الرجل مايشكل عليه ويكوده
 

سلمان الحويفي

‏ياناس من سوى جماله ومعروف
‏لايحبط اعماله بسوق المهايط

‏ويصبح هباً منثور ماهوب مخلوف
‏ولا له بميزان الحساني وسايط

‏ويجرح شعور اللي من القل ملهوف
‏ويحطمه عند الاهل والحوايط

‏⁧‫***********************************
سعد المحمدي

القول من واقع محبب ومالوف
لاصار رسمه لون رسم الخرايط

يمكن يعالج جرح ينزف ومكشوف
ينزف وماخاطه مع الوقت خايط

لناس ياسلمان غايات وشفوف
بين المقص وبين حمر الشرايط

***********************
سعد المحمدي
الرجل مايشكل عليه ويكوده
غيرالمجادل مع ضعيفين الابصار

بيت ٍ لشاعر في غياهب لحوده
الله يجيرك يا رجاءالله من النار

فيه اكتفي ياحاسده يامحسوده
يااهل القصور بدون بيبان وجدار

ياللي تسوق شعيل مدري تقوده
تلقى مع جهينه تفاصيل الاخبار


*******************
سعد المحمدي
ياطير ياللي فوق خضر ٍ مواريش
عطني وانا ابعطيك يامبعد الحوم

اعطيك قلب ٍ قافله معه بالشيش
من ماجرا له كله احزان وهموم

وعطني جناحينك فدوك الخفافيش
اللي سببهم حجرنا صار محتوم

ابغى نهار العيد ياصافي الريش
اعايد اللي وصلهم فيه ملزوم

*سعد المحمدي*

*الرجل مايشكل عليه ويكوده*

*غيرالمجادل مع ضعيفين الابصار*

*بيت ٍ لشاعر في غياهب لحوده*

*الله يجيرك رجاءالله من النار*

*فيه اكتفي ياحاسده يامحسوده*

*يااهل القصور بدون بيبان وجدار*

*ياللي تسوق شعيل مدري تقوده*

*تلقى مع جهينه تفاصيل الاخبار*

****************************
*ضاهر المحمدي*

*الرجل والله مايقوي عضوده*

*لاكبرت القاله وكثرن الاشوار*

*وصارت طويلات الحبال معقوده*

*وصكت عليه ظروف الايام واحتار*

*ياغير رجال ينومس وجوده*

*مثلك يابو تركي لياصار ماصار*

*من حظنا طلعة سعد مثل عوده*

*توارثو طيب ومراجل وشعار*

*وابو علي ياكثر طيبه وجوده*

*يالله عسى ملفاه جنات الابرار*

*واما ضعيف البصر نقصه وزوده*

*مافي رصيد مناقشه غير الاصفار*

*هذا اليامن جاك يشعب قعوده*

*اخذ اليمين ولياهرج حطه يسار*

************************
*سعد المحمدي*

*قلبي يابو سامي همومه تروده*

*لانامو السالين مع وقت الاسحار*

*اليا ذكرت اللي رحل دون عوده*

*صدق على قبره من المزن مدرار*

*لاقام كلن ينتخي في جدوده*

*انشهد انه للمجانين حشار*

*حامي حما ربعه وحامي حدوده*

*دون القبيله حد شلفاوبتار*

*البيت من بعده نعدك عموده*

*الله يجيرك من صواديف الاقدار*

*طيب الشجر من طيب عرقه وعوده*
*يادرع جنبي لامكر كل مكار*

*شامخ عن الحايه تذري حيوده*

*تذكر على من ضامه الخصم وانهار*

واحة غناء من الشعر الراقي والادب الوافي
وحديقة خضراء جميلة فيها الزهور الفواحة بشذى العطر والفل والكادي والياسمين
صح السانك ابا تركي وسلمت يمينك على ماسطرت
من روائع الدرر

شهاده اعتز فيها الله يبيض وجهك

صح الله السنتكم
ابداااااع
لاغرابة

صح بدنك وعتلا شانك
شهاده اعتز فيها يابن العم

الابداع
كحيلة حرب من اهله