|
ديوان الشاعر : شريف بن راكب الفريدي
الشاعر الكبير / شريف بن راكب الفريدي الحربي شاعر متمكن
سوف نضع بين يديك اخي القاري الكريم عدداً من قصائده حيث انه من الشعراء الذين اثروا الساحة بالعديد من القصائد التي تعتبر من درر الشعر النبطي كيف لا وقائها ومهندسها هو الشاعر الكبير شريف . ومن المعروف انه من الشعراء الذين يناقشون بعض القضايا الاجتماعية والآداب العامة وهنا يتحدث الشاعر عن بعض الصفات الذميمة لمن يقاطع المتحدث أثناء حديثه وخصوصا إذا كان كبير قدر وسن ويحكي من واقع تجربة ومعرفة أترككم مع القصيدة فهي تشرح نفسها وارجوا أن تنال إعجابكم .......
|
|
ياسامعٍ ماقلت لك معك أمانه=نصيحةٍ شوري عليك اعتمدها [/quote]ترى التخضّع من اسلوب الاهانه=احسن وسيلة عز نفسك تجدها وعيبٍ على اللي مايحدد مكانه=ويشوف نسبت قيمته كم عددها ولاينجزي راع الوفاء بالخيانه=ونهاية العِشره على من جحدها ولاكل رجالٍ عليه الميانه=اكبر خطى تعطى الثقة من فقدها وكم كلمةٍ تفتح على الرجل خانه=تمسَكْ عليه ولايحصّل سددها وكم واحدٍ خلى خليله ودانه=ضحك عليه وراح من عند يدها وكم عبد مالٍ مايمد الاعانه=حقه من الدنيا اليا اقفى نكدها ولاكل شخصٍ جاب غيبه لسانه=خص القلوب اللي تخفي حسدها هذا وغير اللي تقدم بيانه=امرّ من ما قلت لو قلت وأدها مزوّد الكلمه عدوا البطانه=اللي يبي جمع الشوش ويعقدها متعلمٍ مجمل اسلوب اللعانه=للحق يابا والوجيه يعبدها ابليس ماعمره فرق عن قرانه=والمشكله مايختفي عن وعدها لو راهن المطرود يكسب رهانه=يجيب علم الشّاذه من بلدها ما اقول قولٍ مالتزمت بضمانه=ما قدم الحجه واضيع سندها ماخصّ احد واقول هذي بشانه=تمشي على المقصود واللي قصدها وكلٍ يتابع بالجرايد اعلانه=ويشوف سعر العمله اللي رصدها ولاصافت الدنيا ملوك الكنانه=ماباقي الا معجزتهم وحدها هذا السبب معروف ماهي كهانه=من درّج الخلفه عرف وش ولدها لافي قسى الدنيا ولا بالليانه=عجزت اميّز بنيها من هددها احدٍ تغني له من أول زمانه=واحدٍ يقابلها ويخطي سعدها ولا احدٍ بمجهوده يحدد كيانه=كم مالكٍ لزراعةٍ ماحصدها وصلوا على المبعوث بآخر ديانه=اعداد ضخات العروق بجسدها |
|
يبو العيون اللي سهمهن يخدر=أعط الغصون الناعمه من تمروجك [/quote]وريح مضاليلٍ كفن التندر=واضمن نجاحك قبل تطلع نتايجك عساه يصدرلك قرارٍ تودر=واحرق ملفٍ فيه ماضي برامجك ياشين دار ضروف غيرك وقدر=هي ولجه المره عساها تولجك كان انت مجبور ٍعليه تكدر=بالله عني منهو اللي مهرجك والله يمين من الهوى اني مصدر=قدام ماربي على الكون يخرجك تعبت من طرد السراب المغدر=ولاني على ماضي حياتي مفرجك كبدي كما قاعٍ يباسه تفدر=هذا نبا عن حالتي كان تبهجك يامسنّد الوادي تراني محدر=مالي بشوفك والهبايب تعوجك ليتك على رحلة قطاري مبدر=افهم على الطاير قواعد مناهجك |
اول المعروف هو باب الصداقه=كل واحد ينطح الثاني يهلي [/quote]والسنين التاليه عوّد دراقه=ياخذ الحاجه رفيقك ثم يولي لاتسلف من تبي لك به علاقه=وكان ماصدقتني جرب وقلي قبل تعطيه الطلب ودّع فراقه=مدها يمنى رهن ثم شف من اللي لي صديقٍ غير الرقم ببطاقه=ومن ثمان سنين ما طب بمحلي وغير هذا فيه ليّه وانسراقه=ولايطب المسجد اللي به نصلي وما حصلي مارن بعض الرفاقه=كل واحد حاصلٍ له ماحصلي |
ياحبني لاهل النوايا السليمه=اللي مثل غيثٍ يعزّل نفيضه [/quote]عند الحشام تشوف نفسك حشيمه=وعند الليام يقال مافيك عيضه من لادعى النفس لهواها خصيمه=يشوف من نوع الخطا مايغيضه لي سيرةٍ هي تاج راسي قديمه=حملتها قدام حمل الحفيظه نفسي لها عندي معزه وقيمه=واخاف يكسرها الغلط كسر بيضه ما زتها مع كل طاري عزيمه=واعدها وسط المحافل حضيضه اخشى يجي من لايعرف الوسيمه=اللي يشيّل له فشقةٍ نقيضه تثور من حظي واحصل قسيمه=وابقى ورا قصه طويله عريضه اليا انسحبت يقال شاف الهزيمه=ويحبك سداها بالسلوك الغليظه وتساوت الذله معي والجريمه=واصبح حدى الامرين مثل الفريضه اليا اعترض قدمي خطات البهيمه=ذبحه حرام وتركتي له غميضه بعض القصور يعوض به سمل خيمه=لياصار تلقى به قلوبٍ مريضه بعدك عن اللي مايودك غنيمه=وفراق من قلد خلايف قريضه لويمسح المجرم دموع اليتيمه=تشوف نظرات العيون البغيضه |
