لحن مع الشاعر حمد جعفر الشيخ
 

خليفه المزروعي
إصبر وكل الهموم إتزاح
أكيد في يوم منزاحه
لابد بعد التعب ترتاح
لجل التعب سابق الراحه

حمد الشيخ
قيل الصبر للفرج مفتاح
والباب يفتح بمفتاحه
وانا انتظر والأمل ماراح
واصفق براحه على راحه
خليفه المزروعي

طبك وصبرك على الأجراح
ينجيك من فك جراحه
من راس مالك تجيك ارباح
والرجل يسعد من أرباحه

حمد الشيخ

ان كان جرحك من الجراح
وجارحك ماضمد جراحه
بين لي الحل والايضاح
ان كان مايغمض ايضاحه

خليفه المزروع

يحتاج لعيادته مرواح
إيوجه يقبل إنصاحه
حتى ميرجع عليه إقراح
وقروح الأجراح ذباحه
حمد جعفر
حياتنا ياخليفه كفاح
والكل ماجور فكفاحه
وياسرع برق الحيا مالاح
ومخيله تمت افراحه
خليفه المزروعي
ياما كسبنا وياما راح
واماني الخلق سباحه
إن جيت للجد دون أمزاح
أمارة السؤ جماحه
يامالك الكون وألارواح
ياأللي لك الخلق كداحه
سجد وركع مسا وأصباح
بأعضاء ونفوس نواحه
يارب يافالق الأصباح
رحمتك لاذنب مساحه

لحن جميل
صحت الالسن وبيض الله وجيهكم

صح الله السنتكم
ابداااع
لاغرابة