اليوم الوطني
بسم الله الرحمن الرحيم
السلام عليكم ورحمة الله وبركاته اليوم الوطني 89 يومنا يوم الوطن ذكرى سعيده.. اتحد شعب الوطن باسم السعودي.. وحده عبدالعزير وصار عيده.. نحتفل به كلما جانا يعودي.. للموسس فضل ماينضب رصيده.. كل خلق الله على فضله شهودي. لانضرت الدار والحال الرغيده.. ندعي له بالركوع وبالسجودي.. ياعسى الجنه لابوتركي وعيده.. يلتقيها لاصحا بعد الرقودي.. واستلمها من لهم سيره حميده.. ابذلو من شانها حسن الجهودي.. اربعه والخامس مامثله فقيده.. اعتلو بالمجد وعلوها سنودي.. يالله يالي كل خلاقه عبيده.. رحمتك لملوكنا يامن تجودي.. وعند سلمان الحزم وصلت وكيده.. واستلمها ياعسى عمره يزودي.. حاكمن معروف وافعاله مديده.. تشبه الهتان بلا برق ورعودي.. وللولايه حط رجالن وليده.. محمد السلمان والفعل محمودي.. اشهد انه للعداء نارن وقيده.. يحرق الي ناوين مس الحدودي.. يرفع الي ماشين فالدرب سيده.. ومن يتيه الدرب ذوقه النكودي راعي نضره ثاقبه واريا سديده.. للحكم لايق ولامثله يسودي.. ارتضينا الحكم ولاغيره نريده.. الولاء منا لكم يال سعودي.. ماتغيره السنين الي عديده .. وارثينه ورث من عصر الجدودي.. نحمد الله دارنا دارن فريده.. الرخاء والامن مابنقص يزودي.. كلبونا ربع واصحاب وبديده.. في جبل سكان والا بالنفودي.. ديننا الاسلام ولاغيره عقيده.. مايمس وباقين فينا زنودي.. واخر قولي مابدينا به نعيده. رددو ماقلت ياحلو الردودي.. يومنا يوم الوطن ذكراء سعيده.. اتحد شعب الوطن باسم السعودي.. عبدالله هليل الحربي |
يومنا يوم الوطن ذكراء سعيده..
اتحد شعب الوطن باسم السعودي.. ايو الله ذكرى سعيدة وطن خير وشعب خير وحكام اخيار والله لايغير علينا الا للافضل صح لسانك لاهنت ونص جميل ولاجمل انه في الوطن ربي يحفظ وطنا وحكامنا وجنودنا ومشايخنا وشعبنا من كل مكروه اللهم لك الحمد حتى ترضى ولك الحمد اذا رضيت ولك الحمد بعد الرضا |
صح بدنك لاهنتي
مرورك الاجمل والاغلى شاعرتنا كحيلة حرب |
صح السانك ابو هليل على الجزالة والابداع
|
صح بدنك لاهنت
ماعليك زود يافايز |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
وعليكم السلام ورحمة الله وبركاته صح لسانك الله يعطيك العافيه. |
الحب الباقي
صح بدنك لاهنت |
شموخ السلاطين
صح بدنك لاهنت |
صح لسانك ابداع
والوطن يستاهل |
الساعة الآن 06:13 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir