا المد والغنه

عسى البقا بالرضى شامان=شفت الثمر مايل بغصنه
من بعدها زالت الألوان=والدمع همال من مزنه

اللي تبع نظرة الأعيان=لابد ترميه في حزونه
طيف عبر في سماك وكان=يكفيك ما شفت من حسنه

طيف عبر عقب الحرمان=المشكلة حسنهم طعنه
من إثرها غي لحون الدان=آهات قاف الترح لحنه

لاترمي النفس فالأحزان=واعقد بعد حربها هدنه
والحزن نغمة من الوجدان=كل من سمع شنفت أذنه

ماعاد ينفع كفا يافلان=ميزاننا منجضع وزنه
طرفه رماني وأنا سهيان=ياليت في نارهم جنه

إن كان في ودهم بلشان =أسرع وكون لهم لجنه
تعدل بها كفت الميزان=وتاخذ حقوقك من السنه

من بعد شفنا الطبيب انقول=سلام دكتور حالتنا
شفت الضبا فالبلد معزول=والخوف صيده نهايتنا

يامرحبا والحديث ايطول=ومعناك غاية سعادتنا
أصحى لها في حماها اتجول=وتسير بلوتك بلوتنا