ملتقى قبيلة حرب الرسمي - ( لاتنشِد السّهران وشفيك سهران )

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - ( لاتنشِد السّهران وشفيك سهران ) (http://www.m-harb.net/vb/showthread.php?t=157498)

( لاتنشِد السّهران وشفيك سهران )

أرقى بذوقك خلّي الفاظك الحان
لاتِنسبق بالطّيّبة ياعُكاشة
لاتنشِد السّهران وشفيك سهران
لو كان جاه النّوم راح لفراشه
تراك يوم تلومه تكون غلطان
يمكن يجيك الرّد يحمل دفاشة
أحيان قِل النّوم من ضيق وجدان
وتفكير فالحسرة وزود إندهاشة
ومايجُرّ ونّه غير من كان سقمان
ويزداد سُقمه فيه لنكان ناشه
ولّا سليم الجسم بيعيش سلطان
واللي قليل اهموم محسوب باشه
واللي ضناه الشّوق في غُلب وأشجان
مايحسب اللي ينفعه من معاشه
ومن فارق الغالين مأسور باحزان
يخفي دموعه دافعه قو جاشه
جُند السّهر واجد لها سيف واحصان
ماتخسر فميدانها ياعُكاشة

الشّاعر/ خالد بن عبيد بن معتوق الأحمدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك
مبدع متميز

صح السانك وعتلاشانك
قصيده رايعه وجزله

صح الله لسانك
ولاهنت
وسلم فكرك وبنانك
دمت برعاية الله وحفظة