ملتقى قبيلة حرب الرسمي - ( الرّيش يامكثره في جلدّ النعام=لاكن رغم الكثر ماطار بجسد)..محاوره

/
/
/
/
/
/
/
/
/
/
/
/
/
/

خالد بن عبيد الاحمدي=
فبداية الطّاروق ببدا بالسلام=اتحيّة الاسلام ثم ٍ من بعد
قولوا لابن رجعان يقرب ياكرام=القاف ساخن والمعاني به جدد
عيسى بن رجعان العوفي=
هلا ولك مني تحيه واحترام=ياخالد بن عبيد يانعم الولد
موجود بن رجعان بالخط الأمام=عطنا علوم الشعر وابشر بالسعد
خالد بن عبيد الاحمدي=
تبقى يابن رجعان يانسل الشّهام=ولا زود..جاك القاف خلّك مستعد
الرّيش يامكثره في جلدّ النعام=لاكن كثـر الرّيش ماطـار بجسـد
عيسى بن رجعان العوفي=
ابشر ولاتوصي خبير ٍ بالنظام=مايحتزم للعلم رجل ٍ مايسد
ياقو في رؤس الشجر نوح الحمام=وإن شاف الاشقر حام من فوقه شرد
خالد عبيد الاحمدي=
لاتحرف المعنى وصحصح للكلام=وافطنّ لقول الشّاعر اللي له تردّ
ماجالنا قافك على نفس المرام=ورحلتك لاتخرج عن حدود البلد
عيسى بن رجعان العوفي=
راجع دروسك زين ياهذ الغلام=والمبتدا قبل الخبر يابوحمد
وظرب المثل بين العرب ماهو حرام=وكلاً حسب علمه وعرفه يجتهد
خالد بن عبيد الاحمدي=
امدرّسك لاصار شرحه لك تمام=كانك فهمت الدّرس جاوب لانشد
ستّه ذيابه ثابته فيها عرام=لجل ايش عيّت لاتواجه بالاسد
عيسى بن رجعان العوفي=
لو فار دمّك ياعميلي ماتلام=واشلون يهدم جسر جمع ٍ متحد
والنّاس تبغا الصلح ماتبغا انتقام=وآظن ماله غير ماسوّى الفهد
خالد بن عبيد الاحمدي=
الطّيب ماينعك فعيال الرّخام=والنّذل يسطي كان شافك ترتعد
المعتصم من كلمة ٍ جاته ولام=سل ّ الحسام وجاب حقّ المضطهد
عيسى رجعان العوفي=
اللي مشى بالحق والله مايضام=عيّنت رسّتم يوم ضحى به سعد
من قصره الابيض وقع معاد قام=تاريخ ياخالد على القمّه صعد