لا عـاده الله علـمً اليـوم ذاعـوه = زلزل بـه الساحـة مـع الأطـراف
صاح الحجاز وجاوبت نجـد ياهـوه = من يسمع القلطة بعد غاب صيـاف
عزولي الجمهور والصـف عـزوه = وعزولي الشعار فـي كـل محـراف
ضلعً رسا بالشعر والنـاس سمعـوه = ماينطق الهزله ولا بيوتـه ضعـاف
شامخ بوجه الريـح مايـوم هـزوه = ورفع مقام الشعر عن بعض الأسفاف
وأن قامـوا الشعـار وإلا تـحـدوه = وقف لهم بالقاف ثـم أردفـه قـاف
وأن قـام للصفيـن والبيـت خَلـوه = جـاب الحقايـق ماتزلـف تـزلاف
طوع عسيـرات المعانـي وسمـوه = الشاعـر الأول علـى كـل ميقـاف
يامـا علمنـا بيـن الأعـلام رزوه = وسط المحافل بين الأعـلام ينشـاف
حتى قضى الله فيه حكمـه وشالـوه = على النعش محمول من فوق الأكتاف
ادعي من الله يـوم فالقبـر حطـوه = يغفـر لـه الـزلات والـرب رواف
والعلـم عنـي بأخـر الهـرج ردوه = الملعبه مـن بعـده اليـوم تنعـاف