ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مـــلــتـقى الـــمـحــاورة والــردًيه (http://www.m-harb.net/vb/forumdisplay.php?f=9)
-   -   محاورة ( الشاعر مع السكر ) للشاعر / عبدالكريم بن علي المزروعي (http://www.m-harb.net/vb/showthread.php?t=153323)

ابوجميل المزروعي 04-05-16 03:55 AM

محاورة ( الشاعر مع السكر ) للشاعر / عبدالكريم بن علي المزروعي
 
محاورة ( الشاعر مع السكر ) للشاعر / عبدالكريم بن علي المزروعي الحربي :

ترحيب بالشعر

هلا بالهاجس اللي ننتظرك و جيت في موعدك
وأنا خابرك ما تخلف وعودك يـوم توعدنـي

ألا يالله عسانـا نفقـد ألأعـداء ولا نفـقـدك
وعلى هذا خصيم الشر إنت اللـي تساعدنـي

سؤال للسكر

أنا بانشدك يالسكر و هات الصدق يوم انشدك
واش لك عندي يوم انك بين خلق الله تهددني

قال السكر

أنا جيتك محبه فيك ما جيتك أبـى اهـددك
ولا خاويت مثلك يا ولد مـزروع يسعدنـي

أنا ماابغاك تزعل من خويك والخوي ساعدك
أبا قربك لو انك مـا تبـي قربـي تبعدنـي

قال الشاعر

باتخدعني وأنا ماني مغفل داري بمقصدك
يا بو نيه رديه جيتني بالشـر قاصدنـي

تبهذللي حياتي مير أقول الله لا يسعـدك
أنا وش ابغى بقربك وانت فالدنيا معقدني

قال السكر

أنا ماني بضايق وانت كثر الهرج ما ينجدك
ولا اظن الكلام اللي تقولـه بـا يشددنـي

أنا ماني عنيد ولا تحسب اني أبى اعانـدك
ولا ودي عنادك يوم يعلم الله لو تعاندنـي

قال الشاعر

يا محرمني من النعمه و قلت أنا ماني حاسدك
تبي مني صداقه وانـت بأفعالـك ملاهدنـي

تكب أهل الشحم و أهل اللحم وجيتني تدبـك
وأنا وش كبر جسمي وانت ياالغدار حاسدني

قال السكر

تحملت الكلام اللي تقوله ماابغى أزايـدك
بعد جات العلوم اللي حقيقه لا تزايدنـي

تبي فكه من الصياد وانته في يدي صايدك
لكن اصبر على علمٍ حصلك لا تكايدنـي

قال الشاعر

تواردني لحكم الشرع ولاّ قـول مـا اواردك
وأنا رجال أورّد جابتي و الشـرع ينجدنـي

يبي يصدر عليك الحكم سجن و جلد ثم أجلدك
و هـذا ردع للظالـم و خلـق الله تأيـدنـي

قال السكر

كثر هرجك وكثر الهرج لا نافع ولا فايدك
أناما جيتك إلا بأمر وانت تقول واردنـي

لكن إقنع بحكم الله وحكمة ربنـا تنجـدك
وأنا ما ابغالك المنقود وانتـه لا تنقّدنـي

قال الشاعر

بعد علم حصل بيني و بينك ربنا يبعدك
وأنا ربي يشافيني ولا اشوفك تراودني

ابن فلاح 09-10-16 01:02 PM

مساجلة حلووه

يعطيك العافية

الحب الباقي 16-08-19 01:41 PM


تسجيل تواجد في منبر الجزاله
صح لساانكـ
بيض الله وجهك

حسيـن 18-02-20 06:40 AM

الله يشفيه ويعافيه ويكتبله الاجر والشفاء وجميع المسلمين
وسلمت يمناك على نقل المحاورة الطريفة الجميلة



الساعة الآن 11:48 AM

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi