لن جات زله من حبيب=خلك جمل للحمل شيال
وحذراك لاتجرح اقريب=وأنته لربعك ستر واظلال

كل مانتهى جرح حطو جرح=وأنا تبهذلت بجروحي
وليا تكلمت قالو مزح=والحقد مخلوط بمزوحي

تنصح عن الشي وتسويه=كيف البشر منك تستقبل
ابعد عن الطيب لاتطريه=وأنته عن الطيب مستبدل

طبعي وفي ولصداقه ضل=يحمي صديقي من الشمسي
ولن جات زله عساها اتزل=مارد عشري لها خمسي

لاتلوم نفسك ولاتنجن=ان كان خصمك أخذ حقه
سن اللبن ينقلع من سن=ذي حكمة الله في خلقه

الله فزعلي بذكراكم=هي بلسمي لشتكينا فرق
لي قلب محال ينساكم=لجله غرق فالموده غرق

تدري وشلي في شرياني=من بعد ماحللولي دم
ودك سبب كل ماجاني=اسقيتني فالموده سم

خليفة المزروعي=
سلام مثل الذهب اصلي=مايختلف لو يطول الوقت
من طيب من ود من عدلي=يكتب لكم في وسايل نت
خضر الفارسي=
يامرحبا للذهب نغلي = وأنا على كلمتي لا قلت
استاذ فالمدرسة قبلي = هون على طالبك لا هنت
خليفة المزروعي=
تبقون ياشامخ الفعلي=مثل القمر فالفضاء لابنت
مازود عنكم ولو ملي=سطرك موازي لما سطرت
خضر الفارسي=
الطين ميلاكم الجبلي=وحتى ألأحد مايعود سبت
هذي حقيقة بتكتب لي = والكل يشهد على ما جبت
خليفة المزروعي=
بعد الرسم يطلع الشكلي=ومعناي يبدا بعد سلمت
كل شي من حولنا يغلي=واهل العقل لا زمين الصمت
خضر الفارسي=
ماني على قدوتي بملي = فهم الحقائق خطا لاحظت
أول وتالي أنا بعلي = وراجع كلامي بعد سولفت
خليفة المزروعي=
رحتو عن الخط بالكلي=وأنته في أيت جهه وجهت
ماني مع البحر متسلي=ابغى الجواهر لمني عمت
وكانك على الخاص ترسلي=جوالكم قلت ماقصرت
خوتك بالحيل تحسبلي=وان ظفتني قلتلك شرفت

لاتلومنا كان قفينا =انظر في حالك وماسويت
ياما من الطيب سوينا=ياحي جسمك وقلبك ميت

لاتقول الأيام غداره=الغدر فعل البشر فالكون
النفس بالسو اماره=اخذ المثل كان ماتدرون

من لايعبر حقوق الناس=ويوفي مع الناس مكياله
يجلس مابين الرجاء واليأس=مصيبته في ردا حاله

لايا برادي هجير الصيف=ودفاي في شدة الشتوي
ولشمسها لي ضل وقيف=وعند الضماء عدنا المروي

غصب على انفك اطيعه =اللي على الحق والسنه
يامدعي للحكم بيعه=والحقد في صدرك اتكنه
هذا انت يامذهب الشيعه=دين العدل مبتعد عنه
الخبث فالمنبر اتذيعه=ومرجعك كل ألأثم منه
وأليوم فالرأس تصديعه=والرافضي منحرق بنه
وفالسجن جلسه وتكويعه=وفي خلوته تصحبه جنه

حاولت افهمك بس الكبر= معميك يالصاحب الغالي
كيف العسل في مقابل صبر=وأنزل لكم وأنت متعالي

بالعمر مرت بنا جولات=والناس كلن على قدره
أخذت مشوار فالقلطات=وأخذت فالنظم وألكسره
وفالنايفه سالم الميلات=حربي لكم مختلف سطره
وإن شفت فالمسأله لفات=من خصم اقدر على كسره
ارجعه شايل ألأهات=مجبور يبدي لنا عذره
ولا أحذفه قاصي الحذفات=حذفت قلم منتهي حبره

