ملتقى قبيلة حرب الرسمي - ياصبح لاتصبح وياليل لاتغيب،،،،ويانجم غيب البدر ضوه اباني

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

ياصبح لاتصبح وياليل لاتغيب،،،،ويانجم غيب البدر ضوه اباني

بسم الله الرحمن الرحيم
.

ياصبح لاتصبح وياليل لاتغيب=ويانجم غيب البدر ضوه اباني
وياذيب لاتمشي على جرة الذيب =0يمكن بعد مشيك عليها تهاني
وادلتن مع شربها نوحي الطيب=والفكر مع سوق الفناجيل زاني
اقلط عليها مع طوال الاشانيب=اهل الكرم ومقلطين السماني
في مجلسن مال النذالا مشاريب=دوارة الزله على المودماني
لو قلت كيف الحال يااهل المواجيب=بالسم الاحمر في كلامه كواني
اقدر على زلاتهم مير لي عيب=وعشرن بلا ثنتين ترجع ثماني
رجلن على الزلات ماني له مجيب=ولاهو بسيفن لي ولاهو سناني
وناسن على النمات بين الاصاحيب=عزالله ان مقابلتهم هواني
الصقر حام وفك عوج المخاليب=يوم الارانب انكبتها الاذاني

وشكر لكم

الشاعر / تركي الحربي
قبل كل شئ أسمح لي أن أقول لك الشاعر الكبير/ تركي الحربي
قصيدة معبرة و قصيدة جزلة المعاني ...... و أنت يا تركي غني عن التعريف
و بيض الله وجهك و إلى الامام0

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابوروان

صح الله لسانك

و لا هنت


	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك وعلاشانك

كتبت وابدعت

لك تقديري

صح لسانك وعلا شانك
والله يعطيك العافيه على القصيده الجزله

يعطيك العافية قصيدة راقية ورائعة

دمتـ بود وتألق

قصيدة رائعه وجميلة ياتركي

شكرا لك

فارس عوف بيض الله وجهك وصح بدنك

واشهد بالله انك راقي في تعاملك وشكرا لك على ماتقوم به لاجل هذا المنتدى الشامخ

لاهنت