من عاشر الدنيا وسوت له افراح=وشارك غلاها بالشرايين دمه [/quote]ما ظنتي يرتاح لو قال ابرتاح=يزود عمره والمشاكل وهمه واليا حصل له يوم من برجها طاح=داست عليه ولاتقل جت به امه ان اقبلت كلش لها صار مفتاح=يجيك غايبها ولو منت يمه واليا ادبرت قطْعَت مع الليل مسباح=بارضٍ وعر صعبٍ خرزها تلمه والمال عذروبه وجوده مع الشاح=صورة عسل من راح له جاء يذمه يصد عن واجب صديقه اليا لاح=ما يدرك المعروف بعيال عمه والله خلق كلٍ على الكون فلاح=وحصاد ما يبذر نهار المطمه في موقفٍ تجنى الخساير والارباح=ولا للبشر غير المسارين يمه احدٍ ليا سافر معه زاد وسلاح=واحدٍ يسافر ما معه كود كمه ولاخير في نجواً تكشف بالاصلاح=وحثٍ على المعروف والصبر قمه ومن شاف نفسه عاليه بالتبجاح=وغيّر عدوا آدم مساره وخمه يرسم له الصوره على شي ما يباح=ويوعد ولكن الوعد مايتمه ومن جاب لك نقله ولوا كان مزاح=الهرج بالغايب بلامدح نمه ومن يزرع الصبخا يدور بالاملاح=باع الغناه ومحور الفقر ظمه واللي يعد السيل لوشاف ضحضاح=دايم عن الواقع يجي فيه زمه ويازين فرقا اللي يسبك ليا راح=وبعدٍ عن الداب وملاذه وسمه ويا ما اصعب الغبه على كل سباح=اليا ارتفع موج البحر فوق جمه اخذت من بعض المعاني تلماح=والعود يشرونه على شان شمه وصلوا عدد ما الورق فوق الشجر ناح=على الرسول اللي نصح كل الامه |
ابجتهد والمجتهد يمكن يصيب = واليا حصل زلت خطأ غصب عني جميع ما اقوله حصيلة تجاريب = ما اقول قالوه الجماعة وظني منشان ظاهرةٍ على المجتمع عيب = ما ودي أتركها سدى وتغبني نصيحةٍ لمظايقين المعازيب = فسح المجال لغيرهم والتأني صدر المنصه لايودي ولايجيب = مايرتفع قدرك ولاهو مدني انته هو انته لا مهلهل ولاكليب = ما تنقلب باشه اليا صرت جني الحق لضيوف الشرف والاجانيب =هديةٍ لاصحاب الالباب مني والكبر ميزه من كبار العذاريب = للي معه مثله قرينه يغني ليا صفّط المشلح وشخّص على الجيب = وصوّر له المطرود عرش التمني يشوف كل الناس قدمه دباديب = لو ما يقل فلان ما قل سني ما في كلامي لاتصنّع ولا ريب = وجهت للمقصود رمح المطني عسى الزعل له عويتن في قفا ذيب = الخيل في وسط المرابط تعني والا ترى الطيب معه يمشي الطيب = لو صار في قاعٍ عجاجه مقني لو مسكن الطيب مثل خيمة شعيب = تعرف ولايعرف قصور الهبني كلٍ تهمه غيبته عند مايغيب = ويقال للثاني عسى مايثني شريف بن راكب [/quote] |
عديت لي في راس عيطاً من العيط=لو يسهي الطيار لحظه صدمها [/quote]اضنها اللي طاح من راسها مقيط=آخر حياته يوم عدا هرمها بقيت لين من التعب صرت ما حيط=رجلي من الوقفه تخدّر قدمها وأخذت من جزل المثل شبه تلقيط=ومهما يكون المستمع هو حكمها وان كان ما شادوا بهن صح بقليط= لاطافت العمله تغير سهمها صحيح بالأرياء تراجع وتقليط=مثل السهام الواطيه من قممها ذكرت ساعات الندم عقب تفريط=ما ترجع الفرصه لمن لا اغتنمها ولاينفع الميت عن القبر تحنيط=والروح خلاق البشر مستلمها تبرا الجروح وجرح الايام ما يخيط=اللي معاليق الضماير قسمها في عشرت الخاين تورطت توريط=حيت وحل حطيت رجلي بفمها صدّقت هرج مربط الهرج تربيط=وطاوعت ناسٍ ماتبري ذممها يا اصحابنا مالي عليكم مشاريط=الطيبه عنوانها هو علمها والعشره اللي ما وراها مصافيط=متعادلٍ وجدانها مع عدمها تصير مثل بنايةٍ دون تخطيط=منين ماجاها التعري هدمها |
الساعة الآن 04:38 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