ماني مسامحك بالمره=مابيننا يحكم الجبار
اسقيتني فالهواء مره=ولحقت ناري عليه نار

اسف وطيب عسى ماباس=قلي على بنك يصرفها
من كثرها فاقد الإحساس=والمرجله منت عارفها

حمدجعفر الشيخ=
ليت المحبه لها تحليل=ويبين فالقلب نسبتها
وتعرف الجد والتمثيل=لامن طلعت نتجيتها
خليفه المزروعي=
عند الموادع لهاتفصيل=لاهلت العين عبرتها
ويوم اللقا عبرة التهليل=تحليل يثبت غلاوتها

روح رجب وأنتهاء شعبان=وأقبل شهر خير مع رحمه
وكل مسلم ترا كسبان=راع العقل يأخذه قسمه
فألأوله يضرب الحسبان=في طاعته يبذل الهمه
ايقوم ليله مع القرأن=ويبعد عن القيل والنمه
وقت الفطر لايجي شبعان=وابليس يأخذه بالعسمه
عليه بالثلث والثلثان=يترك لها الشرب والنسمه
ومنهو شبع فالعمل كسلان=هيهات ماياصل القمه
هاذي نصيحه لكم يخوان=من واجبي وابري الذمه

لاباس لاباس يابشار=كل ماتجبر قرب يومك
يامتبع ملة الكفار=وأهلكت بسلاحهم قومك
محال ماتنكس ألأحرار=كذاب لو كبرت أعلومك
فالنار ياللي تشب النار=بتموت متحقق احلومك
شرير مع زمرة ألأشرار=وفالخير يامبرد أعزومك
ياللأسف شلت كل العار=على الجثث تبتدي صومك
لابد لو طالت ألأعمار=يلزمك من كان ملزومك
لك رب يامفتري جبار=في يوم تجمع مع اخصومك

من يبني الطيب فاللي غلس=لو جود الساس مايعمر
سوات منه غرسله غرس=حصاده الشوك مايثمر

ماهو كذا كل عام بخير= اتقال وانته على الطاير
أخلفتو القن والتقدير=وخربتلك فالبلد ساير

دنياك ماشي بها عملاق=مهما اعتلت مابها قمه
لو حققتلك من الأشواق=كم فرقت من بعد لمه

سعادتي كل ماشوفك=وكل النكد لانويت اتروح
شوف حالتي واترك اضروفك=وأكسب اجر فالذي مجروح

ملعوب ياغلوتي ملعوب=ملعوبكم فاق ملعوبي
بس الحقيقه كسبت اذنوب=وبذنوبكم سالم اذنوبي

هذا قفايه بعد قفيت=اقفيت وانا بعد مقفي
منهو يخلط السمن بالزيت=غشاش مايستحق ولفي

عطية الله القريقري=
يصحابنا الود وش أخباره ؟= عيت معي تصدق الأخبار
ناسً على المر صباره= وناسً تصالي لهيب النار
خليفة المزروعي=
الود من يحمل امراره=حلاوته تعقب ألأمرار
مثل البحر تصعب اسراره=وجواهره للذي بحار

وقفت عنده في موقف صعب=كلي حيا والغضي حشمه
بغيت اقله بما فالقلب=صعبت علي انطق الكلمه

تسأل عن الليل مافي شي= ولحالتي خللي بالك
انته معايه شعاع وضي=ومن دونكم صرمدي حالك

ماجد ابو مديده=
تستاهِل المدح والتكريم=يامنتهى الذوق تستاهِل
الدرع من لجنة التحكيم=ماياخذُه حي بالساهِل
خليفة المزروعي=
للأن في مصرح التعليم=واناأعتبر للمثل ناهل
في منتدى محسن التنظيم=ماهو عن الظيف متجاهل
ماجد ابو مديده=
كلآ بطيب المقام يقيم=والضيف للمنتدى عاهِل
وإن قلتلك سين قُلي جيم=لاتسير فالرد متساهِل
خليفة المزروعي=
إجابتي مابها تعتيم=وذي عقل لاتحسبه جاهل
وينك بعد جالك الترسيم=والحمل صلب على الكاهل

