|
ديوان الشاعر / وضاع
سلام يا زاير حروفي من داخل القلب ممنونك عساه يعجبك مقطوفي وبسمة رضى تعانق عيونك |
أحذر ..... لاتنزل معك دمعه كله على ...... شان ناسينك أسرج في ليل الحزن شمعه تضوي بها .... غربة سنينك |
في صاحب السوء لاتلوذي مالك ومال الطريق الشاق أنصحك عن كل مايوذي الدين والعرض والأخلاق |
خلك مع الناس متوسط لين جنابك وراسك فوق أشري وفاء كاش لاتقسط ولا تبيع إلا عديم الذوق |
بذره صغيره في وسط القلب تآبا .. وتمنع ... شرور الروح سموها من قبل أهل الطب ضميرك ... الطيب المصلوح |
صدمه قويه وصعب الظرف راح ورحل قلب .. صافينا نبكي ويضحك علينا الحرف نضحك ... وتبكي قوافينا |
طول الهجر جرح أفكاري زاد العنى مخاصمة ذاتي ترنيمة الوجد فأوتاري غنت قصيدة معاناتي |
ليت المقفـي يـجـي ويـشوف وش حالنا عقب هجرانه غربة آمل والجروح صفوف والفرح ضيعـت عنـوانه |
بنات فكر الغزل ماتت تيتمت روح راعيها أماني العمر لافاتت ماظن الأشواق تحييها |
لا غادر الشوق وجدانك وقرر رحيله بلا رجعه ما ينقضي فـ الهوى شانك لو أن الأحباب مجتمعه |
الساعة الآن 04:55 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir