ملتقى قبيلة حرب الرسمي - البنز والاودي؟.................سالف وقصيدة......................................

العيد يجمع الاقراب ويطيب في العيد المجلس وهناك مجلس خاص يبغى من يقتحمه
على اصحابه ويتحدث معهم بمستوا تفكيرهم لكن على من يحاول اقتحامه ان يكون
حاضر لااي سوال مفاجئي ولاهو بالحسبان إنه مجلس الاطفال
الي حصل اني اقتحمت عالمهم وجلست معاهم بدر وعبد العزيز فيصل
وزيد وسولفت معاهم وجاني سوال ماهو بالحسبان ابد
اقترب فيصل وقال عمه وش افضل سيارة عندك؟؟ ام النكبة لكني خرجت سالمه قلت
انت قلي وش تفضل من السيارات قال على طول نمبر قيني وانت يابدرقال فيراري
وعبد العزيز قال بورش قلت وانت يازيد وكان في اخر المجلس قالو كلهم هذا بدوي
يحب الشاص؟ قلت له ليش طيب قال حتى اقنص عليه!! في نفسي قلت هذا يبغاله رقابة
مشددة وعطوني شرح كامل ومفصل عن انواع السيارات
ومميزاتها المهم الحديث طويل مع هالشبال الله يحفظهم ومن هالموقف
جت هذه الابيات بعد التنبيه عليهم ان اللي يبغى يحقق امنيته عليه ان يرضي والدينه و يشد حيله
ويكمل تعليمه مع ان صاحب الشاص اشغل تفكيري اكثر وعلى حسب مافهمت رشحت سيارتين بحق اعجبني.

http://i.dbzstatic.com/images/user_i..._CP_photo.jpeg
البنز

http://forums.al5oon.com/imgcache/2/1269al5oon.jpg

الاودي.

مافـــاز بالـزين غــير الـــبنز والاودي
واللي بعـــدهن عــلامــاتٍ تــجــــاريه
خذن وسـام المزين دون مجـهـــــودي
في داخـل الـسير يــوحــن بالـرفاهــيه
ولا ركبهن فقيــــر وكل عــــربـــودي
مانسبٍ غير من عقــــله نســــي غيه
اللي حسابه ثمان اصــــفارويـــزودي
واللي له التاج والنجـــمـــات مــاريه
ماعاش فـي دنيته صــايع ومقـرودي
ولاضيع الــعمر في ســـــهرات ليـليه
من صغــرسنه جليس رجال والعودي
ماقال له قال ســم بصــــافـــي النيه
رباه عودِ دلال وعــــــود كــــمبـودي
في ماجلسه لالنشاما كل عــصــــريه
وامه سليلة كرام وعرقـها سـعــودي
ابِ وجدٍ ســليــلــة مــجــــد حـــربيه
كانت تناديه فــي صــغره بعــــبودي
ماشـــالتـــه خــادمة لو هـي ثيوبيه
تشــيلــه امٍ كســـاها ليــل مرجودي
يلعــب بخصـلـة شعـرها بكــل حنيه
واليوم في برها حاضر وموجـودي
دايـــم يقبـــل يــديــها كـل فــجـريه
رضو عنه والديه وطـــاع معبودي
يــطيـــع ربــه بســره والعــــلانيه
مثله رع العلم والايمان مـوعودي
بالخير فــي دنـيتـــه والاخـرة زيه
ومافاز بالزين غيـرالبنز .والاودي
واللي بعــدهــن عــلاماتٍ تجـاريه

وكل عام والجميع بخير والله يحقق الك حي امُنيته.

http://mercedes-benz-sel.montada.har...dbc8c1d3a8.jpg

http://forums.al5oon.com/imgcache/2/1268al5oon.jpg

http://forums.al5oon.com/imgcache/2/1266al5oon.jpg