خليفه المزروعي=
قلبـــــي محصـــن ولـه لدار=لدار يحمــــي اتجاهاتـــــــه
جتنـــــي موده لها طيـــــار=طيار يحســــــن ملفا تـــــه
وصاب الهدف ثم شب النار=ودمّر علـــــيه دفاعاتـــــــه
واصبحت في حالتي محــتار=والقلب يشـــــكي معاناتــــه
الرد حمد الشيخ=
غرتك صفارة الإنــــــــــذار=تعطلت وقــــت هجمـــــاته
وسهم الموده لونه اســـتار=قلبك من الصلب صفــحاته
ايدمره والهوى غــــــــدار=ا كم اغرقت ناس موجاته
وذي ميزة الود ياشـــــطار=حلاوته في مرا را تــــــــه

خليفه =
لو للهوي فالحكم تسريح =بذلت كل اجتهاداتي
واللي بليبه سوات الريح =ومن يحمل الصرصر العاتي
بدر=
هو الهوى عادته تجريح =ما يسلم مود لوعاتي
فكر وقرر قرار مريح =منك الحسم فالبداياتي
خليفه =
قدام الوح لهم تلويح =اخذت كل احتياطاتي
القلب من دونه التسليح =لكن خابت دفاعاتي
بدر=
ان شفت فالمسئله تلميح =بتصيب لك بعض هقواتي
اعزم على الامر بالتصريح =وابد في رسم العلاقاتي
خليفه =
راكب شفر والوكيل جميح =ويقطع جميع الاشاراتي
عتمه وظلمه بلا توضيح =وخطوط فيها ملفاتي
بدرالشيخ=
اللي دخل فالهوي لا يصيح =لا يقول زادت صعوباتي
يواصل اللعب للترجيح =وينال كاس البطولاتي
خليفه =
جمحت ما ينفع التجميح =وصبرت زادت معاناتي
واظن ما فالهوى تفليح =ليت الهوى يروح ما ياتي
بدرالشيخ=
راجع لك الامر فالترشيح =لن كان تبغى النهاياتي
ان شفت في ختامها تصحيح = اطوي جميع السجلاتي
خليفه=
تبغى الحقيقه كلام مريح =مالي ومال الطويلاتي .
ارشيفنا مبرحه تبريح =اشيل كل الملفاتي
بدرالشيخ=
ترتاح انته منه وتريح .=كن الذي فات ما فاتي .
لاجل الهوى اكثره تمليح .=فرقه وحرقه وحسراتي .

خليفة المزروعي=
خليص بعدك بدون انوار=منهو ينور لياليها
تشكي على الخالق الجبار=ياللي مروح مخليها
الشيخ عطالله الغانمي=
ياخوي ماتعلم الاسرار=لاتضلم الروح تبليها
حنىعلى كيفنا احرار=مضنون عيني يباريها
خليفه=
من السفاره يجيك انذار=المملكه كب طاريها
ودياركم بدلت بديار=والسلطنه خلكم فيها
عطالله=
من وين صدرتو الاقرار=وحكامكم من قا ضيها
من كب داره عديم الشار=منشان عنق الظبا فيها
خليفه=
ديرتك من حقها المعذار=تشكي وبعدك معنيها
وابها ترا تكرم الزوار=لاكنكم مانت باغيها
عطالله=
مخبر عليه امر صدار=افكاره الروح قديها
عندي جوازي عليه امهار=امهار مكة وضواحيها
خليفه=
خل السواليف والانكار=لاازيدها في بلاويها
ترا العذر يرفع الاضرار=زله وعذرك يداويها

خليفة المزروعي=
جميل قلبي نصوه اثنين=وبعيونهم وجهو صوبه
واصبحت مابينهم مابين=وشحيلتي كان قفوبــه
جميل حمزه الصبحي=
احسب حساب الموده زين=ولاتـحـرم الـقـلـب مطـلـوبـه
واياك تلعـب علـى الحبليـن=وتمـاشـي الـكـل باسلـوبـه
خليفة المزروعي=
ماهو بكيفي اقول منين=واهل الهوا دوم مغلوبــه
هذاك حاجب وهذا عين=وكل الخطى لي محسوبه
جميل حمزة الصبحي=
مادام عينك على النهرين=وكلن تبي تذوق مشروبه
القلب مايحتمل شخصين=مايسكـنـه غـيـر محبـوبـه

سالم الغانمي=
قالوا أمير المشاعر قلت= يا مرحبا ياهلا مني
لا هنت يا حبيبي لا هنت= ابرز هويتك يالفني
امير المشاعر=
عسى البقى بااللذي لابنت=في شاشت النت تعجبني
والضيف لاتسأله من انت=يا راعي الهيل والبـــني
سالم الغانمي=
يا مخفي الأسم لو حاولت = في شاشة النت قابلني
أما تخوض البحر لا عمت = ولأ طعامي تحت سني
امير المشاعر=
عزي لحالك بعد ماقمت =تبغى بعلمي تعلمني
انا المعلم وانا علمــــــت=وبسن واحد بتا كلني
سالم الغانمي=
لي مستوى فوق مافكرت = ورطن مع الأنس والجني
وعنكم غني يا كبير البخت = مادامت أنك غني عني

خليفة المزروعي=
لي قلب كله لكم سينات=وجيماتها كلها عندك
أما تجواب لنا بثبات=ولا تظلي على عندك
حوا=
سيناتكم خارج الخانات=وفي بنودنا مايجي بندك
ونصحي لكم وجه النظرات=للي لهم فن من فنك
خليفة المزروعي=
الحق مايقبل الميلات=شاري حكم وأعترض صنك
هو كره ولا لكم لدات=افيد ني وأبتعد عنك
حوا=
فالحق مانقبل الزلات=ومن يمنا صلحه ضنك
لك ود مايقبل الشكات=وغيري معك شاربه بنك
خليفة المزروعي=
راع الوفاء راعي الطالات=وضني بكم لااختلف منك
لي ود خلك من اللفات=وارجع لنا وتركو جنك
حوا=
أنصحك لاتبني الهقوات=وطنين مايحتمل طنك
بعض المعاني لها شدات=وفي شارتي خلك محنك
خليفة المزروعي=
يعني كذا نطوي الطيات=وأقول للقلب ماجنك
ومن يمكم نقصر الطلعات=وكنك مع الناس ماكنك
حوا=
مدام من ربنا قسمات=نرضى بالقسام لجلنك
يالعبد في قسمته هيهات=لاتقول الأقسام مرضنك

خليفة المزروعي=
سلام يضفي على شرواك=مثل الحيا من بعد مده
زلال يرويك من مضماك=وسنين يقعد لكم عده
محمد سعد اليوبي=
يا مرحبا مثل ما يمناك=خطت لنا وأثني الردة
من قلب يهفو إلى رؤياك=أنت والأحباب في جدة
خليفة المزروعي=
تبقون ياحر في مثباك=على الوفاء فارش السده
ولاهي غريبه على محياك=حسن القبل والجزل مده
محمد سعد اليوبي=
الآن ودي بخمسة أسلاك=مولفة وجنبها العدة
حتى نميل عويد الراك=اللي نسي في الهوى وده
خليفة المزروعي=
ودك بس الحال مايزهاك=بلشتك هجمات مرتده
ماهقوتي للعلوم أمداك=شدتك ياصاحبي شده
محمد سعد اليوبي=
ما أخطيت والصدق في معناك=والصدق من يقدر يرده
لكن أبا أسألك وش دراك=من الذي باح لك سده
خليفة المزروعي=
في أسراك ياصاحبي فسراك=وماتشتكي منه لي بده
دارجتكم ونعرف مخفاك=ودربيلنا من ورى الصده
محمد سعد =
عن الهوى قافل الشباك=ما عاد لي فالهوى لده
لكن تراجعت لاجل رضاك=من شفه الطيب ما اصده
خليفة المزروعي=
هذا الدوا لاشكيتو داك=يكفي من الهم والكده
ريح وخلك على متكاك=والقلب عن لفته حده

حسب البذر تطلع الزرعه=وماتزرعه يالبنادم لك
اما بذر يسعدك طلعه = ولا نشب ويتلوا بك

لساعكم فالكبر والصد=واضنها هي سجيتكم
موروثكم من خوال وجد=تقعد بها لامنيتكم

شاقول ياصاحبي شحكي=وكثر الحكا ماجلب غايه
تعبت من كثر ماأشكي=وأنته تسلى فشكوايه