ملتقى قبيلة حرب الرسمي - شاعر حرب ... و ... راضي الرشيدي

الليل و الشعار و الصف معنا = ياساعة الرحمن يوم اجتمعنا
و أن زانت النية شرينا و بعنا=و الهدف معروف و الساري سرى
ألا ياكثركم ياحضرة الشعار= يجي عشرين هذا يدحم الثاني
اللي يقوم يقوم من غار اخصه= يمكن نحصل شر و أعطيه نصه
أهم شئ يقوم فوق المنصه=هذا الصحيح و كلمة الحق تنقال
بغيت اقدح شراره ثم أولع نار=و خفت يشوفني هدهد سليماني
الليل هذا كله افراح و سرور= و الله جمع مابين صفٍ و جمهور
مير اسمعوا من شاعرٍ لحقه الدور=و الهدف معروف و الساري سرى
صحيح إنا كثار و باللزوم كثار= و كانك ضقت دورني و تلقاني
ياراشد العب و أدفع الشر بالخير= من شانها ترضى عليك الجماهير
العب و انا العب لعب حشمة و تقدير=و الهدف معروف و الساري سرى
تشب النار مار أقول ياستار=عسى ماشر وش علمك تحداني
ياراضي أنتم لارضيتم رضينا =يالله لعل الخار منا و فينا
اصبر يالين يديك تاصل يدينا=و الهدف معروف و الساري سرى
لعل الله يقدركم على المسيار= و شيخ القوم لاجيته و لاجاني
أن كان جاك خلاف ماهو بودي= هذا نظام الملعبةو التحدي
و أن قلت و أنما قلت ماباح سدي=و الهدف معروف و الساري سرى
أنا ماشفت حاجه تلفت الانظار= ماغير المشكله مابين الاخواني
ياراشد الله يرشدك لاتجي هيك= حاول تخفف سرعتك و أمسك بريك
و أن طعت شوري لاتعشق تماتيك=و الهدف معروف و الساري سرى
اجيك الصبح ثم اكتب لك التذكار=و أجازي راعي الاحسان بإحساني
اسلم و سلملي على الشيخ صياف= خله يجي لاجيت في كل ميقاف
لو أنت طيب ماعلى مثلك خلاف=و الهدف معروف و الساري سرى
مادام أنك شمام اتجهز الاعذار= قنعت بعذرك اللي جاني أكفاني
لا و الله إلا صرت سواق شامي= حتى الكلام بتسرقه يالحرامي
إرجع لدرب الحق و اسمع كلامي=و الهدف معروف و الساري سرى
نهار الهوش اخار البس و إلا الفار= و أنا و اياك لاهذا و لاذاني