ابوسالم الرحال=
ماتشوف من ربنا منكود=يسلم ياسالم لك الغالى
وانا لكم اطلب المعبود=يشفى لك الغالى الوالى
سالم البشري=
آمين يسلم عميل الجود=وآقولها من سعة بالي
واهل الوفا مايبون شهود=ياراعي المنزل العالي

عايش الأحمدي=
قلبى لعذب المثـل لازان=يرتاح من جـور لهـاده
ويفرح بأهله وذات الشان=سـلام لأهـلـه ورواده
ماجد أبومديده=
عذب المثل يطرِب الفنان=ويعيشُه فرحـة أعيـادُه
يامُرهف الحس والوجدان=ترحيب في عيد ميـلادُه
عايش الأحمدي=
راعى وفى طيلةالأزمان=خابرك ماتخلف العـاده
هيا معى ايهـا الربـان=نبحر فبحر الصفا و ماده
ماجد أبومديده=
وفاك ترجح بُه الأوزان=وماعندنا زود ياسـاده
أنا معك حاكِم السكْـان=بحر الصفا فن ورياده
عايش الأحمدي=
الطيب مالك عنه مزبان=تارد على عـد ميـراده
اعرفك ياساجي الألحان=لك حرف معروفه امجاده
ماجد أبومديده=
هيا أعزف اللحن ياشيهان=ياروعة القيـل وإسعـاده
وإليا تمايل غصين البـان=رد المثـل نقـدح زنـاده
عايش الأحمدي=
هات القلم واكتب الأغصان=اللى على العـذب معتـاده
مادام فـى ملتقانـا حـان=وعذب المثل عانق اوداده
ماجد أبومديده =
الوقت محسوب بالميزان=لايضيع والناس نقـاده
إن كان عندك خبر مليان=حِّنـا للأقـوال سـداده
عايش الأحمدي=
خلك معى داخل الميدان=لا يفرح الحرف حساده
وقاد ناري من الأحزان=اللى على الروح وقاده
ماجد أبومديده=
هذا الزمن ماصفي لإنسان=مابين نقصـان وزيـاده
إما سبب في الحزون يدان=وألا مقـاديـر منـقـاده
عايش الأحمدي=
مانى عليه الزمن زعلان=عارف مراميه وارصاده
لا كنها طعنـة الطعـان=من خلف صعبه وكياده
ماجد أبومديده=
منه غدر بالبشر خـوّان=مايخاف ربُه ولاعبـاده
وأنصحك تجزاه بالحقران=مادام بانت لـك أحقـاده
عايش الأحمدي=
ما كان فالبال والحسبان=يشت عن منهج اجداده
ومهما اجازيه بالهجران=ما ياصل القلب لمراده
ماجد أبومديده=
خذها صريحه بكل لسان=والقول يقفاه شُهـادُه
من باعكم يعتبر خسران=بُكره إ يتندم على عناده

ابوسالم الرحال=
ياحرف وينك عساماخلاف=طولت ياحـرف فغيابك
اشواقنا مالها اوصــــــاف=ولحرفك اشتاقو احبابك
حرف=
موجود ياللي بدعت القاف=في خير ومبسوط بكتابك
شوقي لحرفك ثلاث اضعاف=راعي وفا والوفا جابك
ابوسالم الرحال=
شاكر لك الطيب والألطاف=اللى تجلت بآدابك
عذب المثل اعلن الأهداف=هيا معى سرج اركابك
حرف=
العفو ياثابت الميقاف=وافي وطيب مع اصحابك
وان كنت للمشتكى صراف=بودع لك الرد فحسابك
ابوسالم الرحال=
قلبى عليه اللهود اصناف=يامن تعليت مرقابك
من ما اشوفه وماينشاف=فالواقع المر متشابك
حرف=
كثير منهو رءا ماعاف=وصابه من الهم ماصابك
مير المشاهد ثقال خفاف=ماهي سوى وضح خطابك
ابوسالم الرحال=
آنا اعرف انك من العراف=يامدرس الحرف طلابك
عيده نظر عينك الشفاف=وانظر بها فاوسع رحابك
حرف=
الحكم بالظن فيه اجحاف=وللأن مابانت اسبابك
قلنا لك الطرف ياما شاف=وضح ولاتقفل ابوابك
ابوسالم الرحال=
والس مع الظالم الأحلاف=والدور ما بينهم حابك
وانا عليه الألم طواف=صبح ومسا عكس مطلابك
حرف=
اللي من العاقبة ماخاف=عليه لاتحرق اعصابك
الظلم سكة رجال ضعاف=يعيبهم وانت ماعابك
ابوسالم الرحال=
حرفك فنوف النوايف ناف=يا مهذبه من تهذابك
حكمت بالعدل والأنصاف=ياحرف والحرف يرقابك

هول الخبر حين ما جانا=كدر ياسالم على الخاطر
ماهو بهوانا ولا رضانا=حكم القدر فى يد القادر
ولانملك الا له دعانا=وربك مع المؤمن الصابر
ذادربنا وفيه ممشانا=والكل فى طرقته ساير

ربعى لناديت بعد وقرب=الكل يارد نهر صافيه
وآنا احمدى من قبايل حرب=عزيز راسى ولااوطيه
اقرى وحافض كتاب الرب=والفجر بالمسجد آصليه
واعرف بكل القبايل ذرب=ارجال سلم العرب تمشيه

كل حى لابدله من يوم=والكل عن دنيته فانى
ياكم راحو كثبر قروم=يمشون هذ ورالثانى
قابل نعزيه فالمرحوم=آنا ومعى جملة اخوانى
وبالرحمه ندعو لعزيز القوم=يعفواعنه رب رحمانى

خفف وهدى من السرعه=وراك من ينتظر عودتك
من منهج العقل خذجرعه=تفيدك فروحتك وفجيتك

خفف وهدى من السرعه=وراك من ينتظر عودتك
ومن منهج العقل خذ جرعه=تفيدك فروحتك وفجيتك

العلم فى كوكبه دوار=تجاوز اقمار دواره
مع دورته دارت الأقمار=وسع الفضا ومركز اسراره

مامات من خلف لدنياه=ذكرى لها يشهد التاريخ
تبقى فحصن الزمن ذكراه=متعليه كوكب المريخ