اللي يهقون الرجل باخذ ثاره=يقبله الخصم العنيف ويهيبي
السلام عليكم ورحمة الله وبركاتة اخواني اعضاء ومرتادي ملتقى حرب اليكم هذة القصيدة وهي مجاراة لقصيدة الشاعر علي الحصني التي هي بعنوان ( العرف والمعروف
يقو ل من بالبيت حلل وزاره=طايف على البيت العتيق الرحيبي وانكف لداره في توالي نهاره=من بطن مكه متجه للخشيبي واسترسل الهاجس ووجه بداره=ثم جابني عشق القصيد يعديبي للحادث التالي مصدر قراره=قدمه تحضر السارحه والعزيبي حضرن للي كم لهن ياخو ساره=غابن وجني جية(ن) من نصيبي اللي يهقون الرجل باخذ ثاره=يقبله الخصم العنيف ويهيبي ياعلي قلت وا للا شرواك باره=شكلك غريب وكل وضعك عجيبي اخذت من شعرك اسلوب الجساره=واخذت منك مناضره مع صحيبي كم لي وانا اطلب للواعيب شاره=للبرنو ام احلاق هي والصليبي واكبر دليل اني خطرتك اخطاره=تدري وانا ادري وش ردايه وطيبي الشعر يسمج لعترض لطراره=مايفيد فيه الحرفنه والتحيبي لكن بعض الناس سواق طاره=من عرض من كتوا فروع الشعيبي والشعر شانه معتلي بالصداره=عند الرجال مقدرين الشريبي واللي يهينه ماب كبده مراره=والناس تدري بالتقي والمريبي لو المريب مخادع(ن) نص حاره=مايقاله الا وين راح الخطيبي ان كان قيلت جد ولا عياره=بيس الصحيب اللي يود ويجيبي بئس الصحيب اللي تبين عشاره=على نصيب مدورين الذهبي وشعر اداب معتلي بنتصاره=جواهره ترفع مقام وتعيبي باقات ورده ماتجي بالعطاره=وان حز قص العضم لو هو صليبي ياجب على المسلم يسير بطهاره=لا يقبل الغيبه ولا يستغيبي الله يجنبنا عقيم العباره= اللي يبي ذكره يجي بالغصيبي مصحي سماه ومدعي بالكباره=شات الاجانب وللمولين ذيبي تم الكلام اللي كتبته بداره=هذا هو اللي لك يقول الزغيبي ماهي قضية اسمعي ياغراره=قدام الافات الزمان تغديبي |
صح السانك يالعملاق
بيض الله وجهك على القصيدة الجزله والرد الوافي |
|
صح لسانك يابوطلال بيض الله وجهك على الجزلات الرائعه والعملاق يضل عملاق اتمنالك التوفيق إن شاء الله أخيك ابوروان |
يعطيك العافيه على القصيدة الرائعه عملاق في كل شي بيض الله وجهك |
السلام عليكم..
هلا فيك أخوي الشاعر القدير غازي الزغيبي.. الله يعطيك العافية على هذه القصيدة الرائعة صح لسانك ماقصرت ولا عدمناك .. لك التحية والتقدير.. المحمد.. |
صح السانك ياشاعر الملتقى |
صـــح السانك يالعملاق الله يـعـطـيـك الـعـافيـــــــــــة اخـوك الـحـب الـبـاقـي دمت بخير |
صح السانك
وعلي شانك وبيض الله وجهك يالشاعر العملاق |
الاخ الشاعر غازي الزغيبي بيض الله وجهك يابوطلال وصح الله لسانك مجاراه رائعه لله درك تقبل تحياتي وكل عام وانتم بخير |
الساعة الآن 01:20 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir