|
الجو غير صافي........نايف بن مياس
الهوى غير طريقه واستدار=الهبوب اليوم ماهي صافيه بدلت نود النسايم بالغبار=وابتلشنا بالرياح السافيه واختلف جو المدينه والديار=مرةٍ تبرد ومره دافيه واعلنو توقيف رحلات المطار=لا تغادر واسمحوا بالـلافيه كثروا الركاب والحجز انتظار=والكباتن بالمضاجع غافيه والاداره لاخطاب ولا قرار=لاتئدها ولاهي نافيه وان حجزنا بالتكاسي والقطار=وقتنا مافيه مده كافيه من يشوف الدرب قدامه شرار=كيف ياطا بالرجول الحافيه وان وطيناها على شان الشعار=تستحق الرايه الرفافيه ياعساها كل يومٍ في عمار=ابعدوها عن يدين المافيه وان تكلمنا نبي رد اعتبار=ولعت نيران كانت طافيه كل واحد في طريقي شب نار=والنتيجه ضامنين العافيه التجاوز في نظامه من يسار=والعرب زحمه على الاكتافيه يدرس السواق قبل الاختبار=لوحة التوجيه والمعطافيه والدروس اللي تعلمنا كثار=ماتجي ربع العوم الخافيه ماتعلمنا بتعليم الكبار=الدروس اللي كسبنا شافيه ماندور للسوالف مستشار=ولا عرضنا العرف للعرافيه مافرضنا فوق هالعالم حصار=كل فرصعه بيننا متكافيه ولامعي تصريح حق الاحتكار=ناس قدامي وناس خلافيه ما انظر العالم بعين الاحتقار=وامتلك دون الضعيف اعفافيه وان سبحنا وسط غبات البحار=ماندور بالبحر مجدافيه وان مشيت امشي على وضح النهار=وان وقفت آقف على مشرافيه للقرابه عندنا عز وقار=نحتميها بالبشوت الضافيه وكان راع الهرج هون واستخار=في فعول الطيب نجزى الجافيه قلت ماحرك هجوسي باختصار=وان سردنا ماتشيب القافيه باسمي المعروف ماهو مستعار=تحت تقديمي وتحت اشرافيه نايف بن مياس الفريدي |
كفو كفووووو كفوووووو
قلت واجزلت يانايف ولك من اسمك نصيب شاعر جزل وماتجيب الا الجزايل وانت راعيها مليون صح السانك وعلا شانك تحيتي وتقديري |
اقتباس:
صح بدنك يامحمد شهادة اعتز بها بيض الله وجهك وسجل اعجابي بحرصك ومتابعتك المستمره ان دل انما يدل على الحرص لخدمة هذا الصرح العالي |
صح السانك وبيض الله وجهك
على الجزالة |
اقتباس:
|
¨°o.O ( ×××××××) O.o°¨
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك يانايف ...وكفو وكفو
جزل ولاتجيب الا الجزل وقصيدتك هذي جزله والله يعطيك العافيه تحياتي وتقديري |
قصيده جزله
صح لسانك يالفريدي نايف ودااام تالقك احتراااامي |
الله الله الله الله
صح لسانك وبيض الله وجهك يانايف لاخلا ولا عدم قصيدة تنومس من نوماس لك خالص التقدير |
لاهنت وصح السانك
تقبل التقدير والاحترام وفقك الله |
اقتباس:
|
اقتباس:
|
اقتباس:
|
اقتباس:
|
اقتباس:
|
صح لسانك شاعرنا القدير وبيض الله وجهك |
اقتباس:
|
صح السانك مليووون وبيض الله وجهك على هذي الشامخه والرائعه بروعة حضورك الغالي |
صح السانك مليووون وبيض الله وجهك على هذي الشامخه والرائعه بروعة حضورك الغالي |
اقتباس:
|
صح الله لسانك ولاهنت وسلم فكرك وبنانك دمت برعاية الله وحفظة |
الساعة الآن 07:24 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir