ملتقى قبيلة حرب الرسمي - كل الخطوط معبده وتعرفها

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - كل الخطوط معبده وتعرفها (http://www.m-harb.net/vb/showthread.php?t=159560)

كل الخطوط معبده وتعرفها

ان كان نفسك سيل شكك جرفها
واصبحت لاراضي ولانته بزعلان

كل الخطوط معبده وتعرفها
اللي تبي مايمنعك عنه من كان

بعض العقول الله يعجل خرفها
من شان مايلعبها كل شيطان

النفس يبقى عزها من شرفها
واللي يطمنها مذله وحقران

يموت ماعاش الحياه وترفها
لو عاش مية عام خايب وخسران

الصيرفي لو كل عمله صرفها
اكيد تلقاها بالاسواق مجان

عنها لاينشدني فتى ماعرفها
ويقول ويش السالفه يابن دومان

توجد مفاتيح الخريطه طرفها
حل الرموز ويتضح كل عنوان

وجه شمال البوصله لاتحرفها
اطرح عدد وجمع عدد دون نقصان

تسجيل تواجد في منبر الجزاله
صح لساانكـ
بيض الله وجهك

اقتباس:

المشاركة الأصلية كتبت بواسطة الحب الباقي (المشاركة 1489808)

تسجيل تواجد في منبر الجزاله
صح لساانكـ
بيض الله وجهك

صح بدنك وعتلا شااااانك

صح لسانك
قصيدة جزلة من شاعر جزل

صح الله لسانك
ولاهنت
وسلم فكرك وبنانك
دمت برعاية الله وحفظة